¹ Ikie nakwama ho nahilisarak itiringa. ² Helulwerete nahifwotinita lahatomonok, to nahigiama anya, ifwotini hilihe anjiloji ahula obu ojieni. ³ Ihuyasu hula obwoni nilotwarari, to ho ibwanatata da hosing, he jo bu itegiame nakwanite hote to ho nohosing. ⁴ Ikie lati fad obayangi nayama, cebu ikie otuni nayama ho nilogetere na onyila, ongot hadi Najyok lahasomok. ⁵ Ikie nehoi ho hisu hote obu itile ho nakwama ho robia. Tokwama nareji huja ibwonitere ji, Najyok to nakwan hongete ojo, "Abu ba ne ahidahi iji." ⁶ Akwamati ongida ijie ohitianya to nangere ojo, "Ora Lohobu ahalwahani ho ne; abu ba ne abayang. Nanyuo ba lobo ihon niho ne?" ⁷ Tomojusu ehule hula ohinyamare ite, hula otenyi natianya ho Najyok nihote cebu iruhoto nemanyita hosing;ijifitete nahiruk hosing. ⁸ Okialare Yesu ngole,baya, ho jik. ⁹ Heruhoto nahiyaru ite niger to nahitejienita huja obwoni hama, ongida nataji lifahi to na ngidari, obu to nechihit noho ngirang na obu olwak hula omanye to ngete. ¹⁰ Ohibwonitere jie ho altari obu hula legiama nitifine obwoni ho natarihe ninyesere. ¹¹ Nohoto ho tiang, na ihuhumariti nepalita,lapadiri la obolo liyeno nimaji na onyila,nyuo hati nakwanite hosing idwohuni niger to hang. ¹² Inaha Yesu cebu ipadati fa niger ho bwata ho hang, ongida isiarahi lati niho Najyok to nohoto hongete. ¹³ Ongida jie ohifwo niho ngete niger ho hang, ohidik nariri hongete. ¹⁴ Obu jie ohibwonitere nahang na osio iji.Ati, ohitahito jie nahang na olotiniso. ¹⁵ To Yesu ongida ijie ohisiarahita tihitk nahihuhumuta hojie noho kwama niho Najyom, nakwama na ora ahigiama noho hutuhe hojie na iruk nafure hongete. ¹⁶ Cebu helulwerete nahigiama na ongida cebu nilwahari nakwanite hote, ora to huja ihumuta Najyok okwama bebe. ¹⁷ Tobayangata cebu iruhoto lolohitwaha hote, itiringe sing itieso ite to nolohailongi hote, to ho hula ba iramahite. Tobayangata ojo ongida lolohitwaha hote ohitiale ite to nakwama,obu to nahilongojita, naba obu olwak ite. ¹⁸ Tomojete tojie, ohirose ijie ongida ijie ohibwon ho nahigigilita huja opiti, ohiwak imanya to nabayangi nireji fad. ¹⁹ Cebu itogol ne ite fad bebe nihihwanari anya,ojo ongida ne atum ayitoyo nihote kerem. ²⁰ Tahanya ikie Najyok ho yomo,la inyahu nihalu to yeyi lahejwahani hehoriangi lobolo, Lohobu hojie Yesu, to nohoto ho yomo na osio, ²¹ isiarahi nihote nareji fad huja ongidari nihigiamari nawahan hongete, igiama nihojie ojo na ongida bebe nihatemeni hongete, to Yesu Kristo, la obwon nakwatsn jik ho jik. Amen. ²² Tahanya itogol ne ite, hilasirak, to nihata to natianya ho hitogolo na igierehi ne nihote kai. ²³ Tojianata ojo alahahini hilasi hojie Timateyo, la ba ohifwo ho ne itiala ite nomo nalotu ngete kerem. ²⁴ Ihatahisi lolohitwaha hote fad cebu laheruhok. Ehule Hetali ohihate ite. ²⁵ Ikie namehino obwon nihote fad.