1 Eri make be̱'e̱ khi ma ri o̱khai li egbe'mai? Mai hoi eta si ire'e re̱yie̱ da'a re̱zavbi obo̱'se̱'e̱ vare, elabi ea eso, iyo̱ mairi? 2 Vbavba legbevba nikhi'i eta si ire'e samain, lavin o̱vbi udu samai, li agbo̱n ereme̱n e̱in, legbo mie̱n ko̱'o̱. 3 Erivba re̱vbie̱ khi eru'kie̱n ebe lavin zavbi esi Kristi, s̱ian vbi obo̱mai vare. Lo̱kian emi lai ri o̱da vin sokpe̱n Eti si Oise̱le̱bua lo̱ rivbo̱. O̱ivbi o̱la vin o̱vbi ese̱mi-udo, sokpe̱n e̱ke̱n udu si ea. 4 O̱na'ikhi adi'uduan li'mai mo̱e̱n o̱vbi Oise̱le̱bua s̱ian vbobo̱ si Kristi. 5 Mai se̱ legbe'mai limai lo̱re̱ mie̱n'ama khi emi o̱so'o̱so zavbi obo̱'mai vare. Sokpe̱n, adi'uduan samai obō si Oise̱le̱bua o̱za vare. 6 Oise̱le̱bua o̱ze̱i limai re̱ meti kie̱n ivbiodogho si atamasi lo̱gbo̱n. O̱nai ikhi atamasi lo̱i vbisi ema'vin sokpe̱n isi Eti-lo̱fuan. Erimidi ema vin o̱gb'o̱ia, sokpe̱n Eti-lo̱fuan o̱wui aye're. 7 Obia si eu lavin o̱vbi ese̱m-udo ri o̱khai ni ivbi Izreli se̱vbo̱ khi eya'gbudu dia'ode̱ kae̱o ghoi e̱o si Mosisi. O̱na vbi o̱hio̱ si o̱khai si e̱o'so̱i, o̱khai lo̱'o̱u khi o̱'o̱he̱a. 8 E̱ghe̱ain, obia si Eti-lo̱fuan kha kie̱n o̱khai lo̱'gbale̱? 9 Akamie̱ khi obia si ikhueo mo̱in o̱khai, ekeka ikekhi obia si o̱hume̱me̱n! 10 Vbe̱ke̱in ata, emi lo'ou khakpao re̱kie̱n emi si o̱khai, o̱ike kie̱in emi s'o̱khai vbi o̱li uvie̱nmi na, erimidi si o̱khai o̱vbe'e lo̱ leo̱i. 11 O̱hio̱, akha mie̱n khi emi lo̱'o̱u kho̱'o̱fi ra'are mo̱in o̱khai, ekekai kekhi o̱khai si emi lo̱rivbo̱ re̱le̱re̱le̱. 12 Ebo̱iu khi mai mo̱in o̱li adi'uduan na, mai kie̱n o̱lo̱mo̱n udu. 13 Maiu bi Mosisi, lo̱ kui emi voe̱o, li ivbi Izre̱li emeti kae̱o gho'oi are̱so si o̱khai lo̱ ra'ale̱. 14 Sokpe̱n udu sian khuhiei. Re̱kpe̱ se̱vbi e̱'e̱na o̱li emi la kwu'voi e̱o na se̱kpe̱ rivbi uko̱'o̱mi si atamasi li'gheghe. Ai khuhioi'a, erimidi egbe si Kristi lo̱lo̱za soto̱i. 15 Re̱kpe̱ se̱vbi e̱'e̱na, akha ko̱i Mosisi, emi se̱kpe̱ kwu'voi udu siain. 16 Sokpe̱n o̱ia kha deli e̱o yi O̱lo̱mo̱e̱nmai, o̱li emi la kwu voe̱o na s̱io̱vbo̱re. 17 Olomoenmai likhi Eti. Ebi Eti si Olomoemai ri, an'in li amienfan ri. 18 Mama eremen, bi khi ai'kwuemi voeo, mai mi okhai si Olomoenmai. Era'a remain moin ifiegbe'delegbe ovbi egbe s'okhai-redi-okhai, elabi si Olomoenmai lokien Eti.