1 Eyan atamasi lo̱ kpao re̱o̱ vbi oto̱ khi asikoko ga, bi oa si ofuan lo̱ evbo. 2 O̱hio̱ soi are̱ zi o̱se̱, e̱kua lo̱ kpao akwai e̱kpete si urukpa o̱, bi e̱kpete o̱vbe, bi usueko si ajianre so̱, o̱li ekua la aecho̱ ebo̱ o̱fuan. 3 Uoho si e̱kua lo̱ ze eva, e̱kua o̱viegbo re̱vbo lai choi ebi o̱fua. 4 O̱moi ikpe̱de̱ si igodi isi itua. o̱gbo mo̱i akpoti si atasi la ri igodi wun egbe so̱i ere̱me̱, e̱kein o̱li akpoti uvi uko si igodi li manna ri vbi e̱ken'o̱n, bi ukpodoran si Aaron, bi ivi ido la vien o̱li atamasi o̱. 5 Vbi uhumi si o̱li akpoti si atamasi na, ivi e̱hi chie ri egbe voi, uvbi uvo si are̱'hume̱. la kha gbudu ta si oto̱. 6 Akha ke hua eli emi o̱vbi eli emi o̱vbi oto̱ lie, o̱li ohe̱n lo̱ ke shan vbi e̱kua lo̱ kpao si o̱se o̱ya bi obia sian. 7 Ama, o̱li oje ohe̱n o̱kpa lo̱lo̱ meti ovi o̱li e̱kua li o̱zi eva iso̱'kpa vbi ukpe, bi e̱re si eanmi lo̱ gbe, lo̱lo̱ re̱ ni Oise̱le̱bua vbi o̱kho̱ so̱i bi o̱kho̱ si eno̱i, nian'u lian ie̱n. 8 Eti lo̱fuan re̱ vie̱ khi o̱li ukpode si abi ofuan na, ai se̱ ro̱i vie̱ si o̱li o̱se̱ si ikpao se̱kpe̱ muzan. 9 Are̱ vie si e̱yan li khi ona. ohan bi isa'a li ma wun re ya ke meti di'a ao si elian ga. 10 Emi lo̱ yen'an ke khi emae bi e̱yon, bi ukpe si akpi egbe'a o̱do̱dan, eli uhi na agbo̱i vbi oto̱i o̱hio̱ si e̱hu se vbi uhi lo̱'gbo̱n la che e̱he̱n. 11 Jesu vare bi oje ohe̱n si emi lo̱lo̱ vare. O̱shan vbi ukutu bi eko̱ si o̱se̱ lia ri obo̱ ze̱ dai lo̱ vbi si o̱la'gbo̱na. 12 O̱ivbi e̱re si e̱we dai isi e̱mela, ama e̱re so̱i, lo̱ re̱ ovbi ebi o̱fuan iso̱'kpa, lo̱re̱ de̱ mai chiere re̱le̱re̱le̱. 13 Akha gaze e̱re si e̱we, bi uvi e̱me̱la bi ufimi si elian fuan, ze̱in yi ayo'dan re̱yi Oise̱le̱bua, vbi ucalo mi si ehu sian. 14 Eka ke e̱re si Kristi, vbi e̱ke̱in eti lo̱i mo̱i ihuan re̱yi Oise̱le̱bua, cali ao mai vbi obia lo̱'u li mai re̱ gi Oise̱le̱bua? 15 O̱hio̱ si o̱na, o̱ muzan namai vbi atamasi lo̱gbo̱n. o̱hio̱ si eu'u lo̱ ke kpa o̱kho̱. ela'e che lo̱ mie̱n ire̱hi si uku si re̱le̱re̱le̱. 16 Ukha mo̱i udu si emi, e'uu si o̱lo̱ mo̱i udu'an lo̱ re̱ vie̱ . 17 Udu lare̱ vbi emi lo̱ mo̱i otiti, si e'uu ruan, erimidi ase̱ kha evbo̱ si o̱lo̱ vbi o̱lian ri vbi agbo̱n. 18 Atamasi lo̱ kpao, o̱i mo̱i awun gbon si e̱re. 19 E̱ghe li Mosisi ke re̱ wui ase̱ ere̱me̱ lo̱ ri vbi e̱ke̱in uhi ni eli'a, o̱re̱ wui e̱re si ivi e̱me̱la bi e̱we, bi ame̱, ukpun lo̱vbai, bi o̱riligban lo̱ re̱mianri o̱li ebe si uhi bi eli ea. 20 O̱re̱ "O̱li ere si atamasi li Oise̱le̱bua re̱ kpa ase̱ la vba. 21 Ze̱in labo̱ kpao vbo̱i, o̱gbo mianri o̱li e̱re khuo̱ vbi o̱li o̱se bi emi lia we vbi o̱li ugami. 22 Re̱yi uhi, e̱re o̱fuan emi ere̱me̱, sai gbi e̱re, are̱'hume̱ evbo̱. 23 O̱hio̱ si o̱na, o̱de'o̱vbo̱ emi ere̱me̱ vbi ohumi'eimi isa'a si eami alo̱ re̱ cali o̱a, ama eli emi si ohumi'eimi na ōe'o̱vbo̱ lia egbe'gbi isa'a re̱ cali'oa. 24 O̱hio̱ Jesu ovbi ebi o̱fuan lai ri obo̱ isokpoen ō'ovbi ohumi'eimi vbi isao si Oise̱le̱bua. 25 O̱i yi evbo, lo̱ ovbi ebi o̱fuan ise'ki seka, zein labi oje ohe̱n lo̱ ovbi ebi o̱fuan ukpu'ukpe bi e̱re si o̱vbe. 26 Akha gaze eyo̱'o̱, o̱kha de o̱vbo̱ lo̱ re̱ mi e̱so̱n iseki'seka zein labi igbulo'to̱ si o̱lagbo̱n na re̱be̱re, ama iso̱kpa o̱u'o̱ re̱yi ire̱so si ikpe, lo̱re̱ ri egbe so̱i vbi isa'a o̱hio̱ si o̱kho̱ mai. 27 Agbo̱n re̱hi lo̱ re̱ u'u iso̱kpa o̱kpe̱se̱ igha'e̱zo̱n. 28 Iyo̱ Kristi regbe soi, lai re̱ vbi isa'a isokpa lo̱re wui o̱kho̱ si agbo̱n le bun, lo̱ che vare ukpo̱ zi evaa, o̱ ke vbi ukpo̱'kho̱, ama o̱hio si imie̱fan si elian mo̱i izie̱gbe so̱i.