¹ E̱yan emi li mata khi o̱na ma moi oje ohe̱n lo̱ dia vbi obo̱ o̱dion si e̱kpete si oiselebua vbi ohumi eimi. ² Ogbamadia O̱ vbi ebo̱ fuan o̱se si ata si Oiselebua, lo̱i vbi emi oa wu gbo̱n. ³ Azi O̱hen lo̱ ya vbi ohan bi isa'a. O̱hio si o̱na, oe o̱vbi li oa mo̱i emi lo̱lo re̱ vbi isa'a. ⁴ E̱yan akha'gaze Jesu o̱li agbon na o̱ri, O̱kha vbi ohen, o̱hio agbo̱n ri vbi vbo̱ lian vbi ohan re̱yi ukpode si uhi. ⁵ Ian ga vbi o̱se lo̱ khin emi si ohumi'eimi, zein labi Oise̱le̱bua khi uke̱ke̱ ni Mosisi, lo re̱ kho loi zi o̱se, Oisselebua reo̱i, "Mo̱i kho̱ ere̱me̱ la re̱ vie̱, li vba u vbi ohumi oko. ⁶ Ama eyain, Kristi mie̱n o̱se lo̱sen. zein labo̱ gbo vbi o̱lo muzan vbi esese̱, lo̱ re̱ mien atamasi si ire̱hi le̱se̱n. ⁷ Akha gaze o̱li atamasi lo̱ kpao hume̱n, ai kha mi atamasi lo̱ zi 'eva. ⁸ Bi Oise̱le̱bua re gi ue̱n lobe lo̱be zi vbi obo̱ sian o̱re̱o̱ "Kho, oli ukpode vade, - iyo̱ Oise̱le̱bua tai. Ilo̱ chie vbi atamasi lo̱gbo̱n vbi iwie si Isre̱li bi Judah. ⁹ O̱kha vbi atamasi li kpa eri'erian wun vbi e̱ghe̱ li gian obo̱ wun sho̱ vbi Ijipiti re, o̱hio̱ yai wun o̱li atamasi se, I re̱ vbi eo sho̱ vbi ian egbe re. iyo Oise̱le̱bua tai. ¹⁰ Ona khi atamasi li lo̱ kpa ian wun si eli ikpede na rare. Iyo̱ Oiselebua tai. I lo̱ wun uhi o̱vbi udu sian, I lo̱ gbo vieo̱n vbi idama sian. I lo̱ chie̱n Oise̱le̱bua sian, ian lo̱ chien ea me̱. ¹¹ Ekha vie isikpe̱n sian, da omio̱ ian, vba e̱e̱n Oise̱le̱bua. O̱hio̱ ian ere̱me̱ loe̱n me̱. re̱ vbi o̱li kere re̱ di ukutu. ¹² Ilo̱ moi itueken reyi o̱kho̱ sian, I kh che ei o̱kho sian re. ¹³ Eboi tai "O̱logbo̱n" o̱ke ri atamasi lo̱ kpao do̱'dio̱n, emo ke rare ke dahoa.