¹ Ata iya ta vbi e̱ke̱in Kristi, I mo̱ e̱he̱n, udu me̱n ri o̱see o̱vbo̱ baa me̱n vbi Etin Lofuan, ² Khi, vbi ise̱me̱n imo̱ iriae̱ke̱n a lo khua bi emi lo̱ to me̱n vbi udu e̱ghe̱ ere̱me̱n. ³ I kha tai yi egbe me̱n lai ko̱ me̱ eeō, a van me̱n sho̱ vbi Kristi re, vbi o̱hio̱ isi imio̱me̱n, eli main re̱ vbi uaan mi o̱kpa vbi is egbe. ⁴ E̱khe̱n Isre̱li yain u. Isi ain ikhi are̱chie̱ o̱mo̱, o̱khae atamasi, ohan isi uhi, uga mi isi Oise̱le̱bua bi uruo̱mi lo̱bun. ⁵ Yain le mo̱n uami li Kristi za dianre vbi si egbe yo̱in li Oise̱le̱bua vbi uhumi emi ere̱me̱n. A lo̱ reo̱i re̱le̱ re̱le̱. Ise̱. ⁶ O̱ui khi uruo̱mi isi Oise̱le̱bua dahoi. O̱i u khi eia ere̱me̱n le ri vbi Isre̱li ri e̱ke̱n ata vbi isi Isre̱li. ⁷ Ivbi Ebraham ere̱me̱n ki khi ivbio̱i isi ata. Ama, "Re̱shan vbi egbe isi Aizik, la lo̱ za echi ain, ivbi vbia." ⁸ O̱an ikhi ivbia si egbe, evbi ivbi Oise̱le̱bua. Ivbia si uruo̱mi la e̱n khe vbi ivbi vbia. ⁹ O̱na ikhi eta isi uruo̱mi "O̱hina o̱gbede I lo̱ vare, bi a lo̱ ri o̱mo̱ ni Isera." ¹⁰ O̱na uo̱kpa ko̱, ama, o̱ ke raan, Irebeka ke o̱ hamaan li o̱mo̱he o̱kpa, eremai li Aizik, ¹¹ ai se̱ vbi eli vbia, ei ma se̱ gbo uemi lo̱se̱n da o̱lo̱be, li amama isi Oise̱le̱bua, ebi amami isi ebo̱i ze̱mi re̱ muzan, o̱i vbi o̱hio̱ isi ue̱e̱n ama o̱hio̱ isi yo̱in lo̱ echie uan. ¹² Ataa nai ho̱n khi "O̱lo̱ vbi o̱dio̱n lo̱ lo̱ gi o̱vbekhan." ¹³ Eba ghei vio̱in o̱n khi "Ijeko̱bu li hue̱ke̱o̱n, ama iso̱ li kho̱e̱ke̱o̱n." ¹⁴ Emi mai lo̱ ke ta? aiuata ri obo̱ si Oise̱le̱bua? o̱kha de gbe deiyo̱. ¹⁵ O̱i Imosis khi "I lo̱ mo̱n ihume̱ke̱n ni, bi ilo̱ mo̱n ituegbe yi o̱li o̱kho̱o̱n me̱n khilo̱ mo̱n ituegbeni." ¹⁶ O̱ ke di iyo̱, o̱i vbi o̱hio̱ si ebo̱ia i hoo, da ebi o̱ia imeti la, ama, erimidi isi Oise̱le̱bua lo̱o̱ ri ihume̱ke̱n vbie̱. ̄ ¹⁷ Eta lo̱ fuan tai yi Ifero "O̱hio̱ so̱na go̱o̱n li re̱ mue̱n sho̱re, li re ri utotomi me̱ vbie̱ vbegbe se̱, lai re̱ hin khue eni me̱n vbi agbo̱n ere̱me̱n." ¹⁸ Iyo̱o̱ khi Oise̱le̱bua, o̱ mo̱n itue̱ke̱n yi o̱lo̱ kho̱o̱n