1 ikho li vba re̱ en'n eriya gbayie̱n'gbe li re̱ kpa vba vba bi eliyan rivi iLaodica obo̱, bi eliyan mieho̱n li yai'semie̱me̱u. 2 iwi o̱na lire̱ ri iriekhe'e na vba, Li vba lo re̱'bia kugbe vbi' e̱kie̱n lhume̱nke̱n bi imueokuere, vbi e̱ke̱in inmi si uhegbi si ata si O̱ise̱le̱bua, bi Kristi 3 yoi lo moi ewain bi e̱ne̱mi. 4 eya ti o̱na na vba kho̱n o̱hio̱ ikho'o li o̱ya te̱a 'vbae. 5 si re̱re evbi ebi vba ri, imoin emi fio̱vba'egbe igho̱n gho̱n o̱hio̱ si obia vba bi ajiudu'an Kristi 6 ʒe̱n labi. vba mien Jesu Kristi kho̱n, vbai gbo wudu'ovegbe, v'e̱deagbo̱n 'va 'ere̱me̱n. 7 vba ri e̱ke̱n ata diu du'an o̱lo̱ mo̱en ma, vba Wuduo̱ivegbe, vba o̱khia vi ajiudu'an ʒe̱n labi yai vie vba, vba ya ri ekhuemi ni O̱ise̱le̱bua vbe̱ghe̱ - vbe̱ghe̱. 8 vbai ʒi agbo̱n ri'ata si ite̱a bi ue̱u'u si eya'a, adelegbe yi emi si o̱lagbo̱n'na, aidalegbe yi emi si Kristi 9 o̱hio̱ Jesu yo̱i li khi O̱ise̱le̱bua 10 e̱yan O̱ise̱le̱bua wi emi ere̱me̱n li vba khon na vba. yo̱i lo̱ kpi ohumi ni eya'a, etin, bi e̱hi 11 yoi lo̱ rue̱ vba o̱wi urue̱mi ti o̱ya rue̱, sokpe̱n oli Kristi rue̱ 12 o̱hio̱ si ya wi isame̱u na, woi lo̱ʒi vba s̱io̱ re̱ reyi ajiudu'an v'ēke̱in utotomi si O̱ise̱le̱bua, o̱hio̱ humion vbi udu kho lo meti ʒe ca evbo̱. 13 e̱ghe̱ li ma re̱' rivbi o̱kho̱'o̱, o̱ʒi evi agbo̱n, debai, o̱ri o̱kho̱'o̱ mai hume̱nmai. 14 o̱ri o̱kho̱'o̱ mai lore̱ hanma hume̱nma owi ere̱me̱n vo're ohan'. yan v'ogbe̱n. 15 O̱ise̱le̱bua moi ihuoho̱n vbi uhumi si etin'ebi lo̱'ri agbo̱n s̱ian vbi o̱li agbo̱n na. oʒ. agbo̱n ere̱me̱n en' hi yoi moi ihuoho̱n vbi uhumi sian. 16 o̱hio̱ si o̱na eʒi, o̱ya ʒovba e̱ʒo̱n e̱gbe̱ lu' de̱yo̱n dai e̱kbe̱ lu' emae. dai e̱ghe̱ ukpe, dai e̱di o̱se̱ 17 o̱na' ihi odudu si emi lo̱lo̱ vare sokpe̱n, Kristi ihi oli emi 18 vbai ʒi eliyan khoi o̱khai si agbo̱n si vba s̱io vbi e'e si O̱ise̱le̱bua re, yan ri elemina ruo̱ o̱hio̱ wau Oemi ʒe̱n Labi agbo̱n liyan e̱n'e O̱ise̱le̱bua. 19 O̱li o̱ya na o̱i debai Kristi, Kristi o̱kpi ohumi vbi emi ere̱me̱n. O̱ise̱le̱bua y̱o̱ʒo̱i ko̱i ohumi 20 Ukha U' debai Kristi ʒami si o̱li agbo̱n na obo̱, amo̱ʒe̱ lu'ekpe̱re̱ rahon o̱vi eli emi na 21 eli uhi yoi khi, ewo na, e'o̱na e'robo̱su'o̱na. 22 eli uhi na, uhi si agbo̱n na lo̱ lo̱ hu' eo, re̱yi ovie si eya'a. 23 o̱li uhi na yai moi ewain si emavobo̱' e̱he̱n bi emi si Ohien'egbe.