¹ Tahanya, helasira, tomojete to jie, ojo natianya ho Lohobu ongida ba olo kerem cebu itokwate, to nihote cebu ² Tomojete ojo ongida ohitalahini ijie tepalita ho lati hula orohoji, obu sing fad obwoni ho nahiruk. ³ Nyuo hati ongida Lohobu, la ba ihuhumahi ite ohitieso ba ite niho laharohojani. ⁵ Ikie Lohobu iramahi natajio hote niho nakwama ho Najyok cebu niho nadihan ho Kristo. ⁷ Nihote lahegiamak tojanata ongida irahata toho ijie. Obu jie ohimanya nihiji hote to obu jie ohibwonitere nariajan. ⁸ Cebu obu jie ohinyasu ibwo nangirang ho lobo obe ohidum. Ati,ohigiama jie naharie ho nafarani nahigiama na ogol to namiajan, ongida ijie obe ohitegiama ite . ⁹ Ohihwana jie anya obu to najiman ohibe jie ohibwonitere nagolon. Ati, ohihon jie anya nihitetelehinere nihote, ongida ite ejefitete ijie. ¹⁰ Lo fa ohibwonitere jie hote, ohiramahi fa ijie ite, "La bu lobo latwani owak igiama, ikie ngete obu onyasu." ¹¹ Ohitiyir ijie ojo odahe hilihe lati nihiji hote narus obu igiame. Obu sing igiame nyuo hati orahi sing ahesusak. ¹² Tahanya toho he hule ocihahi ije to nafure ho Yesu Kristo, ojo ongida sing igiame cebu onyase nangirang hosing. ¹⁴ Nabu lobo latwani iruk natianya ho jie niho newaranga, totiala ti ngete angida ce bu helihitati hongete, ongida nariri inefi ngete. ¹⁵ Hetarahata ngete i ngete amereni, nyuo hati iriangata ngete ahilasi. ¹⁶ Ikie Lohobu ho yomo to nakwan hongete esiarahi ite nayomo noholongi fad niho nehoiha fad. ¹⁷ Ngete anyani nahihata ho ne, Paulo, to nehene ho ne nan itelehi niho newaragaji fad. Ngete naja tatali ne igiero. ¹⁸ Ikie namehino ho Lohobu hojie Yesu Kristo obwon nihote fad.