¹ To ho nihote, iyeyata fa te to nepalita hote. ² Ora fa tohunya lisiarahi ite idahati to to nenga hunya fok. Idahati fate to nawahan ho twani la ilanyu lahabolorok ho lomwangi. Ngete anya nolohailongo na igiama lemusak ho lati hula obe obayangi. ³ Ohibwon ijie nihiji ho hula ati obu iruhi. Ohigiama ijie to nawahan ho rohoji ho kwan, ohigiama ijie nawahan ho kwan cebu ho hou. Ohira fa ijie emusak ho rohoji to ho hula hilihe. ⁴ Nyuo hati obolo namehino ho Najyok to nakwama ho ngete na obolo na ohikwamari ngete ijie. ⁵ Lofa hohiye ijie nepalita, ngete ho nahiyeno ijie niho nahisu nangejuk harabito niho Kristo. Ora to namehino lohisiarahi ite italahinete. ⁶ Ahitubuhu ijie harabito cebu ihihwanahi ijie ohitwongo ho namasing huja obwoni nihide niho Yesu Kristo. ⁷ Igem ngete anya ojo ongida niho nengaji huja ofwonise otum ngete ohitelehi ijie nebarita ho mehino hongete to namehino hongete niho Yesu Kristo. ⁸ To nahiruk hote,ahitalahini fa ite to namehino. Cebu obu anya olotu niho jie.Ora ahisiarahiso ho Najyok. ⁹ Obu lora to nahigiamita. Ojo ongida lobo opufa. ¹⁰ Ohira ijie ahegiamak ho Najyok, hula obieni niho Yesu Kristo nihigiamari nareji huja ongidari huja Ihuhumahi Najyok nihojie berien ojo ongida ijie ohidahari sing. ¹¹ Inaha, ihuyasu ojo irahata fa te apaganoji nikwanite. Ohingelese fa ite alati hula obu itwenge aheruhok to laheruhok nikwanite na ihuhumahi latwani.b ¹² Nihene holong ohigialari fa ite niho Kristo. Irahata fa te ahatomonok niho lati he Isarayile. Obu fa ohijieni ite niho neyomita ho hitinita. Obu fa te ibwanata ho najianan namoi hote. Ibwanata fa te nebe Najyok iji nifok. ¹³ Nyuo hati tahanya niho Yesu Kristo, ite hulo fa ilamajata niho Najyok, ahiyeni ite inyihajata niho Najyok to nohoto ho Yesu Kristo. ¹⁴ Ora ngete ayomo hojie. Ihwanahi hula harik ora abito.To nakwan hongete abunyoyo ngete nadafati ho hihohuara na ohihor ijie, nahiluhutuk. ¹⁵ Na, itoboj ngete nechihita cebu nemanyita ojo ongida ngete abieu latwani la ngejuk nikwan ho ngete. Ihuhumu ngete nayomo. ¹⁶ Ihon ngete anya nihitoyomohinere lati niho nakwan abito niho Najyok to nahite na ikwala. Ho nahite na ikwala na ihwanahi ngete niyeyi ho hiluhutuk. ¹⁷ Olotu Yesu cebu itejiana nefanjelio ho nayomo niho hulo fa olamaji cebu nayomo niho hulo fa onyihaji. ¹⁸ To Yesu Kristo ahibwon ijie fad ho nahoi niho Nolohailong abito niho Monye. ¹⁹ Tahanya ite paganoji, abu te irahata ahula ibwanata hama cebu ahatomonok, nyuo hati erahata te harabito alati hula onyumuni niho Najyok cebu alati ho haji ho Najyok. ²⁰ Efahahini ite nimaji ho lahetejianak cebu laheramahitak ho hiramita. Kristo to nakwan ho ngete ora fa amorwo noho negule. ²¹ Ifahahini fa nahaji fad niho ngete cebu obolo atempulo niho Hobu. ²² Ora cebu niho ngete ohifahahini ite harabito alohitwengere ho Najyok to Nolohailong.