¹ Me̱me̱ li Ipo̱lu, ayio̱uhumi si Jesu Krisi, lea ehcie lo̱ chie̱n apo̱sto, la van ayo̱da yi owewe lo̱se̱n si Oise̱le̱bua. ² O̱na ikhi owewe lo̱se̱n, ebo̱i ruo̱ kpoto̱i, li ekhe̱n imie̱o so̱i vin o̱ vbi ebe si Oise̱le̱bua lo̱fuan. ³ E̱mo̱ ovbio̱ i, la vbia vbi uami si Ide̱fidi vbi segbe. ⁴ Achie sho̱re so̱i vbu se selo̱ uu, o̱re̱ vbie̱ khi yo̱in khi ovbi Oise̱le̱bhua lo̱ zukpe mo̱ utotomi vbi Etin so̱ fuan- Jesu Kristi O̱lo̱mo̱e̱nmai. ⁵ Obo̱ so̱i mai za mo̱n e̱seo̱he̱n bi obia si ekhe̱n aposto, lo̱i lo̱ re̱ meti re̱ o̱vbi eta si amieho̱n vbi uhumuro̱o̱ ere̱me̱ vbo̱ hio̱ si eni so̱i. ⁶ Vbu se si eli uhumuro na, la za echie e̱ lu re̱ chie̱n isi Jesu Kristi. ⁸ Ikpao khue̱mi Oise̱le̱bua, vbi eni si Jesu Kristi vbo̱ hio̱ vba ere̱me̱n, erimidi ake kpokeke isi amieho̱n vba shan vbi agbo̱n ere̱me̱n. ⁹ Oise̱le̱bua li khi o̱se̱ime̱n, li a ri etin me̱n ga vbi eta lo̱se̱n si ovbio̱i, ebaiai sueni vba saa. ¹⁰ Ya ghe vbio̱i ero̱mo̱n me̱n lai re̱ mi ukpode khi ukpode lo̱ lo̱ za de o̱vbo̱, vbo̱ hio̱ si ihume̱ke̱n si Oise̱le̱bua, li re de vba egbe re. ¹¹ I ho li mie̱n vba, li re ri ohan si Etin eso lavba, li vba re̱ mo̱ utotomi. ¹² O̱ain ikhi, ya ho li mai mo̱n iriakhaa yi egbe vbusee vba, vbi amieho̱n sa main o̱deo̱de, isa vba bi ise̱me̱. ¹³ E̱yan, iho khi vba ie̱n, imio̱n, ya ghe mai vbi udu e̱ghe̱ ikhe̱-ghe̱ li re̱ de vba egbe re, imo̱ idobo̱ ye̱n re̱se̱ vbi e̱yan. Ya hoo̱ vbi na, li re̱ mo̱n ikperan eso vbi use vba, eba ihooi vbuse si elo̱ ko̱re vbi ekhe̱n elo̱imieho̱n. ¹⁴ Ichie̱n o̱osa si e̱kehe̱n Igrik bi isi ire, isi ize̱wain bi isi elo̱ruru. ¹⁵ O̱re̱ riyo̱ re̱ yi me̱n, I nwueghe li lo̱ re̱ wewi eta lo̱se̱n gbo yi vbavba li ekhe̱n Iromu. ¹⁶ Imo̱n e̱kho̱i vbi etalo̱hume̱ o̱hio̱ si yo̱in li khi utotomi si Oise̱le̱bua re̱ yi amiefan si agbo̱n ere̱me̱n le mieho̱n, re̱ yi Ijiu le kpao, bi ekhe̱n Igrik. ¹⁷ O̱hio̱ si ain li auiata si Oise̱le̱bua za regbe vbie̱, reza vbi amieho̱n di amieho̱n, elabi ebai vio̱n kpoto̱ kho̱ "Elo̱uiata lo̱ evbo vbo̱hio̱ si amieho̱n." ¹⁸ O̱hio̱ si ari ibiohan si Oise̱le̱bua za vbi okhumeimi vbie̱ re̱yi elemo̱ue̱n si Oise̱le̱bua bi eleiuiata ni yan ri auiata o̱li ata ye̱n. ¹⁹ O̱hio̱ khi emi la e̱e̱n vbi e̱mo̱in si Oise̱lebua, ke nwin ain e̱o kuere, erimidi khi Oise̱le̱bua ke taa iain e̱o aa. ²⁰ O̱hio̱ isi emi so̱i lai se̱ e̱e̱n obo̱ lo̱ re̱ ma agbo̱n ake mio̱in gboo, vbe̱ la ri na. eli emi o̱ nwun mai e̱o kuere, vbi o̱hio̱ si emi lo̱ mai. Ena ikhi utotomi so̱i lo̱ ri vbo̱ ghegheghe, bi ue̱n so̱i, o̱hio̱ isi ena, eleia na ei ke mo̱n emi le lo̱ kpe̱ yie̱n. ²¹ Emo̱ re̱ de iyo̱ li khi e e̱e̱n e̱mo̱ Oise̱le̱bua, ama, ei ri o̱khae na bi Oise̱le̱bua, ei ma gbo khue̱ mo̱in, ama yan chie mo̱in ao isi oruru, bi udu si ain li e̱wain e, re̱ totobo̱ bia. ²² Yain khi yain mo̱ e̱wain, ama e chie̱n elo̱ ruru. ²³ E deli o̱khai isi Oise̱le̱bua lo̱ ya khueo re̱ kho̱n khi odudu si eia le mo̱n ikueo, bi ifianmi, eami uzoe̱ ele vbi ogo bi emi li yan sio̱o̱. ²⁴ O̱hio̱ si o̱na Oise̱le̱bua za zian obo̱ li ue̱n si iwuan lo̱ ri ain vbi udu, le re̱ ya faa egbe si ain aa. ²⁵ Yain yan, deli ata si Oise̱le̱bua chie̱n e̱he̱n, e chie̱n elo̱ gi emi la mai, vbi ehe isi o̱lo̱ mi emi, la re' e re̱se̱ vbi re̱so. Amin. ²⁶ O̱hio̱ si o̱na Oise̱le̱bua ziain obo̱, li ain ya e̱n ue̱n si e̱faa, li ikposo siain oke za ri egbe si ain uemi lo̱i de o̱vbo̱. ²⁷ Iyo li gbo khi imo̱he le gbo nwin emo̱ e o̱vbo̱ lei ri egbe si ain u yi okposo, o̱ vbi oto̱ yain o̱ mo̱n uhume̱ke̱n lo̱i de o̱vbo̱ lo̱ tohia yi egbe iain. Ena ikhi eli imohe li yain uiemi lo̱i de o̱vbo̱ yi imo̱he la bi ain, le mie̱n ioya vb'o̱hio̱ si afidon li ain u. ²⁹ Evo̱n yi aie̱nre̱uiemi lo̱se̱n, e̱ke̱ilo̱be, are̱o̱vbemi, bi ikho̱e̱ke̱n. Evo̱n yi ise̱me̱n o̱ khau, ubi, uroo, ate̱e, bi a o si emi eimi. ³⁰ Yain li khi elo̱ gui ye̱mi so̱ia vbi uokho, elo̱ ria o̱ia eni a, elo̱ bi ohan si Oise̱le̱bua, elo̱ vbo̱ria, ikhuaegbe yio khumi, elo̱ ruo̱. Yain o̱zemi lo̱be re, liyain ya re̱ o̱ vbi eta si elo̱ vbi ain. ³¹ Ei mo̱n a wui e o kue̱re, ei vbo̱ ela duidu an, eimo̱n ihume̱nke̱n bi itue̱ke̱n.