² Ati lofa natelini lati ho Farise, sing ho najiman niho Yesu, "Totiale, igiame lolohejehi hoji nasinge na obu ongida niholong hetaleji." ³ Yesu ho najiman niho sing, "Hobe te ikianata nanyuo Davide ihon, lofa nanyasu nahure ngete lati hulo fa obwoni hongete? ⁴ Tatali fa ngete olo nihaji ho Najyok ho na nyasu nangirang na iyalahini, nahigiama na obu ongida niho lati hulo fa obwoni hongete nyuo hati ongida niho lapadiri? ⁵ Ho bete ikianata nichihita ojo niholong Hetaleji igiama lapadiriji nareji huja igiemite sing niholongi fad sing obe obwoni hebwo nepal? ⁶ Nyuo hati ajo ne nihote latwani la obolo ilany netempulo ale iji. ⁷ Nejianatate nanyuo anya itelehi, 'Awak ne namehino obu neyalita; habu te ingototo lati hula obe ipalari. ⁸ Ora Lahito ho Najyok Ahobu ho Italeji." ⁹ Yesu ho naloten tiye to ho nilomojere hosing. ¹⁰ Lobo latuani oyohojoyo niheni ho naleyaji. Lati ho Farise ho nahi fasu Yesu ojo, "Otum ongida nihitingidarari la hadiahani Tetaleji?" Owahi fa sing itwobo Yesu ahebalani. ¹¹ Yesu ho najiman nihosing, "Ngai lobo tohiji hote la obwon ho nihoriangi nyuo hati abito ihoriang ohuyo niwure Tetaleji ngete idahi obe ipihu niger? ¹² Baya nangidari ho twani ilany nehoriang! Inaha, ongida nihigiamari Tetaleji." ¹³ Yesu ho najiman niheletwani, "Itipitahi nehene hoji. "Ngete ho nahitipitahiso, nehene ho ngete ho nangidari okialare habito. ¹⁴ Lati ho Farise ho nafoten niger imwanga ngete. Otahite fa sing nehoi nihifadajiere Yesu. ¹⁵ Nofa najien Yesu, ngete ho nahigad tiye. Lati lalohoi ho nahijifaru ngete, ngete ho nahitingidar sing fad. ¹⁶ Iramahi ngete sing ongida lati helihe obe ojieni namaji hongete, ¹⁷ ongida olotu rahan tarihe to ho nofa otianyariti niho Isaya laheramahitani ho hiramita, ojo, ¹⁸ "Totiala, lahegiamani ho ne la anyumu ne; la akwama ne,niho ngete okwama nolohailong ho ne. Ehwanahi hadi ne nolohailong ho ne niho ngete, ngete hadi ho nahiramahiso na ngoto ho hiramita niho paganoji. ¹⁹ obu hadi ngete ibubunyuta kuya oyo na okwat; kuya otum lobo latwani itiyir namurut hongete nihoiha. ²⁰ Obu hadi ngete owony ibwo nahafore; obu hadi ngete itoboj nafuro ho taba, many osulahi ngete nangoto nihiyalajiere. ²¹ Obwoni hadi paganoji ho nagolon nifure hongete." ²² Iyene fa niho Yesu lobo latwani la ongodo cebu iningo, la odiha ho namininga. Ngete ho nahitingidar, ele twani ho natianya cebu otiala. ²³ Lati fad ho nabayangi ojo, "Obe ale tuani ora eha Davide?" ²⁴ Nofa netiyir lati ho Farise nadwaran ho Yesu, sing ho najiman, " Obu ale twani orohorita namininga Mayak to Beelsebub lahito ho mininga. " ²⁵ Ati ajien fa Yesu negigilita hosing ho najiman nihosing, "Nahang na obwon nahihohwara da isaraya, nahaji na obwon nahihohwara da obu obotia. ²⁶ Narohoyo lohesuswani lohesusuani, ihohwara ngete nakwan ho ngete. ²⁷ Tatali ba nahang ho ngete obotie? Narohorita ne namininga to Beelsebul, to ngai lehejifitok hote orohorite sing niger? Tanya tianya, orahi hadi sing ahangotong hote. ²⁸ Torohorita ne namininga to Nolohailong ho Najyok, itelehi ojo angirehi nabolori ho Najyok nihote. ²⁹ Tatali lobo latwani hatum iruhi nihaji ho twani la