¹ Juma, lahegiamani ho Najyok cebu loho Lohobu Yesu Kristo, niho nemaniti niho nolohwarari: nahihata. ² Itarahata anya to nakwama hilasira ho ne, nehorihitatite nahitegemita huja olwaji. ³ Ijianatate ojo natiama ho hiruk hote iyeno nadihihan. ⁴ Ikie nadihan otuhohi negiema hongete, itye ongida iji ituhohino nabolori, nabiangan hebwo nasinge. ⁵ Nyuo hati nawak lobo nehote nolofero, ikie ngete ifiwu ngete niho Najyok, la isiarahita to na kwama nebe igogworita niho hula ifiase cebu isiarahi hadi ngete niho ngete. ⁶ Nyuo hati ikie ngete ifiasu tanahiruk, obe orisa. Latwani la orisa okialare toho nabene ho hari huja ohutarita nolobwangi itululur. ⁷ Ikie ele twani obu igigilo ojo ifwotu ba ngete ibwo nasinge niho Lohobu. ⁸ Obwon latwani ho nahigigilita hatik, obu omotia nihoiha hongete fad. ⁹ Ikie lahilasi la oparita opufa to namaji na inefito ngete na obolo, ¹⁰ nyuo hati latwani la osam to namaji hongete na omuta, tananyuo otuhohino hadi ngete toho naturuhak to miyang. ¹¹ Otulu noholong ho nanwahan ho naswahariso namiyang. ¹² Ikie najwaha obwon niho latwani la odihu natiama. Nomo nalangaya ngete to tiama, ofwotu hadi ngete natarabuk ho hisu, lo fa ongati niho hula okwame Najyok. ¹³ Ikie lobo obe ojo nomo natemi ngete, "Ahitem ne Najyok, "tananyuo obu laharohojani otum otem Najyok, kuya ngete hatum otem lobo. ¹⁴ Nyuo hati lati fad isusware to niwahiti hosing, huja iyare sing ninger ho natwaran sing. ¹⁵ Nomo namwoho newahit, ngete ho nayisiniso nepal, nomo namolo nepal, ho nayisiniso nayeyi. ¹⁶ Ikie obu ohitonongi ite, hilasira ho ne. ¹⁷ Nalwaha na ongida olotu to hide. Olotu ngete nifok niho Lamonye ho fangan. Niho ngete obe nahibebielo kuya nerifi tanayuo to nahiloyito . ¹⁸ Onyumu Najyok nehisiarahinere ijie nayisiniso to natianya ho tarihe, ojo ongida ijie ohira ahanger nolochifot ho reji fad huja obieu ngete. ¹⁹ Ijianatate anya, hilasira ho ne: ikie lati abito abito itiyire kerem, otianye kai kai, obu ilongojite kerem. ²⁰ Obu nahilongojita ho latwani igiame ho nangidari ho Najyok. ²¹ Inaha iduhasi niger napufuta ho nerehojita huja olwaji. Niriajan, ifwotusu natianya na inujahini, na otum italahu nolohailongi hote. ²² To rahata ahegiamak ho tianya obu ce ahetiyirak hama, itonononga nakwanite hote. ²³ Nara lobo ahetiyirani ho tianya nyuo hati obu ora ahegiamani, okialare ngete toho latwani la ingungulo nohomom hongete nikiyo. ²⁴ Ingungul ngete nakwan hongete ho naloten niget tiye ho nalulworo nabwanan hongete. ²⁵ Nyuo hati latwani la otiala angida nechit na opit noho nahisabita cebu itiringa higiamari, obu ce ahetiyirani ijia la olulworita, ojohi hadi ale twani nihigemita hongete. ²⁶ Netarak lobo nakwan hongete ahamojoni, nyuo hati obu otun nangadief hongete, itononga ngete nataji hongete, cebu namojo hongete arohojaya. ²⁷ Namojo na onyila obe ibwo nahibot nehatemeni ho Najyok ngete anya: nilwahari lolohidahi ho nangorwo haferok nihigigilita hosing cebu nitunari nakwan nebe nebot niho anya fok.