¹ Ea lian mie̱o si e̱he̱n si eleaze, bi elian vbie̱ emi si e̱hen lo̱gbo vbare yie. Elo̱huai, yain sin o̱lo̱ ri'an shan lo̱ di'yain, yain vba eci a bo̱bo̱ gbekua yi egbe si'an. ² Ogbere lo re'hain oghe̱ bi yan lo ri'ai ata o. Vbi ihie̱n'vbo mi ee vbi egbe se̱ vbi eta si ate egbe e. ³ U ria mi si'an o̱ha te̱, a ria si'an ha me̱'tin. ⁴ Khi Oise̱le̱bua o̱i si'mu ange̱li li'an vbu o̱ho̱, O̱ vbin'yan ni Itatro̱s lo̱ khui'an ze vbi eke̱n ason re si e̱ghe̱ si igha e̱zo̱n. ⁵ O gba si'mu agbo̱n ligheghe so̱kpe̱n o̱ fain inoa lo vbi o̱ya si ivbie ata, bi ikhio̱n evbe, e̱ghe̱ lo̱ re̱ vbun ogho̱ owi agbo̱na si eli yan ya gai Oise̱le̱bua. ⁶ Oise̱le̱bua gbo ri ehe si Isodo̱m bi Igomona chien emo̱i bi o̱ ri'an a lo̱ vbi azoma ni eli'yan ya gai Oise̱le̱bua. ⁷ Ama ileti li oya si ivbie'ata, li eli'yain ghe̱, li'an gbu'li a ri e̱v'bo gbe ru, Oise̱le̱bua o̱ fan. ⁸ Khi o̱ya si ivbie'ata, lo̱ kpai yain vbe li'an ri oya e vbi ekein ivbie ata so̱i o̱hio̱si enu lo̱ mie̱ lo̱ gbo ho̱n. ⁹ Olomo'ema e̱n ebi o̱ fain eya si Oise̱le̱bua sho̱'vbi emi si idamighe. O̱ gbo e̱n ebi o̱lo̱ ri'oya ni eli'yain yain vbie ata vbi e̱de̱si igha'ezon. ¹⁰ O̱na li hi ata, eya li'an kpe̱ ri e̱he̱n si agbo̱na shan yain ya re'hain uhi, e mo̱i izonkan yain ri uhi si'an uhi vbu. E mo̱i ilofe̱n si a ri'a a si o̱lo̱ mo̱i o̱khai. ¹¹ I ehe̱in angeli mo̱i uto̱to̱mi bi eti. Ama eya vbuin igha'ezon si ukhue si'an yi o̱lo̱mo̱e̱ma. ¹² Ama eli eyami na li ze'udu a lo vun yain khue'o, e ye̱n emi li'an khue'yan khue'yan o̱. ¹³ Elo̱ mi ee si avbi emi lo̱i de'o̱vbo, yain e gbe la re̱ e kua vbi ukpe̱de o̱e̱ghe̱me̱ o̱. yain mo̱i ivbian bi a ria o̱ya a, oshan si ate̱ egbe'e o̱ eghi'an. Yain lo̱ kpa'e̱ emi. ¹⁴ Yain mo̱i e̱vbo si a me̱'ho̱n kpen o̱kho̱ o̱ya o̱ho̱ ya si'yain, yain meti ri emi hoi evbe le lo̱ debai ya vbu mi lo̱i de'o̱vbo̱ yain ke kue̱i'udu si vbi are̱'ho e̱fe lo̱i hume̱, Yain chie̱n ivbi. ¹⁵ E'vbun ukpode̱ lo̱ de̱'o̱vbo̱ fia, yain shan'vbi ukpo'do̱khain, Yan re'hain awe̱ si Ibalami li ovbi Ibe̱a lo̱ hume̱ke̱n a'vbun ee vbi awe lo̱i khu'me. ¹⁶ Ama a mi ukhue vbi obia lo̱i de o̱vbo̱ ikhue̱ri'khue̱re̱ lo̱ ro̱i unu so̱i, o̱ ke ri ukpun'ru si o̱ya teta, o̱ dai eme̱me̱ si o̱li ohe̱n ye̱n. ¹⁷ Eli imo̱he na vbu bi ame̱ lo̱i mo̱i ivbian yan vbu'bi ohumi lo̱ khui efio lo'khua ukpi'ason a re̱ he'yain. ¹⁸ Yain li avbun egbe yieo hume re̱ teta, yain ri aho emi si egbe re̱ e̱ghen agbon. yan ro̱i e̱ghen agbo̱n li'an la'vbi aye si o̱khan. ¹⁹ Yain ri amo̱'egbe re̱'khi ni'am. Ama yain le'agbon chie̱n ovie̱n si iguo, Khi o̱mo̱he chie̱n ovie̱n re yi emi lo̱ ha meti mo̱i ikhuo'hon. ²⁰ Oya khi o̱ya lo̱ mi la ri uri'aa si agbo̱na o̱hio̱si emi e̱n vbi o̱lo̱mo̱e̱mai bi Jesu Kristi lo̱ fan mai, agbo mie̱ delegbe chie̱ yi uri'ami, o̱na ke ho̱ ebi yain kpai ri. ²¹ Si'an kpa e̱n awe si ivbiata lo kha hume̱'le̱, yain e̱n o̱i gbo re̱hain uhi lo̱ fuan la vun ni'an. ²² Eta si eramai li ata ata o̱, Agwa ce ciere o̱ i okpa so̱i. isi la kpe fuan ce ere̱me̱n o̱ ya sie vbi eke̱n ogho.