¹ Nimẹ, UBulusu gufẹ̀ ko Usigapa umẹ Uyesu vala tẹ. Utsagbani wo Uyesu nẹ, gẹ̀bo ka ubangasikiya yẹẹ;e vala wo Usigapa ni gakpu ka ukwukwasi nẹ imẹ nba wulu ni lika usẹlẹ nẹ tẹ ² Ga wulu ka gbogbo à gẹẹ nụ Usigapa umė uwa tsa'ami la tẹ̀, umẹ anikewe tẹ̀ tẹ̀ tẹ̀ tsẹ'à gị utụ à mẹ. ³ Utụ gyẹ, utsini lika kana ya gitẹ̀ gumẹ ụwulu nimị nẹ gẹ̀dẹ ma'à gẹẹnẹ̀ tẹ̀ mà'à mẹ nị ganụ ga gi ko Usigapa umẹ useyi tẹ̣̀. ⁴ Utatusu, ubyi, ya ukwukwasi yo ubangasikiya. Aniheli ni liyeyesi nẹ fu nụ Usigapa wa Ada ya Alimasihu Uyesu umẹ ugị yị gasẹ tẹ̀. ⁵ Ni gayi tẹ̀, nnabo ukarita, gị nnya mẹ ibẹ imẹ a mẹ ya byẹ bẹ la tẹ̀, nụ lindi ga tá batinibo yẹ ilẹ gbyị kẹ ngẹẹ nẹ tẹ̀. ¹² Unị dẹ nị ginye kaba, umẹ ubi giwa tẹ̀ gẹ̀̀dẹ, banị Ukaritiyawa ba vu banị à mẹ, ba vu banị tsukutsuku ba ginẹ nya iyẹ bibi tẹ̀ kufitsi kọ̀ unọ̀ tẹ̀. ¹³ Ubẹ mẹ uwa gatẹ̀ usiyetẹ̀, gebọ guya tẹ̀ dẹ ba nụ timozẹ sẹselẹ wá likà kọ̀ Usigapa. ¹⁴ Bá ká ewụ liká kọ̀ uyahudawa ni ibẹ izizi yaba nẹ la.