2 Ehin ekhe na mai! mai se vbi emilobe yi oso. mai se vbi oia o̱so emi, mai s̱e wui emi si o̱ia o̱so. 3 O̱ivbi la re khue vbao ya re to̱ na, khi kpao tai ki vba re mai udu, mai re vbi agbon bi a u kugbe. 4 I mo̱i ajuduan lokhua re̱ye̱ agbo re̱'e so bo vbi udu. I ghe vo̱n vbi ofure,I voin vbi egho̱ngho̱n vbi ekein o̱miame̱ mai ereme. 5 Mai re̱ di Macidona re, mai fuetian.sokpe mai mo̱i o̱kpokpo̱ vbi aihan, mai deli e̱okpi o̱miame li agbo̱n evbe'e vui, mai gbo lo̱fe̱n si emi lo̱ bun. 6 Ama Oise̱le̱bua o̱ funmai udure mai kha mo̱i iriaha'a. O̱ fun mai udure o̱li eghe ain lo̱ re̱ yi Tato̱si lo̱ dia kpe̱n mai. 7 O̱i vbi avare so̱i o̱kpa Oise̱le̱bua re̱ fun mai udure. O̱ che'gbo vbi afudure li vba wu ni Tato̱si. O̱ ta ni mai Ikhume̱ke̱n vbi mo̱i reyi mai bi ebi oya mai tovba vbi egbe. O̱gbo tai na mai evbi vba reokhouma i'so̱go̱lo̱ gho̱ngho̱n. 8 I e̱in khi ebe li vin yi vba lo̱ zi vba mo̱i iriae̱kea. Ama o̱ tome̱ vbi egbe li re̱ mio̱i̱ khi ebe lo vin zi vba mo̱i iriaekea. Ama o̱li iriaekea isi uvbi e̱ghe̱ o̱. 9 Eyan ya gho̱ngho̱n, o̱i vbi o̱hio si vbai mo̱i o̱fuvbegbe, Ama ohio̱ si iriaekea vba wui ioekedeluen yi vba. Vba mi iriaekea si Oise̱le̱bua, eyan wui emi o̱so fia o̱hio̱ sa mai. 10 Khi iriaeke'a si Oise̱le̱bua o̱ wui ioeredeluen lo̱ wui amieho̱n lo̱i mo̱i ituegbe. Khi iriaeke'a si oli oagona o̱ wui cu re. 11 Kaeowoi iriaeke'a lokhua li oli ieya si ofuan na sire yie̱. Oli iriakha se gbai vbi e̱ke̱n egbese̱'e̱ lure̱ re̱vbie̱ kherai kpabo̱ fuan. Ibioham se̱'e̱ gbai, ilofe̱n se̱'e̱, aho'ose, iriakha'a'ase bi aho'o lai re mie̱n khi avbi emo̱n diai! urevbie vbemi ere̱me̱n khi eiu kpabo fuan. 12 Emi li vinyi vba o̱i vbi si o̱lo̱ vbobe, di o̱lo̱ oya si o̱be la u, i vio̱i lo̱ wu vba e̱o kuere ebi vba mo̱i afuduan re yi mai vbi e̱o si Oise̱le̱bua. 13 Vbisi o̱na mai re̱ mo̱i iriaha, a re̱ wu bai o̱fuvbegbe mai, mai gho gho̱ngho̱n o̱hio̱ si egho̱ngho̱n si Tito̱si o̱hio̱ si vba vba e̱re̱me̱ eti so̱i do̱gbo̱n. 14 Khi ikha ruo̱ yo̱i vbi em̱oi vba, vbai ze me̱ leho̱i bo̱ re̱ de vbai egbere. Elabi emi e̱re̱me̱ li ma ta na vba kho̱i vbi ata uruomi ma re̱ vba ruo̱ ni Tito̱si chiei ata. 15 Ikhume̱ke̱n so̱i reyi vba ogba. eboiye idegbere si vba vba re̱me̱nre̱, reyi ebi vba o̱i oboshan vbi ilofen. 16 Ya gho̱ngho̱n o̱hio̱ si ajuduan reyie̱.