1 Tagal awi jite, aku, uluh je imanjara awi Tuhan, manjuju iaku akan belum sapantar dengan pantehau je jadi narimam. 2 Dengan kakaren kalemu atei tuntang lamah lambut, tuntang kasabar, sasama mametun kapehe huang kasih, 3 Busaha kakuat biti bereng akan mahaga kahinjen Roh huang peteng damai sajahtera. 4 Baya tege ije biti tuntang ije Roh, sama kilau ikau intehau akan ije kaharap tuntang bara pantehau-muh, 5 Ije Tuhan, ije iman, tuntang ije baptisan, 6 Ije Hatala tuntang Bapa bara uras, je intu hunjun uras ah, nyuru uras ah, tuntang huang uras ah. 7 Tapi, akan itah kabuat-kabuat inenga anugerah sasuai dengan ukuran karunia Kristus. 8 Jite awie, inyewut," Katika Iye mandai kan eka je gantung, Iye manekap kakare uluh je inawan, tuntang manenga karunia akan kalunnen." 9 Katika inyewut," Iye mandai," bekenkah jite bararti Iye kea jadi muhun akan hila penda bumi?" 10 Iye, je muhun, Iye kea je jadi mandai labih gantung bara uras langit mangat Iye manguntep karekaren uras ah. 11 Iyelah je manenga, kakaren rasul, kakaren nabi, kakaren pangabar Injil, kakaren Sakatik, tuntang kakare pangajar, 12 akan malangkap kakaren uluh barsih huan kakaren gawi palayanan akan mampendeng biti Kristus, 13 Sampai itah uras mancapai kahinje iman tuntang pangatawan akan Anak Hatala, iyete kalunen bakas, tumun takaran tingkatan katumbu je sasuai dengan kakuntep Kristus. 14 Dengan kilau te, itah beken hindai kakaren anak je inampuh awi galumbang tuntang taimbit kan kakanih-kakate gawin kakaren riwut pangajaran, gawi tipu daya kalunen tuntang gawi kapintar bara tipu je licik. 15 Sebalik ah, mander kabujur huang kasih, itah akan tumbu huang kakaren hal akan Iye, je Iyelah takuluk, iyete Kristus. 16 Bara Iye uras biti tasusun tuntang imeteng hayak manjadi ije nyuru sukah uhat tulang. Aman masing-masing manguan taluh gawi kabuat, biti akan batumbu sampai mamangun arep ah kabuat huang kasih. 17 Awi te, aku hamauh tuntang manegas huang Tuhan, ela hindau ikau belum kilau kakaren uluh je dia parcaya, je belum dengan pamikiran je sia-sia. 18 Pangatawan ewen manjadi kaput tuntang tapisah bara pambelum Hatala awi kahumung je tege huang ewen je inyabab gawi katekang atei. 19 Angat ewen manjadi kadian tuntang ewen manyarah arep akan hawa nafsu akan mangagawi kare macam kapapa tuntang kasarakahan. 20 Tapi, beken dengan cara jite ikau balajar tentang Kristus. 21 Saumpama ikau puna jadi mahining tentang Iye tuntang iajar huang Iye, kanampi kabujur je teg huang Yesus, 22 Nganan kalunen je katahim je indinum bara cara pambelum-muh je tahi, je jadi irusak gawi hawa nafsu je mananjaru. 23 Pantaheta roh pikiran-muh. 24 Hapan kalunen je taheta, je inampa huang tampan Hatala huang kaadilan tuntang kabarasih je sajati. 25 Awi te, ddengan mangana kapalsuan, ayu tiap biti hamauh tentang kabujur akan sama arep-muh awi itah sama anggota bara ije biti. 26 Basingi bei tuntang ela manampa dosa. ela nalua matan andau belep huang kasingim. 27 Ela manenga kasampatan akan setan. 28 Uluh je jadi manakau, ela manakau hindai. labih bahalap amun iye gancang bagawi tuntang manggawi gawian je bahalap dengan lenge kabuat sahingga iye tempun taluh akan imbagi akan uluh beken je perlu. 29 Ela nalua kapander je papa balua bara nyamam, tapi baya kapander bahalap je mamangun uluh je mamerlu sahingga kapander-muh te manenga barkat akan ewen je mahining ah. 30 Ela mangacewa Roh Barasih Hatala, awi tagar Iye ikau imatrai akan andau panewusan. 31 Nganan kakaren macam kapait, kasingi, kasangit, kalahi, tuntang kapander je manuduh, kea uras kajahat, ingejau jite bara ikau. 32 Basikap lama, ije dengan je beken, nempun atei je lambut, tuntang saling ma'ampun, kilau Hatala huang Kristus kea ma'ampun ikau.