¹ Simon Bitrus, ngaru la a ɗeino ki a ɗeino kusa Kristi Yeso, go biyai biskangko ona jire so jina ti shida yo juni biskangko, ana jie tong jikyayi Ndeyinmu ki Yeso Kristi. ² Eri ei zina ɗeyik nguni, eri salam sawek gya manta Ndyi ki so Yeso Bomu a bano. ³ Shaf ki 'yak gyeɗok Ndeyi yo ɗeino, ki Ndeyini ona mutik zuni ki gya mantu, yo wonda munik gya nama kanni so zina. ⁴ Ki gya ei yoi omuti na'aakok gyara eni yo zina iko woi kika ngu deyin we yooyoku tong ɗeinok Ndeyi ikok ngu tunk gya yabtu yo tong dunya kika 'yak dadaful ido moihe. ⁵ Kika ei woi 'ya boyo gyeɗotku ngu sawidi ramtu ki gye ona jiretku, tok gya zinak mantu. ⁶ Ki gya mantukku ngu sawidik gya nha ka tok gya katku.ngu sawidik hafri ki gya hafritku ngu sawidi ɗaha Ndeyi. ⁷ Ki gya ɗaha Ndeyi, ngu sawidik daltu shida so yagyna, ngu sawidi daltu. ⁸ Na shida ei mamaye hawootkui, ke tong ayanko hawosu, a yena ngu tabeno nama 'yaklu Kristibu. ⁹ Me shaf ki ngoi na yaklak ei mamaye'e a moishe ei si dalo yak'e ini makum. makmuni ta buɗanik tong zunhunis onisi ¹⁰ Kika ka'ai yagenano 'ya bo yo gyaɗotku ngu moyi ta wunditku ki zabetku. na ngu 'yanko ei mamaye, ngu gentebu. ¹¹ Kika ka'a watik rishe tong mene an bo ernonobu yo boku a bano ki a Wanguku Yeso Kristi. ¹² Kika ka'a zugono ramteno lei tamiya ne onku ei mamaye, le tong manankosu.ken 'yanku gyeɗok tong ona jire kaiso difnas zina, me iko zinan tukteku zugonku ki dibna ka ei mamaye, tundan anno tong zugo woi'e. ¹³ Ne iko zinan tukteku zugonku ki ɗeino ka ei mamaye tindang anno tong zugo woi'e. ¹⁴ Kika ne manoti jo nasobun wustik zugo woi'e kit shida yo Yeso Kiristi tamno. ¹⁵ Ne lei shida eimiya lei tamiya kika ngu some ɗifɓana ka ei mamaye ki bei marsheno. ¹⁶ Kika mu ɗahangko somos hoɗangkok ka tama wayo hawosubu, ki anshenku ka gyeɗok hetesik bomu a bano Yeso Kiristi, me muniman ana shaida ka gyeɗonni. ¹⁷ Kika biska namaka ki darajak gya Ndeyi boti a jajum yo dolya dinok tong gyeɗok mai namka ta, "Woi lanoiyong dalo, yong kolshe zeini yam." ¹⁸ Mu kolankok ɗolya woises so dinok ɓaɓa, jajum yong bei moɗiks, ka goshak ma'i. ¹⁹ Mu anandi eni nafsi so an jire yam, ngu kolkankok isshento, ngu 'yanko zina na ngu matanko hakalitku kasu. a wonɗe kit asibalbal so talku a beis an tutuɗu, kaui hete hati ke kit janja so baɗi hinɗeno tong tilinku. ²⁰ Ngu mantitik woi tong ki tono, ta an nafsibu so gyeɗatku hoishik ngoi. ²¹ ki ka an nafsis so damɓet ɗeishekgya difnak ngo. A bo ka'a kelui bu'unoi a zofshe zuni an eni Ndeyi.