1 Isimo̱ni si Ipita, ovbiodogho bi uko̱ si Jesu Krist, re̱yi elekoko mo̱i ajuduan o̱kpa vbi e̱ke̱in o̱fuan si Oise̱le̱bua mai bi o̱lo̱fan mai Jesu Kriti. 2 Li e̱seohe̱n bi ofure lo̱ re̱ khuai vbi ao si Oise̱le̱bua bi Jesu O̱lo̱mo̱imai. 3 Emi ere̱me̱ lo̱ che̱i ukuti eti vbi e̱deagbo̱n bi ue̱e̱n si Oise̱le̱bua ake wui na mai, re̱se̱vbi amama si Oise̱le̱bua lo̱e che mai vbi e̱ke̱in o̱khai bi eti. 4 Ama, o̱ wui emi lo̱ hume̱n bi ire̱hi lokhua lai re̱ mie̱ khi mai ke̱n vbi uku'u'e̱e̱n, ze̱in la bi mai nifan so̱ vbi ue̱e̱n lo̱be re lo rivbi oli agbo̱n na o̱hio̱ si amama lebe. 5 O̱hio̱ si o̱na, vbi o̱li ulo̱ meti u vbi emi lulo̱ re̱bai ukuti ajuduan, re̱gbo san vhi amama lo khuai. 6 Re̱shan vbi ue̱e̱n se̱ bi awe'e si egbe se̱ wui izie̱gbe bai, vbe̱ke̱n izie̱gbe se̱ wun ue̱e̱n si Oise̱le̱bua bai. 7 Re̱shan vbi ue̱e̱n si Oise̱le̱bua wui ikhume̱ke̱n si omio̱n bai, vbi e̱kein ukhume̱n si omio̱n wui ukhume̱ke̱n si egbe bai. 8 Eli emi na lo̱ rie̱ vbi egbe lo̱ gbo ohia ovbe̱ vbi egbe, uha meti chie̱n agan di o̱lo̱i ze̱ vbi amama si o̱lo̱mo̱e̱mai Jesu Kristi. 9 Ama o̱lo̱i ghe mo̱i elemina emi lo̱ sikiai lo̱ mie̱ o̱ rue̱o. o̱ ke'ei akeyea isi oho'o ligheghe'a. 10 O̱hio̱ si o̱na, imio̱me̱, vbi o̱lulo̱meti u lu re̱ vbi uechemise̱ bi uze̱mi se̱ lo̱i deo̱vbo̱ re̱ye. U kha vbi elemina, u kha de. 11 Ina, olukpode na lo̱ chian ebu la shan ovbi e̱he̱o̱ba si re̱le̱re̱le̱ isi O̱lo̱mo̱e̱mai bi O̱lo̱simuan Jesu Kristi o̱lo̱ vuyea gbo yie̱. 12 O̱hio̱ si o̱na I la ea̱ re si elemina, ama u e̱in yian, bi u che okhia vbi e̱ke̱in ata eyan. 13 Io khi o̱ deo̱vbo̱ li re̱ che ee̱re vbi elemina. ze̱in labi te̱e̱ vbi e̱ke̱in ugba se̱. 14 I e̱in o̱ kha te̱e̱ gbe i lo̱ wui o̱li ugba na so̱vbore, ze̱in labi O̱lo̱mo̱e̱mai Jesu Kristi re̱ vbie̱ emi. 15 Ilo̱ gbi ayie̱'egbe li ya re̱ ee̱re eli emi na si ke sho̱re. 16 O̱hio̱ mai ri e̱wain re̱hain okha ma re̱ ta na vba ho̱n emo̱i utotomi bi adiare si o̱lo̱mo̱e̱mai Jesu Kriti. Sokpe̱n, e̱o mai mi okhai so̱i. 17 O̱hio̱ khi o̱mie̱ vbi obo̱ si Oise̱le̱bua li era o̱khai bi e̱seo̱he̱n e̱ghe̱ li ukpuru re̱ vare yi me̱ vbi e̱ke̱in o̱khai lohua 'Ovime̱ i kho̱na o̱li khume̱ke̱o̱i li ue̱e̱n so̱i e̱ghe̱n me̱ vbe̱ke̱in." 18 Ma ho̱in olukpuru na lo̱ za vbi ohumieimi vare, e̱ghe̱ ma re̱ gba rivbi ohumi oko̱ lo̱ fuan. 19 Mai mo̱i o̱li atakpotoi na ko'o, vbo̱ lu re̱ daeho̱n so̱i. O̱ u bi urukpa lo̱ vbai vbi ebi aso̱n za re se̱vbi egbia. ze̱in elabi ikpae̱n si egbia me̱ re vbi udu se̱. 20 Kpao e̱o̱na khi atakpoto o̱i vbi si amie̱uro se̱. 21 Khi aimi atakpoto lo vare re̱yi ao si o̱ia. Sokpe̱n, agbo̱n o̱ re̱hain eti lo̱fuan lo̱ za vbi isi Oise̱le̱bua vare.