ogol ho lahohwalaro nareji ho ngete obe hati ichak twaran monye ho haji berien? Ngete hati ho nahoholiso nareji to hotwa ho haji. ³⁰ Latwani la obu ohibwon ho ne oliwa niho ne cebu latwani la obu ohitutufa ho ne itasarahita. ³¹ Inaha, ajo ne nihote, nepalita ho nemorita olahahine hadi, nyuo hati, namoro nolohailong obe hadi olahahine. Latwani la otianya na orohojaya to lahito ho Najyok, olahahine hadi. ³² Latwani la otianya Nolohailon Na-Onyila na orohojaya obu hadi olahahini nihanya fok kuya nihene olotiniso. ³³ Kuya ihuhuma nakiani na ongida cebu na hanger ho ngete huja ongidari, kuya ihuhumu nakiani na oroho cebu na hanger hote huja orohoji. ³⁴ Ite lemusak ho hiriahu, ite hula itwengete ahorohojak tatalite hetianyati netenyita huja ongidari? Otenyu nahutuk nahiram na igigilu na taji. ³⁵ latwani la oigigilo nitaji ho ngete huja ongidari otenyu nahiramita huja ongidari, latwani la orohojaya otenyu niger netenyita huja otunahi ngete nihotwa ho huja orohoji. ³⁶ Ihiramahi ne ite ojo niholong ho ngoto iramahini hadi lati netenyita hosing huja obu ongidari fad. ³⁷ Ohilahini hadi ite to netenyita hote, ohitwarahini hadi ite to ne tenyita hote." ³⁸ Hilihe lahengierok ho lati ho Farise ho nafwoniso ho nahitarang Yesu ojo, "Lahetejianani, ohiwak ijie tialan nagolita nihoji." ³⁹ Nyuo hati itarang Yesu nihosing ojo, "Laharohojak ho lahagetitere ho ngorwo ho lati owahi nagolon. Ati obu itelihini naduaran nihosing mayak nadwaran nofa idwong niho Yona laheramahitani ho hiramita. ⁴⁰ Toho nofa itwengere Yona niho twa ho haiyem niholongi hutik ho naharieji hutik niho twa ho haiyem, itwong hadi cebu iha Najyok niholongi hutik ho naharieji hutik nifok. ⁴¹ Obotia hadi laliawa ho Ninefe niholong ho ngoto ho hiramita ho lati otwarahi hadi ngete. Iwahari sing niholong ho hitotoso ho Yona, ho natialan latwani la obolo ilany Yona. ⁴² Odetino hadi nohobu niholong ho ngoto ho hiramita ho hula ti ho na ngoton nahiramita hosing. Olotu ngete to lohichungi ho fok nihitiyirari nolofero ho Solomone, lobo latwani la obolo ilany Solomone ale inyi. ⁴³ Lofa nalo nolohailong na ibot niger heletwani ho naloten hari nimaji na obe nahari nitahitere nolowiriasere nyou hati obe ohorihi. ⁴⁴ Ngete ho najiman, "Ayitoyo ba ne nihaji ho ne lofa maji alotinere ne.' Lofa nayitu ngete, ohorihi nahaji netinyilaji ho nahihuhumahiso angida. ⁴⁵ Ngete ho naloten hiyaru hilihe metaharik hula orohoji ilanyi ngete sing ho nafuoniso himanya harabito da. Nahitwongo hilerok ho nahipalaru ilany nofa oberien. Okialare hadi to ho ene niho hula ati." ⁴⁶ Lofa hotianya Yesu niho lati, hotenge ho hilasira ho ngete ho nafwoniso ho nabotia niger owahi fa sing itianya ho Yesu. ⁴⁷ Lobo latwani ho najiman niho ngete, "Totiale,iyang hoji ho hilasirak hoji obwoni niger owahi itianya hoji." ⁴⁸ Itarang Yesu ngete ojo, "Ngai iyang ho ne?Obo ngai hilasira ho ne?" ⁴⁹ Ngete ho naruehiso nehene ho ngete niho lolohejehi ho ngete ho najiman, "Totialati, iyang ho ne ho hilasira ho ne hule inyi! ⁵⁰ Latwani la igiama nawahan ho monye ho ne la obwon nihide, ora ngete ahilasi ho ne ho hinasi ho ne,ce bu iyang ho ne."