¹ I ke za o̱i, Oise̱le̱bua ke sin eia so̱i? O̱kha deiyo̱. O̱lai Izre̱li li gbo iu, ivbi vbia isi Ebraham vbi ebo Ibe̱jami. ² Oise̱le̱bua, o̱i sin ebo o̱, lo̱ e̱n kpoto̱i. Vba i e̱n ebi ebe lo̱ fuan ita vbo̱ hio̱ si Elaija, ebo̱ i do abo̱ o̱vbi ivbi Izre̱l? ³ "O̱lo̱mo̱e̱mai, yain gboo elomie̱o se̱ ere̱me̱n ulo, e kpo̱n ikpe̱kpe̱ se̱ kua, me̱me̱n uo̱kpa o̱ ke ko̱re, yan ho etin me̱" ⁴ Ama, emi Oise̱le̱bua ke re̱ ri eaye̱n nai? "I ri obo̱ hi egbo̱ihie̱n vbo di egbo̱ ea ikpigbe ye̱n legbe me̱n lei se̱ digua li ibal. ⁵ O̱ re̱ deiyo̱, vbo̱ hi na, elahian ko̱re ri vbo̱ erimidi si e̱seo̱he̱n la re̱ zi ain. ⁶ Ama, o̱kha vbi isi e̱seo̱he̱n, o̱i ke vbi o̱hio̱ si obia. So̱i vbi yo̱ e̱seo̱he̱n kha ke vbi e̱seo̱he̱n. ⁷ Emo̱ keu? Emi ni Izre̱l o̱ ho shian, ei mio̱in, ama, ela ze̱i le ke nwo̱in, aza nwin udu isi elo̱ ko̱re zeze a. ⁸ Eba ghe vio̱n yo̱in o̱n khi "Oise̱le̱bua ri etin isi elo̱khague̱mi li ain, ikpe̱o lekhare̱ muye, bi eho̱n, le kha re̱ eho̱n re̱ se̱ vbi e̱na." ⁹ Idavidi ro̱i, "Ai zi Itebu siain chie̱n ighan, ifi, emi lo̱i zuan u, bi ihaoga re̱yi ain. ¹⁰ Zi ikpe̱o siain suaso̱n li ain ke mi uye, Ya ghe gue̱in iain uokho re." ¹¹ I ke za o̱i "Yain mo̱n igbangobo̱ li ain re̱ de? O̱kha de iyo̱. Ehe so̱ ain, ude mi le dei li, amiefan ke vare yi Elo̱i mieho̱n, laire̱ vun yain udu se̱vbo̱ khi yan nwun o̱ie̱n. ¹² Eyan, akhai khi udemi siain lo̱ chie̱n e̱fe yi o̱li agbo̱n na, bi emi le nwun fia lo̱i chie̱n e̱fe isi elo̱imieho̱n, ebi uro̱nmi siain lo̱ ke gba se̱? ¹³ Eyan, ya kpa ye̱ vba gui yemi, vba vba li vbai mieho̱n. Ebi se̱ ghei vbi apo̱sto isi ekhe̱in eleimieho̱n, i mo̱n ikhua egbe yi okhumi vbi obia me̱n. ¹⁴ Alo za mie̱n khi lo̱ vuno̱ vba udu se̱ vbo̱ khi vba nwun o̱ie̱n. Vba vba li eia isi egbe me̱n. Alo̱ za mie̱n kha lo̱ fan eso vbiain. ¹⁵ Akhai khu usin mi la sin eno̱i li khi are̱han isi agbo̱n, ebi iga obo̱ mie̱n sian lo̱ ke u, lo̱i vbi arivbo̱ sho̱ vbi elo̱ uloi re? ¹⁶ Akha ri ikperan lo̱kpao ya, iyo li gbo khi emare̱ma ko̱re, ake ri ii oran ya, iyo igbo khi Ikalaberan. ¹⁷ Ikalaberan eso kha ke yano̱ kua, li wowe̱ li ukalabo̱ si oliv lo̱ zei, vb'ogo, ke chie̱n ema to ba vbi ain, u kha kpa i ain ke̱n vbi o̱bun si ii o̱li oran si oliv. ¹⁸ Eiya ruo̱ o̱vbi eli ikalabo̱i. Ama uke ruo̱, wowe̱ ku hua ii, ii lo̱ hua e̱. ²³ Akha khi yain dia vbi aimieho̱n siain a lo̱ chie tui ain ba. Oise̱le̱bua lo̱ meti chie tui ain ba. ²⁴ Akhai kha hia e̱ sho̱ vbi emo̱ u khi oran si oliv vbogo, o̱ ze̱n ela bai imi emi, a tue̱ ba vbi egbe si oran si oliv lo̱se̱n, eke ka ke khi ekhe̱n Ijiu leu khi ikalaberan si o̱loran yan u, la kha ke za tui ain ba vbi oransi oliv siain. ²⁶ Alo̱ faan Izre̱li ere̱me̱n, ze̱n ebai vio̱n. "Eke̱in Zaio̱n li O̱lo̱lo̱ sumuan lo za vare, o̱lo̱ nwin ai u emi bi Oise̱le̱bua sho̱ vbi Ijeko̱bu re. ²⁷ O̱na o̱lo̱ vbi atamasi sa main, e̱ghe̱ li lo̱ nwin o̱kho̱o̱ siain sho̱re." ²⁸ Vbi si owewe lo̱se̱n, echie̱n o̱be vbe he vba. Vbi si uze̱mi si Oise̱le̱bua, ela hume̱nke̱n-o̱n li yain u vbo̱hio̱ si eriain. ²⁹ Ohan bi uechemi isi Oise̱le̱bua ya fidelo̱. ³⁰ Vbai kpao mie̱n Oise̱le̱bua ho̱n, eyan vba ke mie̱n itue̱ke̱n erimidi si aimieho̱n siain. ³¹ Iyo̱ li ekhe̱n Ijiu na ei mo̱n akaeho̱n. Emi lo̱ za vbo̱ dian re li khi, ebai mo̱n itue̱ke̱n yi vba, yain eyan, lo̱ ke gbo imie̱n itue̱ke̱n. ³² Oise̱le̱bua ke kui ain ere̱me̱n gbe vbi lei mo̱n akaeho̱n, lo̱i re̱ ri itue̱ke̱n vbie̱ i ain. ³³ A! ugbu u mi si e̱wain bi oe̱n isi Oise̱le̱bua! Emi lai meti hoo oto̱o̱ li khi ighaezo̱n so̱i, bi akhameti ho ukpode̱ so̱i. ³⁴ "O̱o̱ke e̱n udu si O̱lo̱mo̱e̱nmai? da, o̱ke chie̱n o̱lo̱ uo̱i ude? ³⁵ Da o̱sekpao re̱ mi ni Oise̱le̱bua? La lo̱ chie hae la lo̱ chie hae lo̱ lo̱ia? ³⁶ Re̱ za vbe so̱i vare bi o̱hio̱ so̱i bi re̱ yo̱i li khi emi ere̱me̱n. Re̱ yo̱i ikhi okhai re̱se̱ vbi re̱so. Ise̱e̱.