¹ Nyinea benyine nyina folu aba babana yene. Nyina mete gebo gede ko gi belolo yene aka gima foluba Ualmasihu la, ba folu aba gebo ke iye yene. ² Ba pa gede uyinea folu-aba ba, nyinea gini wolu ni bane, ba wolu nu Almasihu ne. ³ Game keme te, aka vu guwupa gagini ngase la. Uyilime amoo tiyi dadagapa, su uzinariya gade, su nge isesele gade tee. ⁴ Nde wazu iye yene uye-liye, gi uke byibi la. Ubeme meye gede nyina kpu, uvu gede nyinea sine iwu yene tize, nyina gina avu bani yayi kpo nu uluhu, gede Usigapa we yete. ⁵ Benyine ye ekiyee-kiye me nba folu ba Usigapa te, me iwu yaba sesele nu temozi me. Ba wolu nu Usigapa ne nba gini folu ba babana yaba. ⁶ Nga yite Usaratu folu ba ubana na Ubrahim, ugini avala gede Adagami Nya mete Usigapa wo sue gede nya vu ubi wana du, gebo gede nya me lika sesele, nnya gini moo nzize wo ubeme wa me ubana. Nye si nye te la, gebo gede nya vu uni wo sigapa. ⁷ Nyine belolo bani upye ke, benyine ene sa folu abane te, nyina sa moo iwu yene ibo nu temozi me ugwone ba te. Nyine moba ibo gede, nyine kpute gede ba nyatsi niiwu ka ko ene la. Nyine gini kpute gede Usigapa ame ba nba yi gbogbo kankwone du. Nyine mete gi Aduwa kene aka tala. ⁸ Ubeme meye gede nyina kpu ni aka me te, uvu gede nyina wolu ni idiya ne nu ginye game. Nyina kwu idiya iwu. Nyine ye idiya ke bani gam dudede se yeidiya te. Nyina gini aba liyeba ka idiya, ni iwu ge sene tize ne. ⁹ Bani me ne aka bibi ko ba kene totu, nyina ka gbu la. Nde nyine ge Usigapa gi wa deba ibo, gebo gede ubeme Usigapa zene gede nyina me tete, gi wa dene ibo. ¹⁰ "Nyina nyine ubeme Uzabura ka ni lika ke iwu ga moo ibo te: Nyinea bani liyesi geye nguwupa, ni lioka selene, aka ibibi ekefu nganu kene la, nyina ka gini zeidika la. ¹¹ Nyina nabo lika ubibi game, gi nyina me lika usele. Nyina de bani ibo, gi bame lika usele ni idiya ne nba ba gina ba utemozi usele. ¹² Gebo gede Usigapa wagu ubeme nbani isele ame te. Ugini ewu Aduwa ya bani isele game, nde wa gye b ani me nba ma aka itsuku te. ¹³ Ngwo wa me aka ibibi ke, nde nye ye lika usele game? ¹⁴ Nde nya paliye gebo ka aka usele game, nya vu uni Anabalika. ka moo nzize ya ubeme nba moo nzize te la. Ka gini me gunugba la. ¹⁵ Gan gume nyina me te te, nyina ni lika ko Usigapa ade nieye yene gede ovu ube utsa. Nyina yi nu ushiline zan, gi nyinea gine bani me nbe bye gede ngeyi nyina wolu nu usigapa ne te. Nyina me lika gume ni iye iwowolu ne, ni gafulu ba bani ne. ¹⁶ Nyina nye iye usesele, gebo gede bani me nba kene totu ni lika kene game nu Almasihu azii ye kwolegi ya moo baa mo-mo nba gede nya pa nya gede nyina vu bani ibibi. ¹⁷ Gan gume nya me lika ubibi tee nya mo liye nu lika usele gi Usigapa eye. ¹⁸ Almasihu p liye gine gude gebo ko aka bibi yeyi. Na me ukpulika te, paliye gebo kai, niyi bani ga kpula, giwo banyi nu Usigapa. Awa nguwapa, nde u nyo ulai nu luhu. ¹⁹ Nu uluhu uge game uwazi gi bani uluhu me nbe le nu uburusuna keke me te. ²⁰ Usigapa me hakuli, ugini nge pupa, nu utu wo unuhu gebo ka lika gewu la kaba. Ni utu wo ujirigi game ko unuhu, Usigapa se bani kweki-tota nu zo. ²¹ Nanu uvu ukwatancin wo ubatisma me iwa ga se keke me te. Wa vu we ibe ibibi ga nyini la, nde uvu ye ibogasa ke iye usele nu usigapa, nu utemozi agelike ko Uyesu Almasihu ne. ²² Almasihu yi ni gubo galili ko Usigapa. Uge nki. imaleka, si litse, ntsi uvu udole gede ba folu aba.