¹ Tahanya noho nemojita ho laheruhok, toho ahiramahi fa ne nakelesiaji ho Galatia, ongida ite igiamata. ² Nilohichahi holong ho metaharik, ongida ite fad itunahisi ibwo nasinge to ho itumatate, ongida ba nahiduduha obe obe nalotu ne. ³ Lomo nesiahita ne, latwani la inyumusu te, asulahi ba ne ho newaraga ongida olo isiarahiso neyalita Yerusalem. ⁴ Cebu nangida niho ne niloten, ohifwo ba ho ne. ⁵ Nyuo hati alotu ba ne nihote, nalo ne hara Masedonia - alo ba ne hara Masedonia, ⁶ otum ba ne etwongo hote dobu nituhohinere nafurat, ongida ite ilwahata ne to nidaha, namaji na alojiere ne. ⁷ Abu ne awak tialan ite tahanya noho noholongi kai, awak ne ituhohiso hinihe noholongi olwaji hote, neruk Lohobu. ⁸ Nyuo hati etwongo ba ne Ephesus many niholong hongirinere Nolohailong(pentecost) , ⁹ niho nekat na olalat ongasu niho ne, cebu obwoni lamerok olwaji. ¹⁰ Tahanya nalotu Timoti, totialata ojo obwon ngete hote ala obu obayang,igiama ngete i nahigiama ho Lohobu, toho ne. ¹¹ Ikie lobo obu itahajasu ngete. To lwaha ngete nehoi ho yomo, ojo ongida ngete olotu niho ne, awak ne ngete ongida olotu ho hilasira. ¹² Tahanya to hilasi hojie Apollo: amojo ne ngete ta nagolon ongida olotu wajan ite ho hilasira, nyuo hati anyumu ngete nabiangan loten tahany; nyuo hati alotu hadi ngete nabwon nawiri. ¹³ Iririati angida, to botiati tanagolon nihiruk, igiamati toho laliawa, togoloto. ¹⁴ Ikie huja igiamatite igemi to negemi to nakwama. ¹⁵ Ijianatate nahangi ho Stefana, ojo orahi fa sing lolochifot ho lati hula iruhi Najyok to Achaia, cebu ehwanahini sing nakwanite ho sing nihigiama ho lahanyilajak. Tahanya amojo ne ite, hilasira ho hinisira, ¹⁶ nihitiyirari niho hula ti, ho niho latwani la olwak nihigiama cebu igiama hojie. ¹⁷ Cebu akwama ne nalotiniso ho Stefana; Fotunata, cebu Achaika; hehuhumi sing nabiangan hote. Etelengejuhi sing nolohailong ho ne ho nohote. ¹⁸ Tojiana lati to ho ale. ¹⁹ Nakelesiaji ho Asia ibatari nehihata nihote. Akwila ho Priska ohihate ite to Lohobu, ho nakelesia na obwon nihang ho sing. ²⁰ Lahilasira ho nahinasira ohihate ite fad. Ihatahi lati fad tanajura na onyila. ²¹ Ne, Paulo, legiero anya tenehene ho ne. ²² Nabu lobo latwani okwama Lohobu, ikie nepit obwon nihote. Lohobu hojie, kwo! ²³ Nangidari ho Lohobu hojie Yesu ikie obwon nihote. ²⁴ Nakwama ho ne ikie obwon nihote fad to Yesu Kristo . Amen.