¹ O̱hio̱ si o̱na, u mo̱ emi lu lo kpe̱nye̱n, wowe̱ lu a gha ezo̱n, emi lu za gha e̱zo̱n li o̱vbe, lu za ri ibohi li egbe. Eri wowe̱ lu a gha e̱zo̱n o̱ gbo ui eli emi li eno̱i o̱ u. ² Ama, mai e̱n khi ighae̱zo̱n isi Oise̱le̱bua isi ata o̱, so̱ de gbi eia ere̱me̱ li yan ui elemi li yo̱. ³ Ama oo̱na, wowe̱ li o̱ia lu a gha e̱zo̱n le ni yain o̱ ui ele miain, be̱ wa gbo ui elemi. Vba lo̱ mi ebi vba lo̱ la ni i ghae̱zo̱n isi Oise̱le̱bua ye? ⁴ Da, ao kere lu mo̱e̱n yi efe si o̱lo̱se̱n so̱i, o̱i bobo̱ roya li o̱ia bi ozie̱n so̱i? ue̱n khi o̱lo̱se̱n so̱i rivbo̱ ye̱ lu re̱ mo̱n io e̱ke̱n delue̱n? ⁵ Ama ebui mo̱ izezudu se̱ lu re̱ mo̱n io e̱ke̱n delue̱n, lu a re̱ma an ioya se̱ o̱vboto̱ khe̱ odi ioya, a ain khi e̱de̱ si are̱vbie̱ si ighaezo̱n isi Oise̱le̱bua de o̱vbo̱. ⁶ O̱lo̱ hae mai ogaa o̱ vbi emi khemi li mai u. ⁷ Re̱ yi elo̱ i mo̱n adelobo̱ vbi emi lo̱se̱n u umi, li yain hoò ire, ekpe̱n bi lai mi o̱ko̱lo̱va, o̱lo̱ nwin agbo̱n lo̱i mo̱n ire̱so li ain. ⁸ Ke re̱ yi elo̱ ho ise gbe siain uo̱kpa, li yain re̱ o̱ vbata, le re̱o vbi ai u ata, ikhueo bi ibiohan lo̱ vbae̱o, lo̱ vare. ⁹ Oise̱le̱bua lo̱ nwuin okpokpo, iriae̱ke̱ aa yi ei khe̱ ia le ui emi lo̱be, re yi Ijiu le kpao, okpe̱ si ekhe̱ Igrik. ¹⁰ Ama, ire, ekpe̱n bi o̱fure lo̱ vare yi elo̱ ui emi lo̱se̱n, re yi ekhe̱n Ijiu lekpao o̱kpe̱ si ekhe̱in Igrik. ¹¹ Oise̱le̱bua ya zi o̱o̱so e̱vba. ¹² Ele ui o̱kho̱ le i mo̱n uhi, elo̱ gbo khueo vbi ei mo̱n uhi, ebi eia i bun se̱ le fi obo̱ do̱n vbi uhi, la lo̱ ri o̱li uhi ui ighae̱zo̱n ni. ¹³ O̱i vbi elo̱ hin uhi le u lo̱se̱n, vbi sao si Oise̱le̱bua, ama, elo̱ re̱ o̱ vbi uhi, li alo̱ o̱ khi e u lo̱se̱n. ¹⁴ E̱ghe̱ lo̱ u khi ekhe̱n eleimieho̱n, lei mo̱n uhi, yan re̱ khan emo̱ ri vbi uhi ebai miain, uhi yain u legbiain, o̱ re̱ u khe i mo̱n uhi. ¹⁵ Ero̱i vbie vbian khi emiu li uhi uan u, a vin o̱ vbi udu siain . udu siain o̱ ri o̱se̱e̱ o̱vbo̱ ni ain, aoo si ain lo̱ ya ri ibohi niain da o̱rokho̱n niain, re yi egbiain. ¹⁶ Bi re̱ yi Oise̱le̱bua, o̱na lo̱ dumu vbi o̱lukpe̱de̱ li Oise̱le̱bua lo̱ re̱ ui ighae̱zo̱n si emi si uhegbe isi agbo̱n ere̱me̱n, vbi eni si Jesu Kristi, ze̱n elabi i wewi eta lo̱se̱n ise̱me̱n. ¹⁷ Ai se̱ta khi u echie egbe Ijiu, lo̱ diegbe an uhi, lu mo̱n egho̱ngho̱n vbi Oise̱le̱bua, ¹⁸ Lo̱ie̱n ihume̱ke̱n so̱i, lo̱ dami emi le yi o̱dan vbi eba i vbie̱ o̱i. ¹⁹ Lu mo̱n azezudu khi wowe̱ tobe̱ wa vbie̱ o̱run e̱o ukpode̱, lu vbi urukpa isi elo̱ri vbi aso̱n. ²⁰ O̱lo̱vbie̱ elo̱ ruru, o̱lo̱ vbie̱ ivbiekhan bi, ikhi vba mo̱n vbi uhi bi emi lo̱ u bi oe̱n bi isi ata. ²¹ Wowe̱ si yo̱ li ua vbie̱ o̱ o̱vbie, u kha vbie̱ egbe̱? Wowe̱ lu a wewo̱i lae o̱ya du oi, wa du oi? ²² Wowe̱ lu o̱i, lai ya gboghe̱e̱, wa ghe̱e̱? wowe̱ lu hoo areo̱, wa du oi vbi tempo? ²³ Wowe̱ li uhi o̱regbe nwun, wa faa Oise̱le̱bua ekpe̱n vbe gbea vbi aire̱khan uhi? ²⁴ O̱hio̱ khi "eni si Oise̱le̱bua, a ya ke nwun ekpe̱n nai vbi usee si eleimieho̱n erimidi savba" ze̱e̱n ebi ai vio̱n. ²⁵ Urue̱ mo̱n emo̱ri ye̱ su re̱khan uhi, ama ukha chie̱n o̱lo̱ gbi uhi a, aruue̱ se̱ chie̱n aike ruue̱. ²⁶ Akhai khi o̱lairue̱ o̱re̱ o̱ vbuhi, akha ri airue̱ so̱i, chie̱n o o̱ vbi o̱lo̱ ke ruue̱? ²⁷ O̱lairue̱ kha ui ighae̱zo̱n na re̱khan uhi? Emo̱n ze̱i li khi, vba mo̱n ebe lo̱fuan lavin bi urue̱mi, vba kpe̱ chie̱n elo̱ gbi uhi aa. ²⁸ O̱i vbi Ijiu so̱ vbi isi o̱la iyo̱ mie̱ vbi udagboo, iyo̱ lo̱ i gbo ivbi o̱ruue̱, so̱ vbi isi egbe la mie̱ vbi udagboo. ²⁹ Ama, Ijiu o̱, o̱lo̱ vbi isi ekhe̱in isi egbe, orue̱ isi ata likhi orue̱ isi udu; vbi e̱ke̱in etin, o̱i vbi isi emi lavin ire isi o̱ia liyo̱, o̱vbi o̱lo̱ za vbi obo̱ isi eia vare, ama o̱lo̱ za vbi obo̱ isi Oise̱le̱bua vare.