¹ Nabuk na itelehi no lodetinere ho Yesu Kristo iha Davide iha Abramo. ² Oyisu Abramo Isako, Isako oyisu Yakobo, Yakobo oyisu Yudeya ho hilasira, ³ Yudeya oyisu Perese ho Sera oyisu niho Tamara, Perese oyisu Hesrone, Hesron oyisu Rama. ⁴ Rama oyisu Amminadaba, Amminadaba oyisu Nashon, Nashon oyisu Salome. ⁵ Solame oyisu Boase hotenge Rahaba, Boase oyisu Obed niho Ruth, Obed oyisu Yesse, ⁶ Yesse oyisu Davide lohobu. Davide oyisu Solomone niho nguru Huriya. ⁷ Solomone oyisu Rehoboame monye Abija, Abija oyisu Asa. ⁸ Asa oyisu Yehosafat monye ho Jorame, Yorame oyisu Wusia. ⁹ Wussia oyisu Jotom, Jotom alotu yisiniso Ahas, Ahas oyisu Hesekiya. ¹⁰ Hesekiya oyisu Mannase monye ho Amone, Amone oyisu Yosiya. ¹¹ Yosiya oyisu Yekoniya ho hilisira laholong inyahinerete sing to ho Babilonia. ¹² Nofa natuhohino nahinyahito hosing to Babilonia, Yekoniya alotu iyisiniso Shealtiel, ora fa Shealtiel afafai ho Serubbabele. Serubbabele ¹³ oyisu Abiude, Abiude Eliakiam, Eliakim oyisu Asoru. ¹⁴ Azoru alotu yisiniso Sadoko, Sadoko oyisu Achim, Achim oyisu Eliude. ¹⁵ Eliude oyisu Eleasar, Eleasar oyisu Matan, Matan oyisu Yakobo. ¹⁶ Yakobo oyisu Yosefo habila Maria iyang ho Yesu Kristo. ¹⁷ Ochif niho Abramo many niho Davide orahi nafafairok tomon-hongon, olotu niho Davide many niholong nofa inyahajierete sing to ho Babilonia, orahi nafafairok tomon-hongon, olotu nilohitebiatinere ho sing many nilo yisere ho Yesu Kristo, orahi tomon-hongon. ¹⁸ Olotu fa nayisiniso ho Yesu Kristo tanya ihoi. Itarama fa Yosefo Maria, hobe sing iriamahine nakwanite hosing, ohorihi ngete nebwoho to Nolohailong na Onyila. ¹⁹ Habila na ngete Yosefo ora fa ahangidarani, obu fa ngete owak isiarahiso nariri niho nguru nangete nihiji ho lati. Ngete ho nahitoboj nahitarama Maria nolohininge. ²⁰ Nofa nehuyasu ngete, lolohejek ho Hobu ho na lotiniso niho ngete nimininga ojo,"Yosefo, iha Davide, hebayang nahiyaru Maria anguru iji, nyuo ohorihi ngete nahimwohoji hote to nolohailong Na-Onyila. ²¹ Oyisu hadi ngete lahito, itanyahisi hadi ngete Yesu, olotu hadi ngete hitalahiniso lati te palita hosing." ²² Idwongi hunya reji fad nihiramahinere hunofa hiramita iramahi Lohobu niho Laheramahitani ho hiramata ojo, ²³ "Imwoho hadi nahito nahobe otir, oyisu lahito, ongelese hadi ngete Immanuele" na itelehi ojo, obwon Najyok hojie." ²⁴ Yosefo ho nadetino tojo ho nahihon to ho iramahi anjilo ho Lohobu ho nahiyaru Maria anguru nangete. ²⁵ Itwenge fa na obwo iramahini many oyiso ngete. Ngete ho nahitanyahiso Yesu.