¹ Lahetegiamak, isiarahisi niho lahegiamak naharus hote nasinge na otirahi cebu na otum. Ijianatate ojo obwon lahetegiamani hote nihide. ² Itiringa mojo tona golon. Itwonge ala ijien niho ngete nihisiarahinere ojo awaa. ³ Tomojiete harabito tojie cebu, ojo ongida Najyok hadi onga nekat nihoji nitianyari, nadwaran ho Kristo.Tanya, tianya ahinefi ne. ⁴ Tomojete ojo atum ba ne ehuhum ngete angida, cebu atianya toho awahitere ne itianyari. ⁵ Todahe tona gianyan niho ehule obwoni niger, hoce bu ijien nahigiamari hoholong hoji. ⁶ Ikie nahiramita hoji obwoni noholongi fad honangidari. Ikie sing obwoni toho naliaman homile, ongida iji ijien ojo tatali ji itum itarang lati. ⁷ Toho nareji huja obwon tone, itejianahi hadi Tichicu sing niho ite. Ora ngete ala hilasi la okwame, ngete lahegiamani leruk, ce hoto lahegiamani hongete niho Hobu. ⁸ Ebataya fa ne ngete niho ite to anya, ojo kuya hatum ite ijianata nahiramita tojie, ojo ongida itogol natajio hote. ⁹ Ebataya fane sing harabito ho Onesimus, la iruk ce bu lahilasi lokwame, ngete la hote, Ohiramahini hadi sing ite nareji fad huja ihwane fa inyi. ¹⁰ Aristarchu, lahatuarani tohone, ihihata ite, hoho Marko cebu, iha ijianyi ho Barnaba tohi ngete lofa ale ifwotusu ite necihita, ''Nomo lolotu ngete nihote, ifwotusu ngete,'' ¹¹ cebu Yesu la ongele lahapitani.(Justus). Hule hama lahangutok ho kwanite orahi ahegiamak ho hang ho Najjyok. Orahi mosing ahangingidak niho ne. ¹² Epafras ohihata ite. Ora ngete olo hote hoce bu ahegiamani ho Yesu Kristo. Otemitito mo ngete tote nimojio, ojo ongida ite ibotiati ahula iboloroto ce bu fad niho nareji fad huja owak Najyok. ¹³ Toho niho ne ara ne latwani latel ngete, ojo igemitito ngete tonagolon tote, niho ehule obwoni Laodicea, ce bu niho ehule obwoni Hierapolis. ¹⁴ Luka latwani la hesiarahitani ho kiana niho lahadiahak, ce bu Dema ohihata ite. ¹⁵ Ihata lahilasira hula to Laodisea, ho Nympha, cebu nakelesia na obwon nihaji hongete. ¹⁶ Lofa nekeni anya waraga nihiji hote, ikie cebu ikeni nikelesia ho lati ho Lodisean, cebu ongida cebu ike newaraga ho Laodisea. ¹⁷ Totianye niho Archippus, ''Totialati nahigiama na ihorihisi te niho Lohobu, ojo ongida ite imudutahisi ngete.''