¹ Ndẹ nya, gẹ ba lika seselẹ. ² Itinibo a vu banị mẹẹ à fulu a ba ba tẹ, ba vu banị, ga kpụ, ba vu banị ubangasikiya ni idiya gẹ yẹ nẹ. banị liyẹ ga mọ̀. ³ Benyine yẹ kpụ nyẹ nẹ avu banị a li seselẹ, nyenẹ a ka vu banị asalawa la. Baka vu banị bẹzẹ gawu la. Batsine ubẹ mẹ u yẹ liyẹ tẹ. ⁴ Batsine bebyi bẹ nyinezu lika seselẹ nbẹ yẹ ba bana yaba nị bebyi yaba nẹ. ⁵ Nyenẹ à tsinẹ ba ko ba nya ali tẹ, ba yẹ tsá, ba vu banị gamị ga ginẹ, ba fulu a ba bana yaba. Ba mẹ tẹ̀ gẹba ka ga gẹ̀dẹ lika ko Sigapa aka vu ubẹ wa tutu la. ⁹ Bẹfù a vu banị mẹẹ nba fulu aba gẹ̀zu gẹ kaba tẹ̀, ndẹ ba ka vu banị mẹẹ nba mẹ gamẹ tsị nẹ gezùgẹ kaba nẹ tẹ̀ la, ndẹ ba mẹ ubẹ mẹẹ ngẹ zugẹ kaba a yẹ tẹ̀. ¹⁰ Ndẹ ba ka vu banị ibẹ geyị la, ba vu banị ubangasikiya giba ba lika kọ Usigapa umẹ utsànẹ tẹ̀ ¹¹ Geye ko Sigapa vu wa gọ̀ngọ gybi. ¹² Wa tsinẹ yị ko ya gya ibẹ mẹ iya vu yo Sigapa la tẹ. Wa tsinẹ yẹ ko ya mẹ lika sesele tẹ̀, nụ timozẹ wo Sigapa nụ tumẹ ilẹ mo mẹ tẹ, ¹³ Ya nyene gẹzugẹ gị ya gu anabalika wa gẹ̀bẹ ko Uyesu. ¹⁴ Uyesu gị iwụ yana gị wa sẹyị na ka Ibibi gị ya vu banị tsà, n wọza na gị ya mẹ alala gị ya mẹ gatimẹ seselẹ.