¹ Anyumu ne to ngati ho ne ojo abu ne alotu hari da hote to namiajan. ² Nesiarahi ne ite namiajan, ngai ba lohitokwata ne nyuo hati ngete latwani itolongoj ne?. ³ Egierehi ne to ho ihwanari fa ne ojo ongida nomo nalotu ne nihote ongida ne obu ohiriafini to lati hula ahatum ohisieri ne akwama. Abwon ne hona golon ho nihote fad ojo nakwama ho ne okialare ho nakwama na ibwanaritite fad. ⁴ Egierehi ne niho te to nakwama na obolo bebe, ho najiman ho taji, ce bu ho nahiyok huja olwaji. Abu ne awak isiarahiso ite namiajan, nyuo hati, awak ne ite ijianata nakwama ho ne nihote. ⁵ Neyeno lobo namiajan, obu ngete iyeno namuajan niho ne hama, niho netemita hinihe-ongida ihwanahi bebe- nihote fad. ⁶ Anya beho hale twani to nalohoi ho lati otum . ⁷ Tahanya ilanya nabeho, ongide te ipalahitati cebu ilwahati ngete ojo ongida obu nahigigilita iyalari ngete. ⁸ Ahitogolohiso ne ite nigolitere nakwama hote niho ngete. ⁹ Ngete fa anya natianya na egierrehi ne, ojo ongida ne atem ite nijianari nahiruk hote nereji fad. ¹⁰ Nelahahisite nepalita ho lobo latwani, alahi cebu ele twani. Nasinge na alahahi ne-nalahahi ne nareji fad-olahahini to te nihatemeni ho Kristo. ¹¹ Ora anya ojo ongida lahesuswani obu ohitonung ite. Obu jie ohilunya nahigemita ho ngete. ¹² Dobu onga fa Lohobu nekat niho ne laholong alotinere ne nihang ho Troa nihitotosere nefanjelio ho Kristo da. ¹³ Abu fa ne abwon ho nayomo nihou ho ne, tonanyuo abu ne ahorihi hilasi ho ne Tito da. Ne ho nahidahiso sing ho nayitereso to ho Makedonia. ¹⁴ Nyuo hati, ajo ne awa bebe niho Najyok, ngete la obwon niho Kristo la ohinyamito ne tihitik nigolon, to jie etasarahi nawuron na ongida bebe noho jianan ngete nimasing fad. ¹⁵ Ohira ijie niho Najyok awuron na ongida noho Kristo, niho ehule hula italahini cebu niho hula oyeyise. ¹⁶ Niho lati hula oyeyise, orahi angwajan to yeyi niyeyi. Niho hula etalahini, orahi sing awuron to hisu nihisu. Ngai longida niho hunya reji? ¹⁷ Obu jie okialare ho lati hula olwaji hula itenyiange nahiramita ho Najyok to narobia. Ati ohibwon ijie ho nawahan na onyila, nitianyari to Kristo, toho ohisulunerete niho Najyok, nihatemeni ho Najyok, ohitianya jie niho Kristo.