¹ Tolochifot obwon fa natianya, cebu natianya obwon ho Najyok, o natianya ora fa Ajyok. ² Niho anya atianya, obwon fa nilochifot ho Najyok. ³ Nareji fa fad ihuhumuni tongete, harobe ngete fa habe fa ibwo nasinge abito ihuhumuno toho hunya ehuhumune. ⁴ Niho ngete obwon fa nahisu, ene nihisu fa ora fa afangan fad noho lati. ⁵ Owulo nafangan nidimele, cebuobu fa nedimele ituduny ngete. ⁶ Obwon fa lobo latwani lofa osuluni niho Najyok, nafure hongete Yuwana. ⁷ Olotu ngete atwani la olotu hitetelehiso nahiram ho fangan, ojo ongida sing fad iruhi tongete. ⁸ Obu fa Yuwana ora afangan,nyuo ati olotu fa ngete hiramahiso nahiram ho fangan. ¹⁰ Obwon fa ngete inyi nifok, cebu nafok ihuhumuni fa to ngete, nyuo hati nafok obu ojien ngete. ¹¹ Olotu ngete niho nareji hongete, nyuo hati lati hongete obu ifwotini ngete. ¹² Nyuo hati niho nalohoi efwotini ngete, hulo fa iruhi nifure hongete, to hunya ngete ho nahisiarahiso sing nifwoniso rahan emusak ho Najyok, ¹³ hulo fa oyisini, tonohoto, obu to natiang ho kwan, obu to nawahan hotwani,atii to Najyok. ¹⁴ Tahanya alotu natianya rahan akwan cebu omanya nihiji hojie. Ahitelu jie nakwatan hongete, nakwatan na obwon hama niho latwani ce abito lafa olotu niho Lamonye, la ifutahi namehino(nariajan). ¹⁵ Yuwana fa honatujunuso nahiram hongete cebu otianya tonayio," Ngete bo alee lofa atianya ne, 'la olotu nihalu hone ilany cebu, toho ngete obwon fa many berien nihatemeni hone."' ¹⁶ Toho nihiwasihiso hongete ahifwotu ijie neyalita noho arus nihalu ho arus. ¹⁷ Isieri fa nechihita niho Muse,cebu nangidari ho na tarihe olotu hara niho Yesu Kristo. ¹⁸ Obe lobo latwani otelu Najyok niho ibwo noholong.Ele ngete la ora abito, to nakwan hongete Najyok, la obwon sio ho Lamonye,esiarahi ngete ojieni ngete. ¹⁹ Tahanya ngete hanya nahitetelehiso hohiram ho Yuwane no fa na suluni lati ho Yahud to Yerusalem niho lapadiri ho lohejiehi nihi fiasere ngete, "Ngai iji?" ²⁰ Etitimahi ngete, cebu obu omon, nyuo hati itarangahi, "Obu ne Kristo." ²¹ Ifi sing ngete," Iji hati ngai? Iji Elija?" Ngete ho najiman, ojo, "Obu." Sing ajimi, "Iji laheramahini ho hiramita?" Ngete etarangahi, Obu." ²² Sing ho najimi niho ngete, "Ngai iji, ngete ongida ijie ohitarangahinere niho ehule ohisuluni ijie? Ijo hati ji iji ngai ?" ²³ Ngete ho najiman, "Ne ale namurut hol a igworita niwaha: 'Ihuhumahisi nehoi ho Lohobu na opit, ' toho otianyari fa Isaya laheramahitani ho hiramita ho Najyok." ²⁴ Obwoni fa hilihe hula osuluni niho lati ho Farise. Sing ho nahifi ngete ojimi niho ngete, ²⁵ "Nanyuo hati ji ibatiso nabu ji ira a Kristo kuya Elija kuya laheramahitani ho hiramita?" ²⁶ Yuwane ho nahitarangahiso niho sing ojo, "Ebatiso ne tanahari. Nyuo hati, nihiji hote obotia lobo latwani abito la obu te ijianata. ²⁷ Ngete la la olotiniso nihalu ho ne. La pbu ne asiriu ipuchoniso nohofi ho hamuk hongete." ²⁸ Ihwane fa hunya reji Betania ni ngati ho Jordano, niho lofa maji ijuhere Yuwana. ²⁹ To nahubanyi ibwo otelu fa Yuwana Yesu