¹ Eleje iruk ojo yesu ngete Kristo oyisini niho Najyok. Cebu ele okwama ngete lofar olotu niho Monye cebu okwama lemusak hongete. ² Nihanya oyijien jie ojo ohikwama jie lemusak ho Najyok - nahikwama jie Najyok cebu ohigiama nechihita hongete. ³ Ngete anya nakwama niho Najyok, ojo atunata nechihita hongete. Cebu obu nechihita hongete itegiame hilihe. ⁴ Latwani la oyisini niho Najyok ilanyu nafok. Ngete anya nahifirang na iyalaya nafok, nairuk hojie. ⁵ Ngai ngete la ilanyu nafok, nyuo hati ngete la iruk ojo ora Yesu Eha Najyok. ⁶ Ngete ale la olotu tanahari ho to nohoto, Yesu kristo. Obu ngete olotu to nahari hama, nyuo hati tanahari ho nohoto." ⁷ Obwoni lati hutik hula ojieni: 8 Nolohailong, nahari ho nohoto." ⁹ Nomo nahitarawu jie lati lahapiahak, obolo lahapiaha ho Najyok. Nahiramahiso ho Najyok ngete anya, ara fa ngete ahapiahani to iha langete. ¹⁰ Ngete la iruk niho Iha Najyok obwon ho natianya nikwan hongete. Ngete la obu iruk niho Najyok etarak nakwan ho ngete ahagesemeni, tananyuo obu ngete iruk najiman ojo Najyok itetelehi Najyok to Iha nangete. ¹¹ Lahatafani ngete ale,ojo esiarahi Najyok ijie nahisu nobe nolohichungi, cebu anya hisu obwon niho Lahito hongete. ¹² Ngete lobwonitere ho Lahito obwon ho nahisu; ngete la obe obwon ho Iha Najyok obu obwonitere nahisu. ¹³ Hunya reji egierehi ne nihote ojo ondida te ijienata ojo ebwonatate ho nahisu nobe nolohichungi, nihote hula iruhoto niho nafure ho Iha Najyok. ¹⁴ Ngete anya nahiruk nabohibwonitere jie nihatemeni hongete, ojo nomo nahifiasu jie ibwo nasinge tana golon hongete, ngete ahitiyir ijie. ¹⁵ Nahijien ijie ojo itiyira ngete ijie ahifiasu jie ibwo nasinge nihongete, ohijien ijie ojo ohibwonitere jie ho nafisita huja ahifi ijie ngete. ¹⁶ Latel lobo hilasi hongete ihwana nepalit na obu iyeno nayeyi, ongida ngete omojo cebu Najyok otum isiarahi ngete nahisu te hule hula obu ipalari nepal ho yeyi.Obwon nepal ho yeyi. Abu ne ajo ongida ngete omojo niho eneje. ¹⁷ Nasinge fad huja obu ongidari orahi ahipalita; Nyuo hati obwon nepal na obu iyaru niho nayeyi. ¹⁸ Ohijien ijie ojo ele oyisini niho Najyok obu ipalaya. Nyuo hati ele fa oyisini niho Najyok, otun Najyok ngete angida niho lahesuswani,obu laharohojani otir ngete. ¹⁹ Ohijien ijie ojo ohira ijie noho Najyok, cebu nafok obwon nehene ho lahesuswani. ²⁰ Tahanya ohijien ijie ojo alotu Iha Najyok cebu esiarahi nihojie najianan, ojo ahijien ijie ngete la otirahi, ojo cebu ohibwon ijie nihongetel a ora tarihe, dobu niho Iha langete Yesu kristo. Ngete ale Najyok latarihe cebu nahisu na osio jik. ²¹ Ite lemusak, totunata nakwanite hote nijohi.