¹ Ndɔ kɔrjoo gidǝ kare lǝ nan kɨ njekon tɨ Ji-sɔ-ji mutǝ nga njendisǝnon ribǝ tà lǝnn sǝ ndu Aje njeribǝ dǝ tà lǝ Nubǝ ǝdǝ nè: ² Ǝdǝ Djorobabel ngonn lǝ Scheathiel, nje gugur ɓeekon kɨ Juda á Jojue ngonn lǝ Jotsadak maw nje kujǝ nyan mǝs à sǝ gutǝ koosǝ doo gǝ ǝdǝ nè: ⁴ Ke nan á dann si tɨ á è doo kɨ tee tà yoo't kɨ an ndubra kɨ dǝssein lǝ kǝi nè nga wa? A ɓaa ke ɗarinè an-in kǝi nè nga titǝ kɨ ɓain wa. A titǝ kɨ too nè nga, ke è nya le tà kum si't le wa? ³ Njenisǝnon ǝdǝ nè ɗarinè ɓaa uwe rai mɔng Djorobabel. Uwǝ rai mɔng Josue ngonn lǝ Jotsadak, maw njekujǝ nyan mǝs. Njendisǝnon ǝdǝ nè uwǝi ra si mɔng sei koosǝ doo gǝ malang kɨ kɛ̀m ɓeekon't. I rai kulǝ ɓaa ma man dǝr gir si Njendisǝnon lǝ koosǝ njerɔ gǝ á tam ɓee. ⁵ M'dà njang dè mann ra't lǝm kɨ man'n ram madǝ si; loo kɨ ndɔ kɨ undǝi loo i teei kɛm ɓee kɨ Ejipt nga ndilm è dann si't. I ɓǝli le. ⁶ È á Njendisǝnon lǝ kósnjerɔ gǝ ǝdə nè: kur loo sein go tɨ ɓaa, ma m'yəi danran sə nang á ba bò sə loo tutǝ á tɔ. ⁷ Ma m'yəi gir kojǝ doo gə malang á; ma madǝ nyan baw gə lǝ gir kojǝ doo gə malang a reei á, ma madə ndubəra ləm à taa kɛm kəi nè pəl-pəl á tɔ. Njendisǝnon lǝ kósnjerɔ gə ā tam bè. ⁹ Ndūbəra lə kəi kɨ gugu nè nga a ur də nje kǝ dəsein Njendisǝnon lǝ kósnjerɔ gə á tam bè. À è loo kɨ nɛ̀ á ma madə kɛmlɔm ləm à to tutə. Njendisənon lə kósnjerɔ gə á tam bè. ¹⁰ Ndɔ kɨ nje kon tɨ kɔrjoo gidǝ sɔ lǝ nan ji nai kare lǝ lō kon ɓee kɨ njè kon tɨ joo lə ngar Darius nga, Njendisənon ribə də tà lə'n sə ndu Aje njeribə də tà lə Nubə ədə nɛ̀: ¹¹ È á Njendisǝnon lə kósnjerɔ gə ədə nɛ̀: I dəjə njékujə nyan məsə gə tà ɔjə də gutu ndu ədə nɛ̀: ¹² Kɨ nè á tà kubə lə doo kɨ dan kɨ to sə ninə'n to tutu á ɔdə'n mapa, sə mann kann ndu, sə ubu eke nyan kusǝ kɨ rang ɓa ke nyan gǝ nè nga a teli kunji nyang-nyang kuwǝ wa? Njekujǝ nyan mǝs gǝ ǝdi nè m-m. ¹³ Aje ǝdǝ nè Kɨ nɛ̄ á doo minə sə goo kɔdə kɨ ɔdə ra ninn doo eke ninn dan á ree ɔdə'n ra nyan gə nɛ̀ malang ɓa, ké a minəi wa? Njékujə nyanməsə gə ədi nɛ̀: Nyan gə nè nga a minəi kuwə. ¹⁴ E á Aje təl un tà tam ədə nɛ̀: kosədoo gə sə gir kojə doo gə nɛ̀ nga ei titə kɨ be ta kum man tɨ; Njendisənon á tam be. E nyan gə nɛ̀ a ei kulə ra də malang. Nyan kə d'un d'adəm nɛ̀ nga gea, e nyan kə minə tɔ. ¹⁶ E a loo kɨ doo rē loo kugu kó lə kingə janga kɔrjoo ɓa ingə dɔg burə. Loo kɨ doo rē ta jō rëbə tɨ lə k'ɔdə mann ndu litər kɔr mi ɓa ingə kɔr joo burə. ¹⁷ M'adə nyan gə lə si uwəi kār, də kó lə si ojə pɔr, ndi kɔtch tujə nyan gə lə si ā, m'tujə kulə ra si gə malang ā tɔ. Nɛ̀ nɛ́ e bè gea, sei təli rei ram tɨ le; Njendisənon á tam be. ¹⁸ Undǝi kum si an-in nyan kǝ tee kete saar tee'n kɛ̀m ndɔ kǝ ɓila nga séw-séw a saar tee'n kɛm ndɔ kǝ njekon't kɔrjoo gidǝ sɔ lǝ nan kǝ njèkon't jinaikare. Undǝi kum si an-in nyan kɨ tee kɛ̀m ndɔ kǝ d'unǝ'n gir kǝi lǝ Nubǝ nga séw-séw. ¹⁹ Ke ko nyan gǝ tooi kɛ̀m dam gǝ't ɓai wa? Kag Nduu sǝ kag kote à kag kɨ rinn nè grenadiye se kag kǝ rinn nè olibye a tɔ nga gea ai-in le Nè unn gir kɛ̀ ndɔ kɨ ɓila nga ma madǝ ndutɔr lem a ojǝ nan nyami-nyami kǝ si't. ²⁰ Tà lǝ Njendisǝnon oso mbi Aje't njekon't nja joo sǝ ndɔ kɔr-sɔ- gidǝ-sɔ lǝ nan nè nga ǝdǝ nè: ²¹ Ǝdǝ Jerobabel nje gugur ɓeekon kɨ Juda ǝdǝ nè: m'a m'yei daran gǝ sǝ nang nè ɓuk-ɓuk. ²² Ma m'jɔre kutǝ ngar lǝ ɓeekon, m'a m'tujǝ tɔgmɔng lǝ ɓeekon gǝ lǝ gir kojǝ doo gǝ- doo gǝ. M'a m'tujǝ pusǝ rɔ gǝ sǝ njekaldǝ gǝ ndàt-ndàt á, sindǝ rɔ gǝ sǝ njekal dè gǝ kuwǝ a tɔli nan yó kɨ nè se kuyǝ kaskar.