1 Eyan ya vin ye̱, imio̱, o̱li ebe lo̱'zevba na isi a'ere si udu lo fuan se̱ o̱. 2 Lu re̱ ei'emi li ohe̱n lo fuan kpa'ta lo̱ ke te̱ bi udu o̱lo̱moe̱'mai lo̱ fan ma vbun ni mai. 3 Kpa e̱n o̱na eli'yain lo̱ ya ie̱ lo̱ vare vbi ede̱ si ire̱so, yain je̱e̱ yan vbe'mi lu'du sian o̱ho. 4 Yan lo̱ e "iyi Ure̱hi sia ciere so̱i? hi e̱ghe̱ li eramai de'vbi ome̱he̱n emi ere̱me̱n o̱i mo̱i yo'dan, vbi e̱ghe̱ si igbanre si uma'mi. 5 ya vbi uhi si'an e'ya khi uhumi'emi bi o̱to̱ ame̱ a re̱ mai vbi ame̱ vbi igheghe uhi Oise̱le̱bua. 6 Vbi ina o̱ re̱ ria o̱to̱ vbi o̱le̱ghe̱, ame̱ vbun o̱to̱ ere̱me̱n. 7 Ama e̱yain li uhumi'emi bi o̱lo̱ na ari uhi so̱i ri erain khe̱ o̱i, a vbu o̱i khe e̱de̱ si igha'e̱zo̱n la re̱ toi eli yain re̱'han Oise̱le̱bua a. 8 Imio̱ e zoi ra're ede o̱kpa zo̱n ona raue̱n sei're, eli uhumeken, e̱de̱ o̱kpa si soi o̱lo̱mo̱e̱n okgba lei e̱de̱ e̱gbe̱n-egboigbe, e̱de̱ e̱gbe̱n-egboigbe ubi e̱de̱ o̱kpa vbi e̱o so̱ o̱lo̱mo̱e̱nmai. 9 O̱lo̱mo̱e̱mai o̱ya zi ure̱hi so̱i si vbo'to sokpen a mo̱i ozie̱n re̱yie̱, o̱i ho li o̱so̱ ri'aa. Ama li agbo̱n ere̱me̱ re̱ mo̱ii ivhi vbie̱ke̱n deli u'e̱n. 11 Reyi eli'mina alo̱ kpo̱na iyi agbo̱n li vba chain? ya we fuan ya risi Oise̱le̱bua wu. 12 Ya khe̱i e̱de̱ si Oise̱le̱bua lo̱ tua vare vbi e̱de̱ uhumi'emi lo̱ rivbi emi ere̱me̱n lo̱ khua. 13 Ama re̱yi urehi so̱i, mai khe̱ uhumi'emi bi oto̱ na lo̱gbo̱n, li eli'yain vbie ata lo̱ dia. 14 Ohio̱so̱na imio̱me vba e̱n khe̱i emi lina, vba emi lo̱ lo̱ ze̱ aiain ivbian li Ipo̱li vbi egbe se̱. 15 Ghoghoi izie̱ngbe si olomoe'mai vbi amie'fan, ebi omio̱mai li Ipo̱li vin eba yi vba re̱ yi eghuain la vbiun na. 16 Ipo̱li teta si ele'mina vbi e̱be̱ so̱i, a mo̱i emi li ae̱n so̱i mia'me̱, Ele'en li'an za ya la ni ele'mina, ebi'yan la ni e̱be̱ lo̱ fuan evbe? ama uria'ami sian o̱. 17 Ohioso̱na, imio̱me, lu ke're̱ e̱n elemina, khain egbe se̱ li agbo̱n li'an ya re'hain uhi li'an re̱ ate̱'e ye̱ ukpo̱'de o̱khan, u ha ke mo̱i amieho̱n. 18 Ama khua vbi esio̱he̱n bi ae̱n si olo̱mo̱e̱'mai lo̱ fuan mai li Jesu Kristi li o̱khu so̱i yi isi Jesu Kristi e'yain bi re̱le̱ re̱le̱ Amin.