¹ Ituhuyahi niho sing ojo ongida sing isiarahini nabayayangi niho lati hula inefite nahang nihihuhumahino nihigemita huja ongidari, ² ongida obe otujuni lobo, ongida narisa obe, ikie lati hilihe obwoniterete nihoiha hosing, ongida itelehini nariajan hosing nehoi hosing niho lati fad. ³ Ohira fe ijie to nakwanite hojie alati hula obe ohitiyira cebu obe ohibayang. Ohibwon fa jie niger nihongete cebu ohitwongo ahatwarak to niwahiti huja olwaji. Ohimanya fe jie tanarohoji cebu to nahaini. Ohidayari fa ijie cebu ohiliwa nikwanite hojie. ⁴ Nyuo hati nofa naleyo nariajan ho nakwama ho Najyok lahitalahani hojie, niho lati, ⁵ italahu fa ngete ijie to nahilalariso ho yisiniso nangejuk cebu nahitelengujuhuniso to Nolohailong-Na Onyila, obu tanahigiama na ahigem ijie to nangidari, nyuo hati to namehino. ⁶ Nayjok ijuhohi ngete nihojie Nolohailong Na-Onyila hara niho Yesu kristo lahitalahani ⁷ ojo ongida, nomo nahitinyilaji to namehino hongete, ahifwonu jie rahan ahalunyok ho hiruk ho hisu. ⁸ Orahi hunya hiramati ongidari. Awak ne ite itianyati to nagolon to hunya reji, ongida hule ati hula okwame Najyok ihwanahini nahigigilita hosing nihigemita huja ihwanahi ngete nihatemeni hosing. Ongidari huja reji niho lati fad. ⁹ Nyuo hati idahisi narisita huja orohoji cebu nolomanite nahigogworita hana ngalasu to nechihita. Huja reji orohoji cebu obe nangidari hosing. ¹⁰ Idayasi lati hula iyenite napiaha nihiji hote, nomo neriangatate nahirengita abito kuya harik ¹¹ tojianata ojo la twani ebielo tehoi na ongida ho nahipapala ho nahiyino nangoto nikwan hongete. ¹² Nasula ne Artema kuya Tichiku nihote, toruhunete niho ne idia Nikopoli, namaji na anyumu ne nihtwengere ta nafurat. ¹³ Toruhunete isulusu Sena, la ojien nechihita, ho Apollo, ho nareji fad huja owahi sing. ¹⁴ Ongida lati hojie ohijieni bwanan angida nehigemita huja ongidari na iyeno nawahan ongida ba sing obu ongiji. ¹⁵ Sing hula obwoni ho ne fad ohihate ite. Ihatahisi hula okwame ijie tonahiruk. Ikie nangidari ho Najyok obwon nihote fad.Amen