1 Ani ngidari Yahud obwoni? Nanyuo nangidari ho hohiruk? 2 Obolo ngete niho hoiha fad.To lohichaha, Isieri fa niho Yahud to nahitetelehiso niho Najyok. 3 Nanyuo fa habwon hara obwoni hilihe niho Yahud obe nahiruk? Hatum nabiangan hosing isiarahiso nahiruk ho Najyok orohojaya? 4 Ha be. Ilany, ikie Najyok ohorino latarihe, dobu hara latwani ahagesemeni.To ho gierehinerete, "Ohitelehini hadi iji ahangidarani to natianya hoji, ongida iwasihi nomo nelotu ji nilongotere." 5 Nyuo hati netelehi narohoji hojie nangidari ho Najyok, nanyuo jie ohijo? Obu Najyok ongida nomo nasulu ngete narohoji, otir?Atianya ne to negigilita ho tuani. 6 Ikie obu ora to hoja! Tatali hati hadi Najyok ongot nafok? 7 Nyuo hati nesiarahi nagesemi ho ne nahitokwata na obolo niho Najyok, nanyuo hati lisiarahi ne ohitarahi ahepalani? 8 Nanyuo obe ojimi, to ho ohiduobi ijie naharus nijiman, cebu to ho iruhi hilihe ojo, "Ehwanati nareji huja orohoji, ongida nangidari olotu." Obwon nangoto nihosing na ongida. 9 Nanyuo hati?Ohigeliniso hati jie nakwanite hojie? Obe. Ahitwom ijie Jew ho Grik,sing fad to nabwanan nepalita. 10 To ho igierehinerete: "Obe lobo la ongida, odobu abito. 11 Obe lobo la ojien. Obe lobo la otahito Najyok. Ebielere sing. 12 Obwoni sing ahula orohoji. Obe lobo la igiama na ongida, dobu abito. 13 Itwenge nolodileti hosing ahosiereji huja owati. Itonononge nangadiefo hosing. Obwon nahiyeri ningadiefo hosing. 14 Ifuti nahutuhe hosing ahipita ho nadaran. 15 Ifeji nehejiaha hosing nihijuhere nohoto. 16 Nahipapala ho nahitegiama obwon nihoiha hosing. 17 Lohobu hule ati ojieni nahoi ho yomo. 18 Obe nabayangi ho Najyok to honyehite hosing." 19 Tahanya ahijien ijie ojo, nasinge na otianya nachihita, otianya niho latwani la obwon nichihita. ongida nahutuk ho twani ikianahino, ongida nafok fad olotu itaranga niho Najyok. 20 Nyuo obe hadi olahahine nakwan to nahigiama he chihita nihonyehite ho ngete. To nechihita olotu najienan hepalita. 21 Nyuo hati nahitwongo nebe ichihita iteleni nangidarita ho Najyok. Iramahini fa nichihita ho niho laheramahitak ho hiramita, ngete, 22 nangidari ho Najyok to nahiruk niho Yesu Kristo niho hula fad iruhi. Obe nolofwojiere. 23 Epalari sing fad cebu idahini nakwatan ho Najyok. 24 Alahani sing naharus to nalwaha na obwon niho Yesu Kristo. 25 Isiarahi Najyok Yesu Kristo ehehuhumi niho nahiruk nihoto ho ngete. Isiarahi ngete Kristo nihitelehinere nangidari ho ngete, to nahidayariso ho ngete huno fa hipalita ho berien 26 niriajan ho ngete. Idwong anya fad nihetetehinere nangidari ho ngete nohonolongi hobaya. Ora fa to hoja ojo ongida ngete iramahi nakwan ho ngete ahariajani, cebu itelehi najiman alahehi ngete latwani to nahiruk ho ngete niho Yesu Kristo. 27 Aji hati napufa?Eduhari.Tani hoi?To nahigiama? Obu, nyuo hati to nahiruk. 28 Ohituchungohi jie najiman ojo olahahini latuani to nahiruk nebe higiama hechihita. 29 Kuya ora Najyok Ajyok ho Yahud hama?Obe cebu ngete ora Ajyok ho Paganoji?Ee, noho paganoji cebu. 30 Nara Najyok abito tarihe, olahahini hadi lati hula iruhi to nahiruk hosing, cebu lati hula obu iruhi to nahiruk. 31 Ohigil hati jie nechihita to nahiruk?Ikie obu ora to hoja! Ati ohinef ijie nechihita.