¹ ಕ್ರೈಸ್ತವಿಶ್ವಸಿಲತಾ ನಲ್ಲ ನಡತೆ ಬೊದನೆ, ಅಧಿಪತಿಲಿಕೂ, ಅಧಿಕಾರಿಲಿಕೂ, ವಿಧೆಯರಯಿ ಇಕ್ಕಿರ್ದಿಂಡೂ, ನಲ್ಲ ಕಾರ್ಯಾಲ ಮುಂದುವರಸು, ಅದ್ದಿಸತ್ಕಾರ್ಯಲತ್ತೆಯಿ ಸೇಯಿರುಕು ಸಿದ್ದರಯಿ ಇಕ್ಕಿರ್ದಿಂಡೂ. ² ಎತ್ತುನೂ ದೂಷಸರಕನಿ, ನಿಂದಸರ್ಕನಿ ಕುತರ್ಕ ಸೇಯ್ಯದೆ ಅದ್ದಿ ಜನತ್ಗು ಪೂರ್ಣಸದ್ಗುಣಲಅಯಿಲಿಕಿ ನೆನಪು ಸೇಯ್ಯಿ. ³ ಯಂತ್ಗಿಂಡೆಕೆ ನಂಗಲುಸಹ ಮುನ್ನಿ ಅವಿವೆಕಿಗ್ಯ ಅವಿದೆಯಾರು ಮೋಸಸೇಯಿರಯ್ಯಲೂ, ನಾನ ವಿದವಾನ ದುರಾಶೆಯಿಂಡು, ಮತ್ತೆ ಅನೇಕ ಆಸೆಲಿಕಿ ದಾಸರಯಿ, ಕೊಟ್ಟಿತ್ಯ ಸೇಯಿತಾ ಹೊಟ್ಟೆಕಿಚ್ಚು ಸೆಂದುಗೊಂಡು ಕಲ್ತಾ ಕಳಿರಯ್ಯಲೂ, ಅಸಹ್ಯರಯಿ ಒಂಡ್ಕೋಂಡು ದ್ವೇಷ ಸೆಂದುಗರಯ್ಯ ಅಯಿಂದೋ. ಹೊಟ್ಟಿಕಿಚ್ಚುತ್ಕುರು ಜೀವಿಸ್ರಗ್ಯ ವಂಡಲ್ನ ವಂಡಲು ಹಗೆ ಸೈರಗ್ಯ ಆಯಿಂದೋ. ⁴ ಆನೇಕೆ ನಂಬುರ್ಕು ರಕ್ಷಕನಯಿಕ್ರಂತ ದೌರ್ತ ದಯೆ ಪ್ರೀತಿ ಮಣುಸುರುಕು ಪ್ರತ್ಯಕ್ಷ ಅನಪ್ಪೋದು. ⁵ ನಂಗ ಸೆಂದಿಕ್ಕಿರಂತ ಪುಣ್ಯಕಾರ್ಯಲಿಂಡಲ್ಲ ಪುನರ್ಜನ್ಮತ ಸೂಚುಸುರಂತ ದೀಕ್ಷಾಸ್ನಾನತ ಮೂಲಕವಯಿ, ಆತನು ತಟ ಕರುಣೆಯಿಂಡೆ ನಂಬುರನ ರಕ್ಷಣೆ ಸೆಂದಿದು. ^{7 6} ನಂಬುರು ನಂಬುರ್ಕು ರಕ್ಷಕನಯಿಕ್ಕ್ರ ಯೇಸುಕ್ರಿಸ್ತನ ಕೃಪೆಯಿಂಡು ನಿತಿವಂತರ್ಗಾ ಇಂಡು ನಿರ್ಣಯಾ ಪಡ್ಜುಗೊಂಡು ದವರ್ತ ರಾಜ್ಯತ್ಗು ಹೋಗುರುಕು ಹಕ್ಕು ಇಕ್ಕಿರಂತಯಗ್ಯ ಅಗ್ರುಕನಿ ದವ್ರು ಆತನ ಮೂಲಕ ಪವಿತ್ರತ್ಮನತ್ತೆಯಿ ನಂಬುರುಮೆನಿ ಹೆಚ್ಚಾಯಿ ಅನುಗ್ರಹಿಸಿದು . ⁸ ಇತ್ತ ನಂಬುಬೆಕಯಿಕ್ರಂತ ಒಕಯಿದು. ದವ್ರುಕೋರು ನಂಬಿಕೆ ಅಚ್ಚಿಕಿರಂತಯ ಸತ್ಕ್ರಿಯೇ ಸೈರತ್ಕೊರು ಜಾಗರುಕನಾಯಿ ಇಕ್ರಕಾನಿ ನೀನು ಈ ಅದ್ದಿ ಒಕತ್ತೆಯಿ ದೃಡವಾಯಿ ಸೊನ್ನುರ್ದು ಇಂಡು ಆಸೆಪಾಡಾರೆ. ಇದು ಮಣುಸುರುಕು ನಲದಯ್ಯಿನೂ ಪ್ರಯೋಜನತ್ಗು ವರಂತದು ಅಯಿದು. ⁹ ಆನೆಕೆ ಉಪಯೋಗ ಇಲ್ಲರಂತ ವಾದಲಿಂಡು, ವಂಶಾವಳಿಲಿಂಡು ಲಡಾಯಿಲಿಂಡು ದರ್ಮಶಾಸ್ತ್ರತ್ಗು ಸಂಬಂಧಪಟ್ಟಿಕ್ಕಿರಂತ ವಾದಲಿಂಡು ತೂರುಯಿ ಇರು, ಅ ಸಲ್ಗಪ್ರಯೋಜನತ್ಗುವರರಂತದು,ಪಟೇಡರಂತದು ಅಯಿದು. ¹⁰ ಸಬೇತ್ಕೊರು ಬೇದ ಪರಿಪ್ಕೀರ ಮಣುಸುನುಕು ಒಂಡು ಇಲ್ಲ ರಂಡುಕಡ್ತು ಬುದ್ದಿ ಸೋನ್ನಪ್ಪೋರು ಉಟ್ಟೋಡು. . ¹¹ ಅಂಥಯಿಗ್ಯ ಏಗಿ ತಪ್ಪಿಕ್ಕಿರಯಿಲೂ ಪಾಪತ ಸೇಯಿರಯಲೂ ಆಯಿದನು ,ಅಯಿಲತ್ತೆಯಿ ಅಯಿಲೆ ದಂಡನೆತ್ಗು ಗುರಿ ಸೆಂದುಗಾನು. ¹² ನಾನು ನಿಕೊಪೋಲಿಯತ್ಕೊರು ತಂಡಿದಿನ್ತ ಕಳಿರ್ದುಯಿಂಡು ತಿರ್ಮಾನ ಸೆಂದುಗೊಂಡಿರೆ ಅನಗಾಯಿ ಅರ್ತೆಮನನಾಗೊಟು, ತುಖಿಕನಾಗೊಟು, ನಿನ್ ಅಂಚ್ಗು ಅಂಪುನುತಕ್ಷಣ, ನನ್ನಂಚುಗು ನೀನು ವಾರ್ಕು ಪ್ರಯತ್ನಸೆಯಿ. ¹³ ನ್ಯಾಯಾಶಾಸ್ತ್ರೀಯಯಿಕರ ಜೇನನು ಅಪೋಲ್ಲೋಸನತ್ತೆಯಿ ಜಾಗ್ರತೆಯಿಂಡು ಅಂಪು; ಅಲ್ಕಿ ಎಂದು ಕೊರತ ಆಗುರ್ದಂಚು. ¹⁴ ನಂಬ್ರಯಗ್ಯ ನಲ್ಲ ಪನಿಲಾ ಸೆಂದು ಗೊಂಡು, ಬೆರೆಯಲತಾ ಕೊರತೆಲಾತ್ತೆಯಿ ತಿಲ್ಜುಗೊಂಡು ಸಹಾಯ ಸೇಯ್ಯಟೋನು ಪರೋಪಕಾರತ ಸೇಯ್ಯಿರತ್ತ ಕೆಚ್ಚುಗೊಂಡು ನಲ್ಲ ಜೀವನತ ಸೇಯ್ಯಿಟೋನು. ¹⁵ ನನ್ನಂಟಿ ಇಕ್ಕಿರಯಗ್ಯ ಅದ್ನಳು ನಿನ್ಕು ವಂದನೆ ಸೊಂನಕ್ನು. ನಂಬಿಕೆ ಇಕ್ಕಿರಂತಯ ಅಯ್ಯಿ, ನಂಬ್ರನತ್ತೆಯಿ ಪ್ರಿತುಸರಯಿಲಿಕಿ ವಂದನೆ ಸೋನ್ನು. ಕೃಪೆ ನಿಂಗ್ಲಆಂಟಿ ಇಕೊಟ್ಟು. ಆಮೇನ್.