¹ me̱me̱, ipolu, ivin o̱na si elemiehon labi me̱n le'rivbi e̱vbo ya kolos̱ian, isi ipolu ikhon'na li O̱ise̱le̱bua ye yi vba ʒe̱n labi ivbiodogho si Jesu Kristi, omio̱n mai Timoti o̱gbo vin o ̱li ebe na. Mai wui o̱li ebe na na vba ere̱me̱n. ² Mai vin o̱li ebe na yi eli O̱ise̱le̱bua gha's̱e̱ re̱yi egbo̱i - eli ain mieho̱n lian vbata re̱yi c̱ie̱n isi Kristi. Mai li ero̱mo̱n li O̱ise̱le̱bua li erama lo̱i ri ufumi bi o̱fure na vba ³ Mai gbo khue̱mi O̱ise̱le̱bua lera isi o̱lo̱mo̱e̱n Li Jesu Kristi, ebi mai liero̱mo̱n navba ⁴ mai ri ekhue̱mi ni O̱ise̱le̱bua o̱hio̱ khi mai hoin khi wudu vba ni Jesu Kristi, vbai gbo hume̱nke̱n'i eli O̱ise̱le̱bua ghas̱e̱e̱ ni egbvi ⁵ ukhume̱nke̱n'i eliyan mieho̱n labi mai o̱hio̱ umo̱i udukhan'e̱n si emi li O̱ise̱le̱bua wuhe̱'e̱ vba okhumeimi. Ukpao hin eli emina e̱ghe̱ lure̱' hi owewe si ata, ata Le̱se̱n emoi Kristi. ⁶ eliyan mie̱ho̱n, yan wewi o̱li wewe li vba kho̱n vbi kolos̱ian vie̱'e agbo̱n ere̱me̱n vbo̱ lagbon'na. O̱'o̱ubi ebo̱i bia - na vba, vbi ikpao lu're kho̱n owuwe̱'eokuere. Eta si okhume̱me̱ ero̱'ubi o̱to la kemio̱n lo̱ ʒe̱'e̱ olo win lkpe̱lonmi lo̱bun dian're. ⁷ ḻ̄pafres vie vba eta si ohume̱me̱. mai hume̱nke̱n'o̱ o̱hio̱ ma koko bi obia si Kristi, o̱gbo bi obia si ata vbi ebi ma'ri. ⁸ ota na mai kho̱n kherivba hume̱nkein eya ere̱me̱n si O̱ise̱le̱bua o̱hio̱ etin si O̱ise̱le̱bua o̱ri'utotomi na'a re̱ hume̱nke̱in O̱ise̱le̱bua bi e̱noi. ⁹ re̱' ʒavbi e̱ghe̱. limaire̱' ho̱n khi vba mo̱i ihume̱nke̱n, li maiʒa liero̱mo̱n yi vba ma o̱i, li O̱ise̱le̱bua ri emi vba kho;olo vai'u vie'vba, o̱ʒivba mo̱i e̱wuain si emi etin si O̱ise̱le̱bua o̱vie̱ vba. ¹⁰ mai liero̱mo̱n, vba lo we'e awe'e lo̱lo̱ ʒi agbo̱n wue̱kpe̱n ni o̱lo̱mo̱moen ma̱ lo̱lo̱ re gabo̱mie̱vba. iliero̱mo̱n, vba lo̱ ohio vbi imo̱n'okuere si O̱ise̱le̱bua li vba re̱'wi emo ṯi livba u'u ¹¹ mai liero̱mo̱n O̱ise̱le̱bua o̱lo̱ ri utotomi na vba re̱yi etin so̱i lo̱khu'e, lu lo̱ʒa meti re̱ ʒie̱n o̱kakame̱n ere̱me̱n. ¹² mai lieromon ulo̱ gho̱n gho̱n uhue̱mi O̱ise̱le̱bua le'ra, o̱hio̱ si o̱re̱vba chie̱n'e eliyan se̱, liyan'lo matin debai eya soi, erodeina lo're matin wi emi