DCS-Mirror-krispy_gvl_hag_text

Loo kayai'n 1

¹ Ndɔ ke dessein le nan kɨ njé kon tɨ mutǝ-mutǝ kɛm ɓal konɓee kɨ njekon tɨ joo le ngar Darius nga; tà le Njendisenon tee sǝ ndu Aje njeribǝ dǝ tà lǝ Nubǝ adǝ Djorobabel njegugurɓee kɨ Juda, ngonn lǝ Schealthiel sǝ jojue maw njekujǝ nyan mǝs kɨ ngonn lǝ Jotsadak ǝdǝ ne: ² Njendisǝnon lǝ kósnje rɔ gǝ tam ǝdǝ nè: kosdoo gǝ nè nga ǝdi nè kur loo re le ɓai, è kur loo gɔl kǝi lə Njendisenon le ɓai. ³ Gir'n kǝ nè á tà lǝ Njendisǝnon tee'n sǝ ndu Aje, njeribǝ dǝ tà le Nubǝ tam ǝdǝ nè: ⁴ ke è kurloo kadǝ sei i ndii kɛm kǝi kǝ ndóle kǝin-kǝin tə loo kǝ kǝi nè tujǝ'n wa? ⁵ Ɗarinè Njendisǝnon lǝ kósnjerɔ gǝ tam ǝdǝ nè: undǝi kum si an-in gò rǝb gǝ lǝ si sɛ́w sɛ́w. ⁶ Sei dubi nyan gǝ nè ingǝi ndei bè. Sei usǝi nyan nè tɔl kundǝ lǝ si le, sei ulǝi kubu nè ra si ɔb ɔi le nyan dǝ ji lǝ doo kǝ ra kulǝ oso kɛ̀m mbu kǝ mbutǝ tɨ. ⁷ Gir'n kǝ nè á Njendisenon lǝ kósnjerɔ gǝ tamǝ'n ǝdǝ nè: i mǝri rǝb kaw si majǝ ai-in. ⁸ Ubǝi dǝ mbal, i reei sǝ kag gǝ i rai kǝi lǝm ɓaa ma m'ingǝ ranǝl ra si á ma m'inge ndubra á tɔ. Njendisǝnon á tam ɓè. ⁹ I giri kingǝi nyan ngain nè, ingǝi ndei ɓè. I reii kɛ̀m kǝi nè m'tõ nel dǝ't. Tǝdǝ ri wa? Njendisǝnon lǝ kósnjerɔ gǝ á tam ɓè, tǝdǝ tà lǝ kǝi lǝm kǝ tujǝ nè nan-nan gea tɔs kum'n dǝ kǝi tǝ lǝnn tă. ¹⁰ Gir'n kǝ nè á danran gǝ ɔgi sei mann tàl á nang ɔgǝ sei nyan majǝ gǝ á tɔ. ¹¹ Madǝ ndi ǝdǝ le, adǝ loo tutǝ dǝ mbal gǝ't á dǝ geme gǝ't a, dǝ nyan kǝ de bar'n mù't á dǝ ubu't á ; dǝ nyan gǝ't malang kǝ nang as kujǝ kǝ nata dǝ doo gǝ't se dǝ dan gǝ't á se dǝ nyan gǝ malang kǝ ji doo ra a tɔ. ¹² Djorobabel ngonn lǝ Schealtiel sǝ Jojue maw njekujǝnyanmǝs kɨ è ngonn lǝ Jotsadak se kósdooge ooi ndu njendisǝnon Nubǝ lǝ dǝ á sǝ tà gǝ kǝ Aje njeribǝ dǝ tà lǝ Nubǝ ǝdǝ dǝ sǝ go kulǝ kɨ Njendisǝnon Nubǝ lǝ dǝ ulǝ'n. Ɓaa koosǝ doo gǝ ɓeli tà kum Njendisǝnon. ¹³ Aje kɨ njekaw kulǝ lǝ Njendisǝnon ǝdǝ koosǝ doo gǝ tà sǝ ndu kunn lǝ Njendisǝnon kɨ ǝdǝ nè man sǝ si nan't. ¹⁴ Njendisǝnon ndǝl tàgir lǝ Djorobabel njegugur ɓeekon kǝ Juda ngonn lǝ Scealthiel sǝ Jojue maw njekujǝ nyan mǝs kɨ è ngonn lǝ Jotsadak sǝ gutǝ kos doo gǝ malang ɓaa reei kɛ̀m kǝi lǝ Nubǝ lǝ dǝ, Njendisǝnon lǝ koosǝ njerɔ gǝ unni gir ra kulǝ. ¹⁵ Sǝ ndɔ kɨ nje kon't kɔr joo gidǝ sɔ lǝ nan kɨ njekon't mutǝ-mutǝ kɛ̀m ɓal kɨ njekon't joo kɨ ngar Darius õ'n ɓee.