¹ Niho lapadiri hula obolori, hula onyumuni to hiji ho lati, owutuni ongida igiame to sing nareji huja orahi noho Najyok, ongida ngete isiarahita neyalita ho nihihuhumuta noho nahipalita. ² Ongida ngete iduhaya kaikai nalunya ho lati to ho ngete to nakwan hongete iluri to neniamita. ³ Tanyani, ngete ongida cebu ngete isiarahita nahihuhumata niho nahipalita hongete toho ihwanari ngete to napalita ho lati. ⁴ Obe lobo latwani iyaru anya bayangi niho ngete, nyuo hati, ongida Najyok ongeleu ngete, toho lo fa Haron. ⁵ Obu fa kristo obayang nakwan ho ngete to nahihwanahiso nakwan hongete apadir lobolo. Ati, ojo Najyok niho ngete, "Iji lahito ho ne, baya ara amonye hoji." ⁶ Okialare toho otianyari fa ngete niho ibwo namaji, "Iria iji apadiri losio lo fa neramahi Melchisedek." ⁷ Niholong he wahita ho kwan ho ngete, omojito fa ngete cebu olwaha, oyo tanahiyok niho Najyok, la otum itohoru ngete to yeyi. Tanabayangi hongete niho Najyok, etiyiri fa ngete. ⁸ Dobu ora ngete ahito, etejienu ngete nabayangi niho nareji huja ipaditito fa ngete. ⁹ Etuhuhumi fa ngete ho nalotiniso rahan noho lati fad hula obayangi ngete la iyeno nahisu na osio jik, la osulu Najyok apadir lobolo ¹⁰ toho iramahinere Meichisedek. ¹¹ Ohibwonitere jie ho netenyita huja olwaji bee to Yesu, nyuo hati ogol nihiramahinere nabiangan hote ihitiyira angida. ¹² Dobu itarahatate ite ahetejianak niho anya holong, ho ngida najiman ojo ikie lobo latwani ahitejian ite newahita ho Najyok. Iwahatate nale, obu nangirang na ogol. ¹³ Latwani lomatito nale ijia hobu ogol netianya ho pitan, hora ngete ahito. ¹⁴ Tebwo nahoi, ora nangirang noho lati hula abolori, hula otum igegeli nangidari ho narohoji hula etejiani nahigegiala ho ngidari to rohoji.