¹ Re yi vba, vba ulo vbi e̱ke̱n afido̱n bi o̱kho̱. ² Vbi e̱ke̱n afido̱n bi o̱kho̱ li vba za vbagbo̱n, ebai we vbi ebo̱lagbo̱na izegbe. Ebddri eliain re efio shian, etin lo̱ bia vbi egbe si ivbia le yi aakaeho̱n. ³ E̱ghe̱ rivbo̱li mamain ere̱me̱n o̱re̱ dia vbu se si eleia na, ma re reo̱vbi emi li e̱tin lo̱be si ela so̱ kho̱ iri. Agbo za ui emi ebi egbe mai ho o̱ vbi sudu main. Main za gbe si elalo̱ khueo eli agbo̱n no̱i ere̱me̱n iri. ⁴ Ama Oise̱le̱bua mon itue̱ke̱n gbe ohi si ihume̱ke̱n lo̱gbai lo̱ re̱ za hume̱ke̱n main. ⁵ Ebi main re̱ uo̱ vbe̱ke̱n afido̱n o̱ re̱ main chio̱n o̱lo̱ riobo̱ bai Kristi. E̱se̱o̱he̱n lai re̱ mie̱n main fan, ⁶ Oise̱le̱bua za zi main gba dia vbo̱ okhumeimi vbi Jesu Kristi. Oise̱le̱bua huai main re̱ ba Jesu, Oise̱le̱bua za zi dia vbi okhumeimi vbi Jesu Kristi. ⁷ O̱ kha keo̱ se̱ vbi agbo̱n lo̱ vade o̱lo̱ ke re̱ main vbie̱ ugbami lai miemare̱oi, e̱fe si e̱se̱o̱he̱n lo̱ re̱ vbie̱ gbo vbi ufun mi lo̱ moe̱n yi main vbi Jesu Kristi. ⁸ E̱se̱o̱he̱n la re fan main, re̱ yi aduidu an, lo̱i za vb'obo̱ main vare. Ohan isi Oise̱le̱bua o̱. ⁹ E̱se̱o̱he̱n o̱iza vbi obi li main bia vare, lo̱ o̱so eya dumu ruo̱. ¹⁰ Obia s'obo̱ isi Oise̱le̱bua mamain ere̱me̱n u, la mai vbi Jesu Kristi li ya re̱ u emi lo̱se̱n lo Oise̱le̱bua mama na o̱ ke te̱, li main lo̱ ya reu. ¹¹ Ere khi elo̱imieho̱n main kpao vbi segbe. a echie "O̱lairue" ikhi ema echo̱i "Orue̱" vbi egbe la ri obo̱ seia u. ¹² Vbo̱ le̱ghe̱ ain, a vae sho̱ vbi Kristi re. I re̱ vba u re̱ yi vbi Izrel. Ire vba u re̱yi atamasin si uruo̱mi. Vba mo̱n e ma mo̱n idaeho̱n so̱i vbi sao. ¹³ Ama e̱yan, vbi Jesu Kristi we̱we̱ lu iyo̱ kpao rere vb'egbe si Oise̱le̱bua, e̱re si Jesu Kristi ke sie̱ kiain. ¹⁴ Yoin li kho̱ fure main. Ore̱ vba chie̱n o̱kpa. Ihu egbe so̱i lo̱re̱ gbo̱n udeke̱n si azeo̱ wuegbe lo̱ van main ia. ¹⁵ O̱an khi o̱vbi ohi la gbe o̱vboto̱i bi are̱khae̱n sian, a lo̱ re̱ mo̱n o̱ia lo̱gbo̱n vbi oin, lo̱ fure re̱ e̱vbo̱. ¹⁶ Kristi kui eia leva gbe vbe gbe o̱kpa re̱ yi Oise̱le̱bua vbo ro̱n gbie̱n ebo̱za gbi uro u. ¹⁷ Jesu rare, o̱za o gbobe so ofure yi elo̱ kpao ri vb'odo̱ rere bi o̱fure re yi elo̱ si ke̱ ai. ¹⁸ Jesu o̱ ke ze̱ khi eveva ke di o̱kpa vbi Etin re bu Eramain. ¹⁹ Eyan vba vba li ijentai ke vbi ire bi ogho̱e̱n. Eia si evbo o̱kpa bai eia lo fuain isi Oise̱le̱bua, bi ebo elo̱ ri vbi iwe isi Oise̱le̱bua. ²⁰ Uhumi igbiloto̱i isi apo̱sto bi ohe̱in li vba muzain, Jesu tobo̱i likhi udo lo̱ ri vbi iguegbe. ²¹ Vbi yo̱in li oa ere̱me̱n ke za d'o̱kpa, ebi eza ohia lo̱i chie̱n oa si O̱lo̱mo̱e̱nma. ²² Vb'e̱ke̱io̱n la gbo za remain chie̱n ebi Oise̱le̱bua lo̱ dia vbi etin.