1 Nihalu ho holongi hutik, abwon fa nahi nyiamito hoyiama da nihang ho kana na obwon Galileya, cebu hoto Yesu obwon fa da. 2 Ongeleni fa Yesu ho lolohejehi ho ngete niloyamari. 3 Lo fa natuhohino nabalu , iyang ho Yesu ho najiman niho ngete, "Atuhohino nabalu." 4 Yesu ho nahitarang, "Ngorite, nanyuo ha na hatum ihon niho ne? Hobe noholong ho ne olotu." 5 Iyang hongete ho najiman niho lahigiamak, "Ihwanata na singe na ojo ngete nihote." 6 Obwoni fa namotwongo ho hari ile huja igiamariti nihilalajiere nepalita ho lati ho Yahud, huja obwoniterete harik ho hutik nahadori. 7 Yesu ho najiman niho sing, "Itufutahisi namotiongo ho hari to nahari." Sing ho nahitufutahiso lemee. 8 Tiye ngete ho nahiramahiso lahigiamak, "Iduhasi hinihe niger cebu iyariti sing niho lohouti ho lahatirok." Sing ho nahihon. 9 Lohouti ho lahatirok ho nahimang nahari lo fa alotu rahan abalu, nyuo hati obu fa ngete ojien namaji nolotinere (nyuo hati lahegiamak hula oyohine nahri ojieni fa).To da ngete ho nangialan layamani 10 ho najiman niho ngete, "Ihwanahini lati nabalu na ongida ho na oroho lobo narume lati. Nyuo hati te etunahisi nabalu na ongida bebe ho tahanya." 12 Nihalu ho anya olo ngete Kapernaume, ngete, ho hotenge, hilasira, ho lolohejehi ho ngete, ho nafwoten niwor ho nahitwongo da hinihe noholongi kai. 13 Anyiha fa noholong ho nyasu ho lati ho Yahud, Yesu ho Isarail ni ho lati ho naloten many Yerusalem. 14 Ngete ho nahorihiso nitifine lati hula itenyiange laharemok ho husuk ho nehoriangi cebu neringeho. Lahitotobok ho robia itwonge cebu da. 15 Ngete ho nahihuhum na karoti na Ogol ho narohoriso sing fad totifine, nehoriangi ho laharemok ho husuk. Ngete ho na hijuhoriso narobia ho lahegairak ho robia cebu ibibiro nahitanaji hosing. 16 Niho lahetenyangak heringeho, ngete ho na jiman, "Iyariti hunya reji tinyi. Itobwajata nahihwanahiso nahaji ho Monye ho ne amaji ho lohitenyiangari." 17 Lolohejehi hongete ho nahihuyaniso ojo igierehini fa, "Nahifirang ho haji hoji ohituk hadi ne." 18 Toda nolohitwaha ho Yahud ho nahigaminiso, jiman niho ngete, "Ani leyeji otum iji itelehi niho jie tanahihwana hoji hunya reji?" 19 Yesu ho nahitarangahiso, "Itetiangasi anya tifini, niho noholongi hutik etedetu ba ne ngete nihide." 20 Tiye lolohitwaha ho lati Yahud ho na jiman, "Iyaru fa nangasi nehejek ongon heyile nihifahari anya haji nimojit , iji ijo itedetu be ji ngete to noholongi hutik?" 21 Nyuo hati, otianya fa ngete tanahaji holo mojere ho kwan ho ngete. 22 Lo fa netubuhuni ngete to yeyi, lolohejehi ho ngete ho nahihuyaniso ojo otianya fa ngete anya, sing ho nahiruhohiso nibuk ho Najyok ho anya tianya lo fa oteny Yesu. 23 Lo fa nabwon ngete Yerusalem niho nanyasu hebune na obengi nabula, niho niholong ho nyahino, nalohoi ho nahiruk nifure ho ngete, no fa natelini sing nadwarita huja ihon ihon ngete plwaji. 24 Nyuo hati obu fa Yesu iyianahi to nakwan hongete tananyuo ojien fa ngete lati fad, 25 cebu obu fa ngete owak lobo latwani iramahi ibwo nahiram to lati. Ngete to nakwan hongete ojien nanyuo fa lobwon niho lati.