1 Ofwoni laheramahitak ho hiramita hula ogesemi niho Isarayil, cebu lahetejianak hula ogesemi ofwoni nihote. Iluyuni hadi sing ho nahitejienita huja orohoji nihote cebu omoni Lolohitwahaji la inyangu sing. Iyene sing nahipapala kerem nikwanite hosing. 2 Olwaji ba lati hula ijifite natianya hosing, to sing olotu ba nehoi ho tarihe ipalaru. 3 Tanahihawura hosing, ofwoni hadi sing ihorihita narobia nihote to netenyita ho gesemi. Nirohoji hosing obu hadi nangoto ho hiramata itilasu tektek; nahipapala hosing obu ora naharus. 4 Nabu Najyok idahi anjiloji hula ipalari,nyuo hati isiarahi sing ngete sing niho Tartaras, ongida otiala sing ahula otware nidimele many ningoto ho hiramita- 5 cebu nabu ngete idahi nafok nofa oberien, nyuo hati alwahu ngete Nowa-lahangidarani-ho lati hilihe metaharik-nyuo hati ijuhu nahari nifok niho lati hula idayari Najyok, 6 ho nahitong nahang ho Sodoma ojo Gomora ahunara ho nangoto nahiramita hosing nepalaru nihitetelehinere nanyuo lolotiniso niho lati hula idayari Najyok 7 Alwahu cebu ngete Loto lahangidarani, lo fa itegiame ngete tihitik to nemanyita ho lati hula obu owahi nichihita nihigeria hosing. 8 Nahigemita ho lati hula obu owahi nechihita natel lahangidarani la omanya nihiji hosing cebu itiyirinita tihitik ilongojita nolohailong hongete. 9 Ojien Lohobu nilwahinere lati ho Najyok to hitegemita, cebu nitunahinere lati hula idayari Najyok nilotwarari many niholong ho ngotere ho hiramita. 10 Otirahi anyani niho lati hula itirenge nihoholiso cebu inyare lahatialak. Ifirangi sing cebu igiama nawahan ho kwan. Obu sing obayanginihi palajiere lahakwatak. 11 Obwoni anjiloji ho nagolon bebe cebu nagunyan ilanyi lati fad, nyuo hati obu sing iyene namoro noho ngoto ho hiramita niho Lohobu. 12 Nyuo hati hunya tiyangi obengi hosi, ihuhumuni nohohinifito ho nahipapala. Obu sing ojieni nanyuo sing omore. Ipalari hadi sing. 13 Irifini sing tenedumuta ho higemita hosing huja orohoji. Omanye sing tanawahan niholong. Obwoni sing ho nahibot cebu nepal. Okwame sing nangidari ho hitonononga hosing nyuo hati inyasete hote. 14 Obwoni sing ho nohonyehite huja ifuti ho nangorwo nahasomok; obu sing otume nepal. Iyarite sing nolohailongi huja obu obotia angida nihigemita huja orohoji, cebu obwoni ho natajio hosing huja orohoji niwahita, lemusak hula ipitari. 15 Edahini sing nehoi na ongida. Afwe sing na oroho ho nahijifaru nehoi ho Balaam, iha Beor, lo fa omojinita nedumuta niho rohoji. 16 Nyuo hati ahorihi ngete nahirianga noho hipalita hongete. Nasingira na iningo otianya tanamurut hotwani ho nahitining nahilafayang ho laheramahitani ho hiramita ho Najyok. 17 Okialare hule ti to ho nadial na obe nahari. Okialate sing to ho nadis na orohoyo nolomwangi. Otunahi nidimele nihosing. 18 Otinye sing to nahitadara. Isuswarite sing lati tanewahita ho kwan. Isuswarete sing lati hula owahi iluyi niho ehule omanye nirohoji. 19 Ongati sing nahisabita nihosing, nyuo hat sing tanakwanite hosing orahi ahatwarak ho hoholiso. Ora latwani ahatwarani to nasinge na ilanyu ngete. 20 Latwani la iluny to hebot ho fok tanajianan Lohobu Lahetalahini Yesu Kristo, nyuo hati oyitoyo niho ehwe ibotita hari, olotu bwanan nihosing na oroho ilany nofa ho berien. 21 Hangida niho sing nibiangan jianari niho ho ngidari ilany najianan ngete ho nahibieloro techihita huja onyilaji huje isieri nihosing. 22 Otirahi anya tianya nihosing:" Oyitoyo nengwok nilose hongete. Nibworok na elalari oyitoyo nimudie."