¹ Inaha nilochifot, eramahi ne ite ,ifiasite ojo tomojete, namojo to lati, cebu najiman awa niho lati fad, ² to lohobuk ce bu to lati fad hula igiama nihogala ongida ijie ohibwon ho nayomo ta nabayangi. ³ Ongida anya niho Najyok lahetalahani hojie. ⁴ Owak ngete lati fad ongida italahini cebu ofwoni nilofero ho tarihe. ⁵ ora Najyok abito, ora cebu lajayo abito la ohitilahi Najyok ho latwani, latwani Yesu Kristo ⁶ la isiarahi nakwan ho ngete to lati fad, nahitelyehiso niholong na otirihi. ⁷ Tanya hiram, ne ta nakwan ho ne, ara ne ahatunani cebu ahejifiteni ho Yesu. Atianya ne natarihe; abu ne agesim. Etejiana ne paganoji nihiruk ho natarihe. ⁸ Ngete na, awak ne laliawa tomasik fad ongida sing otinging nihes hosing huja onyilaji nebe hilongojita ho nahikuyasu. ⁹ Awak cebu ne nangorwo ijiefite nabongoji huja ongidari, tanangidari cebu natuna ho kwanite, obu ta nahikada hofofi , kuya nayeliti, kuya nohonoro huja omimili, kuya nabongoji huja ogol nahinyanga hosing. ¹⁰ Nyuo hati nabongi huja ongidari ningorwo huja iruhi Najyom nihijiefitere nahigemita huja ongidari. ¹¹ Ikie nangorite itejiana nolohininge obe ifiaso. ¹² Abu ne esiarahi nangorite itejiana kuya iramahi laliawa nanyuo otum ihoni,nyuo hati ikie iningo. ¹³ Obieni fa Adam nihatemeni ho Eva. ¹⁴ Obu fa nahiriaho itonong Adam, nyuo hati itonongi fa nangorite to nepal. ¹⁵ Ati, italahini hadi ngete to nayiso hemusak, nitiringe sing nihiruk ho niho nakwama ho nanyilaji, ho nagigilo angida.