1 Oise̱le̱bua wui eli obia na ne̱ mai u, o̱ che gbo mo̱e̱n itue̱ke̱n ni mai eyan mai mo̱i iriahaa. 2 Ma mo̱i o̱gue mai vbi emi li mai lo̱ za leghoi, mai mo̱i emi li ma lo̱ wuhe ni oa. Mai ya rehi emi li Oise̱le̱bua ha meti wure, mai ya vbei uhumi isi Oise̱le̱bua lo̱ de o̱vbi emi mai hooi. Mai wui ata re. Mai wui egbemai dianre vba ghae ebi mai muzan isao isi Oise̱le̱bua. 3 Akha ri emi voi eta si o̱khume̱me̱, la wuo̱i hee ni agbo̱n ni a u o̱i vbi Oise̱le̱bua. 4 Vbi isi ain, Oise̱le̱bua isi o̱li agbo̱na rui e̱o sian yi ata o̱hio̱ si yian wu uduain eta isi o̱hume̱me̱ isi ekpēn si Jesu Kristi lo̱ re̱ vbie̱ ebi Oise̱le̱bua ri. 5 Khi mai ya ti isi egbemai, ama Jesu Kristi lo̱ vbi o̱lo̱mo̱e̱mai, bi mamai legbemai lo̱ vbi igbo̱madia vba re̱ yi Jesu. 6 Oise̱le̱bua lo̱ tai khi "Urukpa lo̱ dianre vbi asuki". O̱ fio̱i urukpa so̱i o̱vbi e̱ke̱in udumai, la za mie̱n khi mai kha juduai Jesu Kristi, mai lo̱ mami ebi Oise̱le̱bua ri. 7 Ama mai wui emi lo̱ chiei ukutu li Oise̱le̱bua wu o̱ mai egbe, liai u bi uwawa. Khi o̱fuan khi utotomi lokhua o̱vbi isi Oise̱le̱bua o̱vbi si mamai. 8 Ma ke mi e̱so̱n si okpokpo lo̱ bui, ama e khue mai o̱. Emi li mai lo̱ u lo̱ meti daghaa vbi e̱o mai, ama mai fo etin an. 9 Yiai kho lian vbi mai emi lo̱be, ama o̱ivbi mamai o̱kpa, o̱u bi a fi mai gbe, ama, mai che sho̱re. 10 Mai mo̱i vbi e̱ke̱in egbe mai eu si Jesu Kristi, lo̱ u kpe agbo̱n si Jesu Kristi lo̱ re̱ vbie̱ vbi egbe mai. ̄̄ 11 Mamai ma ri vbi agbo̱n ma wui eu si Jesu Kristi vbi egbe mai, la za mie khi agbo̱n si Jesu Kristi lo̱ re̱ vbie̱ vbi egbe mai. 12 Eyan eu o̱ bia vbi egbe mai. Ama agbo̱n o̱ bia vbi egbe vba se̱. 13 Ama ma mo̱i etin okpa si amie̱ho̱n elabi a vio̱in, "I mieho̱n, ama i gbo tai". Mamai gbo mie̱ho̱n, i yo̱ ma gbo tai. 14 Mamai e̱in o̱li Oise̱le̱bua ai, lo̱ chiei Jesu Kristi vbi eu, o̱ lo̱ gbo chie mai vbi eu bai Jesu, la za mie̱ khi Jesu wuin mai bai egbo̱i, o wuin mai lode vbi ebi Oise̱le̱bua ri. 15 Emi ere̱me̱n o̱hio̱ se̱ o̱ la re̱ mie̱ khi a ki e̱seo̱he̱n ni agbo̱n ere̱me̱n, Ekue̱mi lo̱ bun re̱ yi o̱khai isi Oise̱le̱bua 16 Mai ya mo̱i iriakhaa o̱re vbiuo̱ egbe mai kha ofoa vbi oa, Oise̱le̱bua o̱ ro̱i do̱gbo̱n vbi e̱ke̱n o̱n e̱de̱de̱. 17 Vbi o̱li e̱ghe̱ kue̱i na, ma ri eli oya na wuin egbe o̱vbi oto̱i o̱khai lo̱ le̱i emi ere̱me̱n. 18 Mai ya wo̱i emi la mie̱, ama eli emi la ya mie. Emi li ma mie isi uvbieghe o̱, ama emi la ya mie isi re̱le̱ re̱le̱ o.