¹ Paulo, lahejifiteni ho Yesu Kristo to ho ojo nechihit ho Najyok lahetalahani hojie cebu Yesu Kristo lahiruk hojie. ² Niho Timateo, lahito ho ne to lo tarihe nihiruk. Ikie nangidari, namehino, cebu nayomo na olotu niho Najyok Lamonye cebu niho Yesu Lohobu hojie. ³ Eramahi ne ite laholong adahari ne to ho Masedonia ojo, totongoto da Ephesus ongida ite itobwajata lati hula owahi itejiana nahitejiana na obwon hama. ⁴ Ikie cebu sing obu itiyire niho nodohoji huja orohoji no obe nolohichungi ho sing,huja iyene narisa na obu olwak nihigiama ho Najyok na ora tanahiruk. ⁵ Nyuo hati nolohichungi hechihita ngete nakwama totaji na onyila bebe, to higigilita huja ongidari, cebu ta nahiruk natarihe. ⁶ Angotihini hilihe natol ho nahibielo tetenyita hongidari nitenyita huja orohojari. ⁷ Owahi sing itejiana nichihita, nyuo ati, obu sing ojieni nanyuo sing otianye kuya nanyuo sing itejiane. ⁸ Ohijien ijie ojo ongidari nechihita nomo nahigiamari jie sing angida. ⁹ cebu ohijien ijie anya fad, obu ihuhumuni nechihita to latwani la ongida, nyuo hati to lati hula obu ojien nechihita, lati hula idayari Najyok lahepapala, to lati hula ifadarite monyie hosing ho hotienge, lahefadak, ¹⁰ to lahasomok, to laliawa hula ongeterete laliawa, to lati hula ituyularite iniafarita lati ahegiamak hosing, to lahagesemok, lati hula obu iramahite natarihe nilongotere ho hiramita, cebu to nasinge na obu iruk nahitejiana na ongida, ¹¹ to nakwatan ho efanjelio ho Najyok na ohisieri ije. ¹² Ajo ne awa niho Kristo Yesu Lohobu hojie la ohitogol ne,ohitarak ngete ne aheruhoni ho nahihwanahiso nihigiama- ¹³ ne, lo fa enywara, lahefadani, cebu latwani la angangalasito. Nyuo hat ahorihini nangidari tananyuo, egiama fa ne na abu ajien tanabiangan hiruk. ¹⁴ Nyuo hati nangidari ho Lohobu hojie ho nahifut ho nahiruk ho nakwama niho Yesu Kristo. ¹⁵ Ongida anya tianya cebu olwak hula fad iruhi, ojo olotu Yesu Kristo inyi nifok nihitalahinere lahepalak. Etwongo ne aharojani bebe niho hula. ¹⁶ Nyuo hati tanya tianya ichiahi fs isiarahiso ne nangidari, ojo ongida niho ne, na orohojaya bebe, ongida Yesu Christo itetelehi nariajan, ahitetelehiso niho hula iruhi niho ngete to nahisu na osio jik. ¹⁷ Tahanya niho Lohobu hengaji fad, la obu oye, la obu oteli, ngete Najyok abito, ikie nabayangi ho nakwata jik many jik. Amen. ¹⁸ Ehwanahi ne anya tianya nihatemeni hote, Timateo lahito ho ne, eruk ne niho nahiramahita ho hiramita na isatahi to te, ojo ongida te ingalasete nangalasu na ongida; ¹⁹ ojo ongida te ibwanata ho nahiruk cebu nahigigilo na ongida. Edayari fa hilihe hunya tenyita ho nahipalariso natigol to hiram ho hiruk. ²⁰ Sing bwo ; Himenaeus ojo Alexander hula esiarahi ne niho lahesuswani ojo ongida itejieni sing obu ipapale.