¹ Ahichak ijie itokwata nakwanite hojie hari? Obu jie ohiwak newaragaji nihote, to ho lati hilihe, ohiwak ijie? ² Ite to nakwanite hote irahatate ewaraga hojie, na igierehini nitajio ho jie, ikeni lati fad. ³ Cebu etialatate ojo irahatate ewaraga niho Kristo, na ohisiarahi jie, na obu fa egieri to nagalam nyuo hati to Nolohailong ho Najyok la isu, obu fa igierehini nitodo ho morwo, nyuo hati nihotwa ho tajio ho lati. ⁴ Ngete anya nahiruk na ohibwonitere jie niho Najyok to Kristo. ⁵ Obu jie ohigol nikwanite hojie nitianyari nareji fad toho ofwoni nihojie, nyuo hati, nagolon hojie olotu niho Najyok, ⁶ la ohisiarahi ijie ohira ahegiamak ho yomo nangejuk-obu noho newaragaNyuo hati noho Nolohailong; ifadaya newaraga, nyuo hati isiarahita Nolohailong nahisu. ⁷ Tahanya nalotu nahigiama ho yeyi lofa egierehini nimori tanya kwatan ojo ongida lati ho Isarayile obu otiale nihomom ho Muse, tanakwatan ho homom hongete, nakwatan lofa olitariso, ⁸ habe nahigiama ho Lohailong okwat bebe? ⁹ Nabwon nahigiama horohoji ho nakwatan, baya hati ba nahigiama ho tarihe okwat! ¹⁰ Noho tarihe, nasinge lofa ihuhumahini na okwat abu okwat niho anya hoi, to nanyuo to nakwatan na ilanyu ngete fad. ¹¹ Nabwon lofa lolitariso ho nakwatan, baya hati ba nasinge na osio obwon ho nakwatan! ¹² Toho ohibwonitere anya hiruk, ohigol ijie, ¹³ obu toho Muse, la ihwanahi nabongo nihomom ho ngete, ojo ongida lati ho Isarayil obu otiale nilohichungi ho kwatan lofa oringariso. ¹⁴ Nyuo hati ikane fa nohosi ho sing. Dobu many niho anya holong hhiwasihi ene bongo niho nahikiana ho yomo nolongore; tananyuo niho Kristo hama iduhari ngete niger. ¹⁵ Nyuo hati dobu baya, nekeni Muse, ogeto nabongo nitajio ho sing. ¹⁶ Nyuo hati nebielo latwani niho Lohobu, ipireri ene bongo niger. ¹⁷ Tahanya ora Lohobu Alohailong. Namaji na obwonitere Lohobu, obwon nahisabita. ¹⁸ Tahanya ijie fad, hula obu nohomomite imuhe, nitialari nakwatan ho Lohobu, ahibieli ijie niho anya kwatan , niho nakwatan ibwo to ho nihebwo, to ho olotu anya niho Lohobu, la ora Alohailong.