1 Mai bia kugbe, mai gbo duabo̱ na vba vbai wui e̱seohe̱n si Oise̱le̱bua lo̱i oma'a. 2 Oise̱le̱bua ro̱i,''e̱ghe̱ si ikhume̱khai i mo̱i idaeho̱n re̱ ye̱, e̱ghe̱, si aimiefan i kpa we̱ obo̱''.Kaogho, eya ikhi o̱li e̱ghe̱, si kaogho,eya ikhi e̱de̱ si amiefan. 3 Mai kho ma wui ao ni o̱ya re̱ vbi emi lobe, o̱hio̱ si mai kho li o̱ya so mai ezo̱n khi ma wewi eta le̱se̱n lo̱ riakha yi emi lo̱be u'u mi. 4 Sokpe̱n mai ri ue̱n mai re̱vbie khi o̱vien si Oise̱le̱bua mai u. Mai zie̱n o̱ya lo̱ kakai, mai ri akha'a deleo kpin elian vbu mai emi lobi, mai gbo fan ze e̱ghe̱ lo̱kaka O̱kakame̱n 5 ugbemi, isighain okhon, vbi obia lo̱ kakai, vbi ai mieho̱n aso̱n vbi ohami. 6 vbi ofuan,ie̱n emi izie̱ngbe,ue̱n le̱se̱n, vbi eti lo̱fuan, vbi ebegbi ukhume̱ke̱n. 7 Mai vbi ovie̱n soi vbi eta si ata, vbi eti si Oise̱le̱bua.Mai mo̱i emi si ohon si o̱fuan vbi obo̱ dio̱n bi obo̱ gobo̱. 8 Mai bia vbi ekpe̱n bi emo̱i vbi ekpe̱n, vbi aria'a bi ire aso mai ezon khi ma vbi ovbee bi khi ma tata. 9 Mai bia bi elai e̱'e̱n bihi a e̱'e̱n mai le̱se̱n.Mai bia bi mai lo̱ u- kaowo! agbo̱n mai se̱ ri.Mai bai bi ea la ri oya e ama o̱ u bi elian foa yia lo̱ u. 10 Mai biai vbi iriaeke̱an ama ma gho̱ngho̱n sa'a.mai bia bi o̱li e̱so̱n o gbe, ama mai wui e̱fe ni elebun. Mai bia bi eli ain moi emi o̱so ama mai mo̱i emi ere̱me̱n. 11 Mai gui ata ere̱me̱n na vba ho̱n, Ico̱ritian, bi hi udu mo̱i ta'an gbo'o. 12 Mamai ki gbo wu du vba yi uokho, vbai vbemi legbe bi vbai khume̱ke̱n mai. 13 o̱lo̱ vbi emi ke vbi oeghe ya tete bi ya tai vie̱ ivbe han vba tain udu vba'a. 14 vbai ku bai enai miahon.Emi enai miaho̱n mo̱e̱n re̱yi elemie̱ho̱n? E̱oaso̱n bi urukpa kha meti dia kugbe. 15 Iyi akugbe li kristi mo̱e re̱yi ovi esun li bela? Emi oia lo̱ ijuduan Oise̱le̱bua moen re̱yi o̱ia lo̱i ijuduan? 16 Emi o̱se̱ si Oise̱le̱bua mo̱e̱ re̱yi areo? Mamai ikhi o̱se̱ si Oise̱le̱bua, ebi oise̱le̱bua ta:'' I lo vbi oise̱le̱bua siain yain lo wi eya me̱.'' 17 O̱hio̱ si o̱na,''s̱o vi use'e siai re, u gbo si egbe se s̱o vbi ebi ain ri re'' Iyo o̱lo̱mo̱emai tai. Eri obo̱ sue mi lo̱i fuan. I lo̱ o̱i obosian. 18 I lo vbi era re̱yie̱, vba lo cie̱n ivbime̱ iyo olomae̱mai tai.