¹ Ahiramahi ne iji to Foebe hinisi hojie,na ora ahigiamani hekelesia na obwon Senchrea, ² ongida iji ifwotu ngete niho Hobu. Ihwana anya to nehoi na ongida niho leheruhok, cebu tobotie to ngete niho nareji fad huja owak ngete nihoji. Ngete to nakwan ho ngete alotu ngete rahan ahalwahini ho lati hula olwaji cebu to ne. ³ Ihatahi Prisca cebu Akwilla, haletok ho ne lahegiamak niho Yesu Kristo, ⁴ hula ibalahini nahisu hosing to ne. Ajo ne awa nihosing, cebu obu lora ne hama, nyuo hati cebu nakelesiaji fad noho paganoji. ⁵ Ihatahi nakelesia na obwon nihaji hosing. Ihatahi Epaenetus hilasi hone, la ora alochifit heruhoni niho Kristo to Asia. ⁶ Ihatahi Maria, negem bebe nihoji. ⁷ Ihatahi Androniku cebu Yunia, lemusak ho ne, cebu haletok ho ne lahatwarak. Orahi sing ahagolok nihiji ho lahetejianak, hulo fa obwoni niho Kristo ne habe. ⁸ Ihatahi Ampilatus, hilasi hone niho Hobu. ⁹ Ihatahi Urbano, heleteni hojie lahegiamani niho Kristo, cebu Stachi helasi hone. ¹⁰ Ihatahi Apelle la iruk Kristo. Ihatahi hula ituenge nihang ho Aristobulus. ¹¹ Ihatahi Herodion,lahito ho ne.; Ihatahi hula itwenge nahang ho Narkissus, hula obwoni niho Lohobu. ¹² Ihatahi Triposa, la igiama bebe niho Lohobu. Ihatahi Persis la akwama ne, la igiama bebe niho Lohobu. ¹³ Ihatahi Rufo, la onyumu Lohobu cebu hotenge cebu iyang ho ne. ¹⁴ Ihatahi Asinkritu, Phlegon,Hermes, Patroba, Herma, cebu hilasira hula obwoni hosing. ¹⁵ Ihatahi Philologa, cebu Julia, Nereu cebu hinasi ho ngete, cebu Olimpa, cebu nahiruhok fad. ¹⁶ Ihatahisi lati abito abito to najura na onyila. Nakelesiaji fad noho Kristo. ¹⁷ Elelia ne nihote hilasire,igigilete to lati hula iyene nahihohuara ho nahititihito. Afwe sing bebe nilanyi nahitejienita huja ohihorihi ijie. Ibielinete to da hosing. ¹⁸ Lati to ho hula obu igiama niho Kristo Lohobu hojie, ati to nohotwasi hosing.To natianya hosing na onyila cebu nagesemi, etononongi sing lati hula obu ojieni. ¹⁹ Nariajan hote esiahita niho lati fad. Akwamane, inaha, nihote, nyuo hati awak ne ite ele ferojoto ojo to nangidari cebu ituengete na ibe ijianata ibuo natianya na orohojaya. ²⁰ Anyiha Najyok ho yomo ariehi lahetononongani nifopk nihejiaha ho ²¹ Timateo, ha leteni ho ne lahigiamani, ohihata ite cebu Lucia, Yason, cebu Sosipater, lahejifiteni ho ne. ²² Ne,Tertius, la egierehi r anya iwaraga nihote, ahihata ne ite to Lohobu. ²³ Gaiu monye hohang na etaserene cebu niho nakelesaia fad,ohihate iji. Erastus, lahatunani ho robia noho hang nahitwahaji, ohihate ite, ho Kwartu hilasi. ^{24 25} Tahanya niho ngete la isiarahi ite ibotiati to nefanjelio ho ne cebu nahitotosita ho Yesu Kristo, to nahiramahiso ho duaran nofa idimahini many fa berien, ²⁶ nyuo hati tahanya eramahini itetelihini to nahiramahita ho buk to ho iramahinere Najyok na osio jik, to nabayangi ho hiruk niho paganoji fad. ²⁷ Niho Najyok la ilefere hama, hara niho Yesu Kristo, obwon nakwatan jik. Amen.