¹ Tẹ ba gẹ̀dẹ ba fulu à ba bágomọ, giba yẹ nu sili ne, umẹ nya ne amẹ getima seselẹ tẹ̀ ne. ² Tẹ ba gẹ̀dẹ ba ka kyẹ gọngọ tụtụ la, ne gamẹtsị̀ ga mẹnẹ ne la, wulu gi banẹ gị banị kiki a gị iwu yaba, giba sinẹ iwu yaba tịzẹ nẹ gẹ̀zugẹ ka banị kiki gbyi. ³ Nyẹ ne iwu yẹ yi nẹ̀, igi má ba lika kana la gẹ̀dẹ ya kpụ la, A tsinẹ neyi ibẹ mẹ iyẹ yẹliyẹ̀ la tẹ̀, ini va iyá mẹ ibẹ idẹ ka ya gasẹ̀. ilẹ̀ nu utụ áká itsukụ̀ nị idẹ ya gẹ sin ibọki nẹ. ya mẹ àká tsukụ̇̀ iginẹ ya gẹ̀ idika. ⁴ Utụ mẹ n lika seselẹ ubẹbẹ ni gẹ̀yẹ ke yine tẹ̀, ⁵ Ubẹbẹ̀, wá vu gẹ̀bọ ka gatimẹ seselẹ gumẹ umẹ tẹ̀ la, ndẹ gẹbọ ka gẹ̀ yi kana ụ sẹ̀ yi. Ụsèyị nu tịmozi pepa'a umẹ á mọ̀yị tẹ̀, ni gụ̀munụ seselẹ kọ Usigapa. ⁶ Usigapa giyi gụ̀munụ seselẹ kana nu Uyesu ukrisiki. ⁷ Umẹ tẹ̀̇ gẹbọ ka ga gẹ̀dẹ ya wá gasẹ. gi ya vu beyi yana imẹ iya wá ulayi gbogbo á gẹ tẹ̀. ⁸ Lika gumẹ ụ sẹ̀ yitẹ̀, mẹ yẹ gẹ̀dẹ nya gẹbatẹ gẹ̀dẹ, gẹ̀dẹ gi bẹ gengẹ zulẹ nẹ gatimẹ kọ Usigapa, umẹ uyị ne gẹ̀ zugẹ̀ kaba tẹ̀. umẹ uwá yelịyẹ á gi gọngọ tẹ̀. ⁹ Nyẹnẹ á nabọ iwá gaza ni gaentsine nẹ lika kọ Usigapa. ibẹ mẹ ya nya uluba la gẹ̀dẹ iva ya gasẹ. ¹⁰ Nyẹnẹ á gyẹ unimẹ uwa benẹ banị gana ni gị nya kenẹ tẹ̀, ndẹ nyẹnẹ á kukua gutẹpu inẹ gudẹ kọ nnẹ iva tsá, ¹¹ Kpụ tẹ̀ gẹ̀dẹ banị yẹ nabo lika kọ timọzė seselẹ, ba nẹ iwụ yaba zwẹ bẹ.