¹ Nyuo hati ite, totianyati netenyita huja ongidari niho nahitejiana. ² Ikie laragang obwoni ho nariajan, ojieni higigili, hono hosi huja owati, nangida nihiruk, nikwama, cebu nidihan. ³ Ongida nahitwaha isieri nakwanite hosing tihitik to nabayangi, ikie obu orahi ahamwangak. Ongida sing itiringe imatito nabalu. Ongida sing itejiane nasinge na ongida ⁴ ongida sing itejieni nangorwo huja homutari nihigigilere angida, itotose sing nikwamari laliawa hosing ho lemusak hosing, itwenge huja owati nohosi, ⁵ onyilaji, cebu orahi ahatunak ho hahayi, Ongida sing obayangi habiehin ho sing ongida nahiram ho Najyok obu ipalari. ⁶ Tanya hoi, iramahisi lahudanga ongida obwani ho nehigilita huja ongidari . ⁷ Niho hunya reji fad itetelehi nakwan hoji ahegiamani la ongida; lomo netejiana ji, itetelehi namanya na onyila, na ongida cebu netenyita huja irebiji. ⁸ Totianye netenyita huja obu otum inyahati, nyuo hati huja otum iyene nariri niho latwani lomo nawak ngete itirisa iji, tananyuo obe ibwo nasinge noroho nihojie. ⁹ Lapiti ongida iruhi lahitegiamak hosing nireji fad. Ongida sing igiame angida obu cebu itirise sing ¹⁰ Ongida sing obu ohoholise, nyuo hati ongida sing itelehini nahiruk na ongida, ongida sing ba itarahi nahitejiana hojie niho Najyok lahetalahani hojie nihoiha fad. ¹¹ Totialata, nangidari ho Najyok na otum iyeno nahitalahino niho lati fad,ehuhumahini, ¹² Ohitejien ijie nihidayariso nareji huja orohoji ho nawahiti ho nifok ojo ongida ohimanya ahula ohigigilo angida,to napitan cebu to nabayangi Najyok niho hunya ingaji. ¹³ Nyuo hati ijie ohitiala nihatemeni nihitilasere najwaha nonyila, neleyejiere ho kwatan ho Najyok cebu lahitalahani Yesu kristo. ¹⁴ Isiarahi Yesu nakwan ho ngete nihojie ojo ngete odum nahinyangi nihitalahiner ijie tohitwongo obengi ichihita cebu nihihwanahinere nakwan hongete ana onyila, nareji huja otunahini niho lati hula owahi igiama nareji huja ongidari. ¹⁵ Totianya to hunya reji, cebu iriange tanagolon. Ikie lobo latwani lobalatwani obu ohinyara iji.