DCS-Mirror-krispy_ged_1ti_text_ulb

Usula 1

¹ Ubulusu utsagbani ya Uyesu Almasihu Unị́ ganu ga gi ka ibe izizi yọ Usigapa umẹ usẹẹ yi tẹ̀, nu Uyesu nẹ unị́ ntsi yeyi. ² Gẹnẹ nu Utimoti ya ukọkwasẹ ubyi wọ ubangesikiya, ya aniheli, gamọ̀, nu liyesi nẹ, nu Usigapa Ada yi Uyesu. ³ Kọ nma gẹẹ gẹ̀dẹ namẹ tẹ, ụtụ mẹẹ nnabo ụmakidoniya tẹ, gyẹgyé nụ afisa gyi na ka wụlụ gyi a tseni ibẹ diya koko la. ⁴ Baka gyine dẹ gụtakpu kaba ni ipopili gyẹ nẹ ibẹ mẹẹ iya gya gabyẹ la tẹ nẹ. Ni gayi tẹ tẹ ụbẹnẹ gatsezwi ba mẹẹ ụwa ka daba ibo nụ lika kọ ụsigapa la tẹ ụmẹẹ ụvụ wọ kụkwasi tẹ. ⁵ Kẹkẹ mẹ ibẹ izizi gamẹ vụ sabo kọ gayẹ́ nẹ, iyẹ sẹsẹlẹ fụnụ aka sẹsẹlẹ nụ aka tií nẹ. ⁶ Baní dika ba va ní aka tií nba mẹẹ aka itsụkụ ⁷ Bayẹ gẹdẹ ba vụ bamali ya iwa gatsi ndẹ ba kpụ ụbẹ mẹẹ nba mẹẹ tẹ la ba gyinẹ kpụ ụbẹ mẹẹ gẹẹ tẹ la. ⁸ Ndẹ ikpụ gẹdẹ ibẹ izizi iyẹliyẹ ndẹ ụni mẹẹ ụmẹ gatimẹẹ tií niya nẹ. ⁹ Ndẹ ikpụ ụmẹ ni lika gẹdẹ ibẹ izizi yavụ yabani tií la, ndẹ ivụ yabani mẹẹ nbaa fụlụ aba ibẹ izizi la tẹ, sẹ bani mẹẹ ag gaza bani sẹ bani aka itsụkụ gamẹ kọ́ sẹ bani mẹẹ agụ ni idiya nẹ la tẹ, kó sẹ bani mẹẹ nbaa gabi la tẹ, sẹ bani gaza bani. ụsẹ gini vụ yabani mẹẹ nba wụ ada ba sẹ nma yaka ibibi tẹ. ¹⁰ Bani byẹnẹ yabani gayẹ sẹ bani mẹẹ azi nẹ idiya nẹ tẹ, sẹ bani, bani gayi gẹnẹ ụbụụta, sẹ bani ami, sẹ bani gafụ ụsẹẹda yami, sẹ ibẹ idiya kụma yayi nụ ụtọmọzi ṣelẹ la. ¹¹ ụmẹni lika ụyi tií nụ ụbisala sẹ lika sẹlẹ kọ ada umẹẹ agẹẹmi tẹ. ¹² Igọdẹ ụsigapa ada wọ yi, ụmẹẹ ụgim itsi tẹ, ụgụmi kụkwasi nụ gatimẹ kana. ¹³ nami Nụ ụtụ tẹ nvụ ụni ụbibi, ụni bani gawụ sẹ ụni aka gabẹṇe. Ndẹ nwa ụanihẹlẹ sọbọ gadẹ mame nụ gakpụ la wọ gabi la kami. ¹⁴ Ndẹ ụanihẹli yọ ada yi fụlụ fọnẹ nụ ụbagasikiya sẹ gayẹ ụmẹẹ ụyi nụ ada ụyẹsụ tẹ. ¹⁵ Umee lika uvu lika tii nu tsem ne wo gbyi wowolu, gede ada uyesu ube gase gii wase bani aka itsuku. Nami ivu uni ubibi yaka mee. ¹⁶ Nu umeni lika nwa aniheli,sabo gede nu uwazeme, lika ko ada uyesu unikpupu wa gini gbyi gafuluba. ume te gi wavu useeda nu uweze bani mee ba wulu nane wo ulayi te. ¹⁷ Keke mee batigabo yo umeni utu, iwu, papala nna keli asu avovo se nki gbogbo agee useyi te. ¹⁸ Nami, made ibe izizi mee tse gi uwa vu ngye utimoti, ubye me. Mame te sobo ka aka mee a mee nu lutu kegye te, gina gyegye nu tipi gamo sesele. ¹⁹ mete gi na wa ntsi se ga gine usele. bani idika gye te, nba nabo lika tii. ²⁰ Naba aba vu uhiminayu nu usikandali bani mee nnabo ba gi usata gyi ba nabo aka ibibi ga tse gamee.