¹ Emi main lo̱ ke ta, khi Ebraham li erera main vbi se gbe, mie̱n? ² Akhai khi obia li Ebraham bia li khi iase so̱i, okha mo̱n emo̱ze̱i lo̱ kha ya re̱ ruo̱, ama o̱kha vbi irao isi Oise̱le̱bua. ³ Ebi ebe lo̱fuan i ta? "Ebraham mie̱n Oise̱le̱bua ho̱n, aza ko̱o̱ inai kho̱ o̱ia lo̱ e̱n u o̱". ⁴ E̱yan re̱ yi o̱lo̱bia, ihaoga so̱i aiko̱ io̱ vbi e̱seo̱he̱n, ama elabi osa lo lo̱ hae o̱. ⁵ Ama, ke re̱ yi o̱lo̱ibia, lo̱ ke mie̱n o̱lo̱rase lo̱ia lo̱be ho̱n, aduiduan isi eliyo̱, ako̱o̱ o̱vbi ue̱n u. ⁶ Idefidi gbo o̱i khi ihianba o̱ yi o̱ia li Oise̱le̱bua o̱i kho̱ o̱ e̱n u lo̱i bi obia. ⁷ O̱ro̱i : Ihianba o̱ re̱ yi eka ri aie̱nre̱u sian hume, la vo o̱kho̱ ni. ⁸ Ihianba o̱ re̱ yi o̱ia lo̱ li O̱lo̱mo̱e̱mai kha ko̱ o̱kho̱o̱ nwin" ⁹ O̱li ihianba na siyo̱ la tai na isi elarue̱i uo̱kpao̱ da, re̱ gbo yi elo̱ ya rue̱e̱? Ma tai, "Ako̱o̱ amieho̱n ni Abraham khi o̱ulo̱se̱n". ¹⁰ Ebai ko̱ o̱i? E̱ghe̱ la re̱ rue̱ Abraham o̱ da ebai se̱re̱ rue̱ o̱? O̱i vbi e̱ghe̱ la re̱ rue̱ o̱, ama e̱ghe̱ lai se̱re̱ rue̱ o̱, o̱. ¹¹ Abraham mi ae̱n si orue̱, ona ikhi afima isi o̱ e̱n u isi amieho̱n lo̱ mo̱e̱n le e̱ghe̱ lo̱i se̱re̱ ruue̱. Eanye̱n isi o̱la e̱e̱n na likhi o̱ keo̱ chie̱n eri agbo̱n ere̱me̱n le mieho̱n, ekha re̱ vbi elairue̱. Emaro̱ ita li khi a lo̱ ko̱o̱ ue̱n lo̱se̱n nia. ¹² Ema chie gbo ro̱ ita li khi Abraham chie̱n eri elo̱rue̱, gbo yi elo̱ re̱ khan oe̱ li eramai li Abraham ze̱i. O̱na li khi amieho̱n lo̱ mo̱e̱n e̱ghe̱ lo̱i se̱re̱ rue̱. ¹³ O̱i vbi re̱ shian vbi ukpode̱ si uhi la re̱ ru uruo̱mi ni Abraham bi ivbi vbia so̱i, oli uruo̱mi khi yain le lo̱ uku so̱ li agbo̱n na. Re̱shan vbi aulo̱se̱n si amieho̱n, yo̱in o̱n. ¹⁴ Elo̱ ke ri isi uhi shian kha ke chie̱n ele lo̱ uku, ari amieho̱n daho. ¹⁵ Uhi lo̱ nwin ikueo re, ebaiza mo̱n uhi o̱i mo̱n aire̱khan uhi. ¹⁶ O̱hio̱ si o̱na, lo̱ re̱ ruan vbi o̱hio̱ si aduiduan, lo̱i re̱ vbi emi isi e̱seo̱he̱n. La ke ze̱ khi o̱li uruo̱mi, zukpe̱ chie̱n isi eli ivbi vbia ere̱me̱n. Eli ivbi vbia vbi elo̱ e̱n uhi uo̱kpa, ama elo̱ gbo za vbi amieho̱n si Abraham vare. Yo̱in li khi eramai ere̱me̱n. ¹⁷ Elabi ai vio̱n " I re̱ chie̱n era isi uhumuro lebun." Abraham muzan vbi isao si o̱lo̱ ri udu o̱i vbi egbe, lo̱ vbi Oise̱le̱bua, lo̱ u kho̱ o̱ri o̱lo̱ u chie̱n o̱lo̱rivbo̱, lo̱ echi emi lo̱i evbo̱ di emi lo̱rivbo̱. ¹⁸ Vbi e̱ke̱n igbangobo̱ ere̱me̱n lo̱ rivbo̱, Abraham totobo̱ duiduan Oise̱le̱bua re̱ yi emi la lo̱ mie̱n vbi sao. Iyo lo̱ kei chie̱n eri uhumuro le buin elabi aitai kpoto̱i " Iyo̱ ivbi vbia se̱ lo̱ u". ¹⁹ O̱i e̱ o̱i vbi aduiduan. Abraham e̱n khi egbe so̱i kha ke meti mo̱in ivbia. (O̱hio̱ khi ikpe so̱i ke si ke̱i egbo̱ ihie̱n) o̱ gbo ghe e̱n khi ekpo̱mo̱n si Isera, kha ke meti hanman. ²⁰ O̱hio̱ si uruo̱mi isi Oise̱le̱bua, Abraham imo̱ udu eva. O̱mo̱e̱n izezudu vbi aduiduan o̱ri ire yi Oise̱le̱bua. ²¹ O̱ ghe muzan o̱ vbi, Oise̱le̱bua lo̱ ruo̱ o̱lo̱ meti nwin uruo̱mi so̱i se̱e̱. ²² O̱hio̱ si o̱na agbo ko̱ o̱na nai o̱u lo̱se̱n. ²³ E̱yan o̱hio̱ si emi lo̱ lo̱ mie̱n uokpa ka re̱ vio̱n khi era ko̱o̱ nai. ²⁴ Mamain, la gbo vio̱n yi, la lo ko̱ o̱ ni, si mai mo̱n amieho̱n vbi o̱lo̱ khua Jesu O̱lo̱mo̱e̱nmai sho̱ vbi use isi elo̱ u re. ²⁵ O̱na li kho̱ o̱la re̱ re vb'o̱hio̱ si o̱kho̱ main la khuae sho̱re, li main re̱ chie̱n elo̱ ase.