o̱kha gbo kho̱o̱ o̱ri o̱ia chie̱n o̱iria kaeho̱n. ¹⁹ Ulo̱ ke mian me̱n "Emo̱ke ho iye̱mi ni? o̱o̱ke se̱ muzan gbangi ihume̱nke̱n so̱i ghe?" ²⁰ Ifi egbe de li egbe, wowe lo̱ia, emuu u lu a ayin Oise̱le̱bua? Emi la main o̱i o̱lo̱ mai "Emo̱ze̱ lu re̱ ina mame̱n?" ²¹ O̱lo̱o̱ makhe imo̱n utoto mi vbi o̱we̱ lo̱ re̱ memi, lo̱ lo̱ re̱ za vbi o̱lowe̱ o̱kpa ma khe o̱la kha ya wee vbi e̱ghe̱ ere̱me̱n o̱gbo ri efo̱kpa no̱i mo̱n o̱lawe e̱de̱de̱? ²² O̱kha ke u khi Oise̱le̱bua, lo̱ ho lo̱i ri ibiohan so̱i vbie̱, bi, lo̱i ri utotomi so̱i vbie, o̱mo̱n ozie̱n te̱, lo̱ re̱ mo̱n emi lo̱ huai ibiohan lo̱ e̱he̱n o̱vboto̱ khe̱ ikhueo? ²³ Akhai kho uō na lo̱i re ri e̱fe isi o̱khae so̱i vbie̱ vbi e̱ke̱n emo̱ hua ihume̱ke̱n so̱i o̱, lo̱ e̱he̱n o vboto̱ lo̱ o̱khae? ²⁴ Akhai khi mamai lo̱ uo̱na ni, lo̱ gbo echie, lei vbuse si ekhen Ijiu uo̱kpa, ama gbo khi usee isi elo̱mie̱ho̱n? ²⁵ Ebi o̱gboi tai vbi Ihosia "I lo̱ echi eia me̱n lei kpao vbi eia me̱n, bi elahume̱nke̱n o̱n lai kpao hume̱ke̱n o̱n. ²⁶ O̱lo̱ ke u, khi eba za i ain "Khi vbai vbea me̱n, aan a lo̱ ke za echiain 'Ivbio Oise̱le̱bua lo̱ rivbo̱." ²⁷ Aizaia Khue dianre vbo̱ hio̱ isi Izreli khi "Ivbi Izreli kha re̱ bun bi ekhai lo̱ ri vbi egbe̱da, ikpechie la lo̱ mie̱nfan." ²⁸ O̱lo̱mo̱e̱nmai lo̱ ri eta so̱i u vbi agbo̱n, o̱ ite gbe na, o̱lo̱ ri ain u gbeigbei. ²⁹ Bi ebi Aizaia gboi tai kpoto̱i khi "Akhai khi O̱lo̱mo̱e̱n Ivbio̱kho̱in, ko̱o̱ ivbi vbia o̱vboto̱ khe̱ mamain khau bi Isodom bi akha agbo re mai chie̱n elabi Igomora." ³⁰ Emi mai lo̱ ke ta siyo̱? Khi e̱khe̱in elemie̱ho̱n li ain la khui ata, mie̱n ata, o̱li ata vbi adiudu an. ³¹ Ama, Izreli, lo̱ la khui uhi isi aulo̱se̱n, ei meti se̱ vbi eba i ulo̱se̱n, ei meti se̱ vbi eba i u lo̱se̱n. ³² Emo̱ zei? Erimidi ei ri adiudu an la khuo̱i, ama, e egbe khi abi obia isi uhi o̱. Efido̱n vbi udo isi afi emi do̱n. ³³ Ebai vio̱in li vba, "Kaa eo a, I nwun udo o̱vbi Zaio̱n, udo lo̱ fiu an gbe bi udo apata isi ibiohan, o̱lo̱ mie̱ o̱i ho̱n, kha mo̱n ekho̱i."