lowun khe̱'e̱ ni vba vi urukpa si eavo̱ so̱i ¹³ O̱ise̱le̱bua li era fan'n ma vbi emilo̱be lo̱kho̱ lo̱ya re̱ mai s̱ian, o̱wi ovio̱, lo̱hume̱nke̱n kpi ohumi, na mai, ¹⁴ Ovio̱ o̱re̱ sume̱mai vbi o̱li o̱be o̱re̱vbie̱, o̱ri o̱ho̱'o̱ mai hunme̱n'ma. ¹⁵ mai kha mi ovio̱, mai e̱n'n ebi O̱ise̱le̱bua ri si mai re̱re̱ mati mio̱n. ovio kpao ri emi ere̱me̱n lo̱main vie. ¹⁶ ovio̱ mi emi ere̱me̱n ʒe̱n labi erai kho'o̱i, emi ere̱me̱n vi ohumi bi agbo̱n, emi ma mie̱n bi emi mai ya mie̱n, eleubi e̱khi si o̱do̱'de bi utotomi bi ase̱. emi ere̱me̱n dagbon're o̱hio̱ si ovio̱ o̱hio̱ erai ho'iyan. o̱hio̱ so̱i yan re̱ rivbo̱. ¹⁷ o̱vio'okpao vare̱ khei emi ere̱me̱n, yo̱i' lo̱mo̱i emi ere̱me̱n ¹⁸ O̱ri elemiaho̱n bi o̱se s̱ian ʒe̱n labi uhumi si oya ri egbe so̱i s̱ian. o̱ri o̱se̱ s̱ian o̱hio̱ khi yo̱i lo̱gban'i vo̱ra yo̱i khi o̱ya lo'ri egbe lo̱ghai c̱e da'gbo̱n're. Ohueare le̱i emi ere̱me̱n ¹⁹ O̱e̱n' ghi O̱ise̱le̱bua khi emi ere̱me̱n rivbi obo soi. ²⁰ O̱ri ovio̱ si emi ere̱me̱n sikei egbe, O̱ise̱le̱bua ri e̱re si ovio̱ wi amiefan re. O̱ise̱le̱bua wi emi ere̱me̱n bui egboi, emi lo'rivbi agbon dai emi lo'rivbi eimi ²¹ ekhe̱ rivbo livba re̱ubi ire'e reyi O̱ise̱le̱bua bi o̱khian o̱hio̱ si ue̱n vba ²² sokpe̱n, e̱yan ori eu soi de̱vba ciare owi o̱na loi re̱ ʒi vba fu'an, li vbi moi ebohi, livbai ri eho wo̱i, ²³ ukha ri o̱li ajiudu'an na s̱ian, fiton'non vbai s̱io vbi adiudu'an li vbai kho̱n re. o̱na ikhi owewe li agbo̱n ere̱me̱n kho̱n vbi agbo̱n vbi oto na. o̱na ikhi owewe li me̱me̱, ḻ̄polu, re cie̱n Uviodogho. ²⁴ e̱yan igho̱n'gho̱n o̱vi ios̱a lia'e o̱hio̱ vba li're̱ ri i̱kpa̱obo̱ ni o̱se̱ ²⁵ o̱hio̱ si o̱li o̱se̱ na ire̱cie̱n ovie̱n, re̱yi obia li O̱ise̱le̱bua wun nime̱, o̱hio̱ vba, li're̱ wi ata si O̱ise̱le̱bua se̱'e̱ ²⁶ O̱na ikhi ata lo̱lakhe̱e̱ re̱ʒavi ore'e vare bi agbo̱n na e̱yan ero̱ivbie̱ eliyan mieho̱n ²⁷ eliyan miehon yan'i li O̱ise̱le̱bua ho'o li yan en'n ata si uhegbe si e̱fe si o̱khai, oi wi igentiles. ²⁸ o̱na mai tata soi, mai vie agbo̱n ere̱me̱n mai ri ewuain vie vbie emi, vba ere̱me̱n lo̱ re̱ mo̱in Kristi ²⁹ o̱hio̱ si o̱na ire filo igbaniegbe re̱yi ata soi lo̱rivi obia.