olotiniso toho niho ngete ho najiman, "Totiale, ele jie Lahito ho Najyok la iduharita niger nepalita fok! ³⁰ Ngete ale lofa ateny ne, 'Ngete la olotiniso nihalu hobne ilany cebu ne, obwon fa ngete many berien.' ³¹ Abu fa ne ehuyayu ngete, nyuo hati ojo ngete fa ongida itelehini niho Isarayil ojo alotu hadi ne la ibatiso to nahari." ³² Yuwana ho natujohiso,"Atelu ne Nolohailong ongiriniso toho nawolo tohide, ho natongohiso niho ngete. ³³ Obu fa ne ehuyayu ngete, nyuo hati ngete lo fa ohisulu ne nihibatisere nihari ojo niho ne, 'Araba niho la itelu Nolohailong ongiriniso otongohi niho ngete, ngete la, la ijuhe to Nolohailong Na -Onyila.' ³⁴ Atelu ne cebu etelehi ojo ngete ale Iha Najyok." ³⁵ Hari, tanahubanyi hongete, lo fa Yuwane obotia ho lolohejehi hongete harik, ³⁶ sing ho nateliniso Yesu odaha, Yuwana ho najiman, "Totialati, ele Labore ho Najyok!" ³⁷ Ehule lohejehi harik ho nahitiyir Yuwane otianya, sing ho nahijif nehalu ho Yesu. ³⁸ To da Yesu ho nangolo niho sing ho nateliniso sing ijifite ngete ho najiman niho sing, " Nanyuo te iwahata?" ³⁹ Sing ho na jiman, "Rabi (na ojo nafotiri hongete 'lahetejianani'),"aji ji itwongo?" Ngete ho najiman niho sing,"Ifwosu totialata." Sing ho nafwoniso nimaji na itwengere ngete; sing ho nahitwongo ho ngete nihene holong, ara fa niholong ho tomon. ⁴⁰ Latwani abito niho ehule lohejehi harik le itiyiru Yuwane otianya cebu ejifato Yesu ngete fa Andrea, hilasi ho Simone. ⁴¹ Ichak ngete ihorihiso hilasi hongete Simone ho natianya niho ngete, "Ahihorihi jie Meseya" (lo fa ibieli ojo 'Kristo'). Iyeno ngete niho Yesu. ⁴² Yesu ho natiala niho ngete ho najiman, "Iji Simone, iha Yuwana. Ohingelese hadi iji ojo Sefa" (ngete'petur'). ⁴³ 43 Niho ibwo noholong, nafa oahitere Yesu dahari toho Galileyo, ngete hona horihiso pilip hona jiman niho ngete, "Ijifine ne." ⁴⁴ Tahanya Filipo fa olotu to Betsaida, nahang nahitwahajik nohobo Andiriya ho Petur. ⁴⁵ Filipo ho na horihiso Nataniel ho najiman niho ngete, "Ngete la igierehi Muse necihita cebu laheramahitak ho hiramita--ahihorihi ijie ngete, Yesu iha Yosefo, loho nazaret." ⁴⁶ Nathaniel ho najiman niho ngete, "Hatum ibwo nasinge na ongida olotu to Nazaret?" Filipo ho najiman niho ngete, "kwo totiala ." ⁴⁷ Yesu ho nateliniso Nataniel olotiniso niho ngete ho najiman nihongete, "Totiale, loho Isarayil tarihe, niho ngete obe nahitononga!" ⁴⁸ Nataniel ho najiman niho ngete, "Tatali iji ijien ne?" Yesu ho na hitarangahiso ho najiman niho ngete, Many hobe Filip ongeleu iji, lo fa iji hebwon nifotiri ho ngaboli,ahitel ne iji." ⁴⁹ Nathaniel ho nahitaranginiso, " Rabbi, ira ji Eha Najyok! Iji Lohobu ho Isarayil!" ⁵⁰ Yesu ho nahitarangahiso ngete ho najiman niho ngete, "Tanatianya ho ne nihoji ojo, 'Ahitel fa ne iji nifotiri ho ngaboli', iruk ji? Itel be ji nareji huja obolori ilanyi anya." ⁵¹ Yesu ho najiman, "Tarihe, tarihe, ajo ne niho ji, itel hadi ji nahide ongasu, ho anjiloji ho Najyok hula odohite ho hula ongirini niho Iha ho Najyok."