1 Akan alasan tuh ih, aku, Paulus, impanjara awi Yesus Kristus akan ikau, kakaren uluh je kafir, 2 ikau pasti jadi mahining tentang tugas panata rewar anugrah Hatala je inenga akang-kuh akan ikau, 3 bahawa dengan panyata'an, rahasia jite imander akang-kuh kilau je jadi inyurat-kuh sacara singkat sahindai ah. 4 Metuh mambasa jituh, ikau tau mamaham pamahaman-kuh manganai rahasian Kristus, 5 je dia inyanan akan uluh bara panarus je beken, tapi je wayah tuh inyata akan kare rasul tuntang kare nabi Ah je barasih tagal Roh Barasih. 6 Rahasia jite iyelah bahawa nyuru Injil kakaren uluh kafir manjadi sasama ahli waris, sasama anggota bara ije biti, tuntang hayak manduan bahagian bara janjin huang Yesus Kristus. 7 Aku manjadi rewar Injil sasuai dengan karunia bara anugrah Hatala, je inenga akang-kuh tumun gawin kuasa-Ah. 8 Akang-kuh, je paling hina huang kakaren uluh je barasih, anugrah jituh inenga akan mambarita akan kakaren uluh kafir katatau Kristus je dia tateser, 9 tuntang ma'imbit kalawa akan kagenep uluh tentang rahasian je tasahukan katahin ba'abat-abat huang Hatala, je manguan kakaren taluh. 10 Dengan jituh, nyuru jamaat, habagi hikmat Hatala metuh tuh imander akan kare pemerintah tuntang panguasa hung eka surgawi. 11 Jituh sasuai dengan rancana katatahi je inyata huang Yesus Kristus, Tuhan itah, 12 je huang Iye, itah mandinu kahanyi tuntang jalan tame akan Hatala dengan yakin awi kasatiaan Kristus. 13 Awi te, aku balaku dengam mangat ela putus asa manampayah kapehe je aku ingkeme-kuh baya akam. Kapehe te iyelah kamulia'an-muh. 14 Akan alasan jituh, marunduk intu taharep Bapa. 15 Bara Iye, kagenep kaluarga intu sorga tuntang intu bumi manarima ara. 16 Aku badoa mangat sasuai dengan katatau kamulian-Ah, Iye ingilak mangarunia akam kakuatan intu huang bentuk atei-muh, dengan kuasa nyuru Roh-Ah, 17 sahingga Kristus ingilak melai intu huang atei-muh nyuru iman sahingga ikau bauhat tuntang baupun huang asi, 18 tuntang mangat ikau hayak dengan uras uluh barasih tau mamaham kilen ampi kalumbah, tuntang kapanjang, tuntang kagantung, tuntang kahandalem asi Kristus. 19 Dengan jituh, ikau tau mangasene asi Kristus je malampau kapaham sahingga ikau inguntep dengan uras kakuntep Hatala. 20 Akan Iye, je sanggup manggawi kejau labih malimpah bara uras itah laku atawa je imikir, sasuai dengan kuasa je bagawi huang itah. 21 Akan Iye kamuliaan huan jamaat tuntang huang Yesus Kristus akan saluruh katurunan sampai katatahi. Amin.