¹ Nihalu hanya atelu ne ajeloji ongon obotie nimaguri ho fok ongon huja, huja onefite rod rod nilobwangi ho nifok ongon ojo ongida nolomwangi obe ohuta, nitodo ho hari, kuya na orohojaya niho nakiana. ² Ne hona teliniso anjilo lobo alotu tolotulunere hoholong, ngete lo fa obwonitere nahipidi ho Najyok na isu. Ngete hona yio tona kwatan niho anjeloji hulofa isiarahini nololong nehepalajiere ³ ho fok hona si. kuya ce bu nakiana many ihimuhohi ijie pidpid nohomomite holahegiamak ho Jyok hojie.'' ⁴ Etiyir ne nalohoi hehule fa obubrahini: nalif namiya abito ho nehejek ongon ho ngon (144,000), hulo fa obuburi niho nemaniti ho Isarayil: ⁵ nalif tomon ho harik (12,000) to emanit ho Yuda fa obuburi, nalif tomon ho harik (12,000) temanit ho Reuben, nalif tomon ho harik (12,000) temanit ho Gad. ⁶ nalif tomon ho harik (12,000) temanit ho Asher, nalif tomon ho harik (12,000) temanit ho Nafatali, nalif tomon ho harik (12,000) temanit ho Manasseh. ⁷ nalif tomon ho harik (12,000) temanit ho Simone, nalif tomon ho harik (12,000) temanit ho Lefi, nalif tomon ho harik (12,000) temanit ho Isaachar, ⁸ nalif tomon ho harik (12,000) temanit ho Sebulun, nalif tomon ho harik (12,000) temanit ho Yosefo, cebu nalif tomon ho harik (12,000) temanit ho Benjamin fa abuburi. ⁹ Nihalu ho hunya reji ne ho nanatialan, obwon fa nalohoi na obe latwani otum ikenu-many tofohi fohi fad, nimaniti, lati, honetenyita-huja obotie nihatemeni ho lohitwengere ho Lohobu cebu nihatemeni ho labore. Ijiefite fa sing natolbongoji huja opwori cebu ibungute nolokakayaji nihes hosing, ¹⁰ cebu sing fa ongelese to loke to namurut na okwat: Obwon nahitalahino niho Najyok hojie la itwongo niseger ho Lohobu cebu niho Labore!'' ¹¹ Obotie fa anjiloji fad ningati ho seger ho hobu ce bu ningati ho lohitwaha ho na nareji ongon huja isuji, cebu sing ho na narogomi nifok hoce bu ho nahihwanahiso nohomomite hosing nifok nihatemeni ho seger ho Lohobu, cebu sing ho namojo Najyok, ¹² jiman, ''Amen! Itokwatati, nakwatan, nolofero, nabayangi, nahifirang, ho nagolon ongida obwon niho Najyok hojie jik many jik! Amen!'' ¹³ Tiye lobo lolohitwahaji ho nahifi ne, ''Obongai hule, lijiefite natolbongoji huja opwori, o tai sing dwo ofwoni? ¹⁴ Ne ho najiman niho ngete, ''Lolohitwahaji, ijien ji,'' ngete ho najiman niho ne, ''Sing hule hula ofwoni to niama na obolo bebe. Sing ho na hilalariso natolbongoji hosing ho na hihuhumahiso sing huja opwori nihoto ho Labore. ¹⁵ Niho anya hiram, sing ho nabwanan nihatemeni hoseger ho Najyok, cebu sing ho namojo ngete tonoholong ho to nahrie nitempolu hongete. Ngete la itwongo ni seger ho Lohobu etasarahi nahayi niho sing. ¹⁶ Obu hadi sing iluhureji hari, kuya ba onya nahifiriyong sing hari. Obu hadi noholong oding sing tofok, kuya ibwo nanwahan. ¹⁷ Niho Labore la obwon nihiji hoseger ho Lohobu ora hadi ahejwahani hosing, cebu iyaru sing toho nihari ho hisu, ifufusoyo hadi Najyok nahiyok tohonyiehite hosing.''